প্রধান মন্ত্রী, শ্রী নরেন্দ্র মোদী ঙসি ভিদিও কনফরেন্সিংগী থোংদা গুজরাতকী সোমনাথতা তোঙান-তোঙানবা প্রোজেক্তশিং শঙ্গাখ্রে অমসুং উরেপ-উয়ুং তমখ্রে। শঙ্গাখিবা প্রোজেক্তশিং অদুদা সোমনাথ প্রোমেনেদ, সোমনাথ এগজিবিসন সেন্তর অমসুং অরিবা (জুনা) সোমনাথকী নৌনা শেমগৎপা লাইশঙগী মফম য়াওখি। প্রধান মন্ত্রীনা থৌরম অদুদা শ্রী পার্বতি তেম্পলগী উরেপ-উয়ুংসু তমখি।

য়াইফরবা থৌরম অদুসাশ্রী লাল কষ্ণন অদভানি, শ্রী সোমনাথ ত্রস্তকী ভেতরেন লীদর অমসুং ত্রস্তী, শ্রী  অমিত শাহ (কেন্দ্রগী গৃহ অমসুং কোওপরেসনগী মন্ত্রী), শ্রী শ্রিপাদ য়েস্সো নায়ক ( তুরিজম অমসুং পোর্তস, শিপিং এন্দ ৱাতরৱেজকী রাজ্য মন্ত্রী), শ্রী বিজয় রুপানি (গুজরাতকী সি.এম.), শ্রী নিতিনভাই পতেল (উপ সি.এম.), শ্রী জৱাহর চোদা (গুজরাত সরকারগী তুরিজম মন্ত্রী) অমসুং শ্রী বসন অহির (গুজরাত সরকারগী তুরিজমগী রাজ্য মন্ত্রী), শ্রী রাজেশাই চুদসমা, মেম্বর ওফ পার্লিয়ামেন্ত, জুনাগাধ অমসুং শ্রী পি.কে. লহেরি, ত্রস্তী –সেক্রেতরী, শ্রী সোমনাথ ত্রস্তনা শরুক য়াখি। থৌরম অসি শ্রী অর্ভিন্দ সিংহ, সেক্রেতরী, তুরিজম মন্ত্রায়না কনদক্ত তৌখি। থৌরম অসিদা, সোমনাথতা পাইখৎখিবা তোঙান-তোঙানবা দিবেলপমেন্তেল ইনফ্রাস্ত্রকচর প্রোজেক্তশিং উৎপা ফিল্ম অমা খুদোল তমখি।

মালেমদা লৈরিবা ভক্তাশিংদা নুংঙাইবা ফোঙদোক্লদুনা প্রধান মন্ত্রীনা ভারতকী মমাংঙৈগী ফজবা অদু নৌহৌনা হিংগৎহন্নবগী লম্বা লৈত্রবা অখাং কনবগী শক্তি অদু উৎখিবা সরদার পতেলদা ইকাই খুম্নবা উৎখি। সরদার পতেলনা নীংতম্বা ভারতকী নীংতম্বগী ৱাখল্লোন অদুগা সোমনাথ মন্দির অসি মরী লৈনহনখি। শ্রী মোদীনা হায়খি মদুদি ‘নীংতম্বা চহি ৭৫শুরকপদা সরদার সাহেবনা হোৎনরম্বশিং অদু ঐখোয়না মাংদা পুখৎপা ফংজবা অসি ঐখোয়গী লাইবক ফবনি। প্রধান মন্ত্রী বিশ্বানাথতগী সোমনাথ ফাওবা মন্ত্রী কয়া নৌহৌনা শেমগৎখিবা লোকমাতা অহিল্যাবাই হোল্করবুসু নীংশিংখ্রে। লৈবাক অসিনা মহাক্কী পুন্সিদা মোদর্নিতী অমসুং ত্রেদিসনগী পুনশিন্নবা অসিদগী ইথিল লৌদুনা মাংদা চংশিল্লি হায়না প্রধান মন্ত্রীনা ফোঙদোকখ্রে।

প্রধান মন্ত্রীনা হায় স্তেচ্যু ওফ য়ুনিতী অমসুং কচ্ছতা অওনবা পুরকখিবা অসিগুম্বা থৌরাংশিং অসি গুজরাতনা মোদর্নিতীগা তুরিজমগা লিঙ্ক তৌবগী ফলশিং অসি য়াম্না কুপ্না য়েংশিনখি। প্রধান মন্ত্রীনা হায়খি, “চহিচা খুদিংমক্না ধর্মগা মরী লৈনবা তুরিজমদা অনৌবা ওইথোকপা য়াবশিং থিদোক্নবা অমসুং লাইফম অমসুং মফম অদুগী শেন্মীৎলোনগী মরক্তা মরী ফগৎহন্নবা দিমান্দ তৌই”

প্রধান মন্ত্রীনা হায়খি মবুঙো শিবনা অকাই-অতোই অমসুং অপনবা থোক্লিঙৈ চৈরক্তা চাউখৎ-থৌরাং অমসুং ক্রিএতিবিতী হেনগৎহনখি। শিব অসি লোইনাইদে, মসি ফোঙদোকপা ঙমদে অমসুং হোংবা নাইদে। প্রধান মন্ত্রীনা হায়খি, ‘শিবদা ঐখোয়না থাজবা থম্বনা ঐখোয়দা হিংলিঙৈ মতমগী মতুংদসু ঐখোয় লেংদনা লৈ হায়বা খঙহল্লি, খুদোংথিবা মতম মায়োক্নবা ঙম্নবা থৌনা ঐখোয়দা পীরি’।

ইকাই খুমন্নীংঙাই ওইরবা লাইশঙ অসিগী পুৱারী অদু পল্লদুনা প্রধান মন্ত্রী লাইশঙ অসি হঞ্জিন-হঞ্জিন থুগাইখিবা অমসুং লাইশঙ অসিনা অকাইবা পীখিবা খুদিংমক্কী মতুংদা অমুক হন্না করম্না হান্নগুম লৈখিবা অদু নীংশিংখ্রে। ‘মসি অচুম্ববু অরানবনা মাইথিবা পীবা ঙমদে অমসুং থাজবা অসি অকি-অখং পীবনা মাংহনবা ঙমদে হায়বগী থাজবা অদুগী খুদম অমনি’। “অকাই-অতোই থোকহনবগী শক্তি, অকি-অখাং পোকহনদুনা নীংথৌরেল অমা শেমগৎন্নবা হোৎনবগী ৱাখল্লোন অসি মতম খরা চৎনরম্বা য়াই অদুবু মসি মতম চুপ্পগী ওইবদি য়াদে, মসিনা মীওইবা খুন্নাইবু মতম শাংনা নমথদুনা থম্বা য়ারোই। মসি সোমনাথবু এতেকর খরনা থুগাইখিবা মতম অদুদসু চুমখি, মসি ঙসি মালেম অসিনা অসিগুম্বা ৱাখল্লোনশিংদা চীংনবা পোক্লিবা মতমসিদসু চুম্লি।”, হায়না প্রধান মন্ত্রীনা ফোঙদোকখ্রে।

প্রধান মন্ত্রীনা হায়খি সোমনাথ তেম্পল শেমগৎপা অসি চাউনা শেমগৎ শাগৎখিবা ঙমখিবগী মরম অসি মাগী চহিচা কয়া অখাং কনদুনা লাকখিবা অমসুং হোংবা নাইদ্রবা ৱাখল্লোন অসিনা ওইরি। ‘নীংতম্লবা মতুংদসি রাজেন্দ্র প্রসাদজী, সরদার পতেল অমসুং কে.এম. মুন্সিগুম্বা মীওইশিংনা কেম্পেন অসিগীদমক খুদোংথিবশিং মায়োক্নখি। ঙসি, অরোইবদা সোমনাথ মান্দির অসি ১৯৫০গী মোদর্ন ইন্দিয়াগী ইশ্বরগুম্না মতিক-ময়াই চেনবা য়ুম্বী অমা ওইনা শেমগৎপা ঙমখি। লৈবাক অসিনা অরুবা সমস্যাশিংগী পুম্নমক্না য়ারবা ৱারোইশিনশিং পুরক্নবা মাইকৈ তম্না চংশিল্লি। রাম মন্দিরগী শক্লোন্দা অনৌবা ভারতকী ফজরবা মঙাল লৈরবা য়ুম্বী অমা ওইনা শেমগৎলি’ হায়না মহাক্না ফোঙদোকখ্রে।

মহাক্না হায়খি ঐখোয়গী ৱাখল্লোন অসি হৌজিক অসি ফগৎহন্নবা অমসুং অনৌবা তুংলমচৎ অমা শেমগৎনবা পুৱারীদগী তমশিনবা অসি ওইগদবনি। ‘ভারত জোরো অন্দোলন’গী মহাক্কী লাইৱা অদু পল্লদুনা শ্রী মোদীনা হায়খি মদুদি মসি জিওগ্রাফিকেল কনেক্তিবিতী খক্তা নত্তে মসি ৱাখলদসু কনেক্ত তৌবা তাই। মসি ঐখোয়গী হৌখিবা অদুগা ভারতকী তুংলমচৎকা কনেক্ত তৌনবা ৱাশক অমসু ওইরি’, হায়না প্রধান মন্ত্রীনা ফোঙদোকখ্রে। প্রধান মন্ত্রীনা হায়খি “ঐখোয়গী ওইনা পুৱারী অমসুং থাজবগী ৱাখল্লোন অসি সবকা সাথ, সবকা বিকাস, সবকা বিশ্বাস অমসুং সবলা প্রয়াসনি”। প্রধান মন্ত্রীনা ভারত্তা অপুনবগী মশক অমা পুরক্নবা হোৎনবদা থাজবা অমসুং থাজবগী সিস্তেমগী থৌদাং লৈ হায়না ফোঙদোকখ্রে। মহাক্না হায়খি ‘নোংচুপ্তা সোমনাথ অমসুং নগেশ্বরদগী নোংপোক্তা বাইদ্যনাথ, নোংপোক্তা বাবা কেদর্নাথতগী ভারতকী খা থংবদা লৈরিবা শ্রী রামেশ্বর ফাওবা জ্যোতিলিঙ্গা ১২ অসিনা ভারতপু পুন্না শম্নহল্লি। মসিগা মান্ননা, ঐখোয়গী ধাম মরিগী শিল-লাংলিবা, ঐখোয়গী শক্তিপীথশিংগী ৱাখল্লোন, ঐখোয়গী লৈবাক্কী তোঙান-তোঙানবা মফমশিংদা তোঙান-তোঙানবা লাইফমশিং শেমগৎপা, ঐখোয়গী থাজবা লৈরিবা মওং অসিন তশেংনা ‘এক ভারত, এক শ্রেস্থা ভারত’কী ৱাখল্লোন অদু ফোঙদোক্লি।’

লৈবাক অসি অমত্তা ওইবগী ৱাখল্লোন অসি চেৎশিনহনবদা স্পিরিচ্যুএলিতীনা লৌরিবা থৌদাংগী মতাংদা মখা তারদুনা প্রধান মন্ত্রীনা তুরিজমগী  নেস্নেল অমসুং ইন্তর্নেস্নেল পোতেন্সিএল অমসুং স্পিরিচ্যুএল তুরিজমগী মতাংদা পনখি। মহাক্না হায়খি লৈবাক অসিনা অনৌবা ইনফ্রাস্ত্রকচর শেমগৎতুনা অরিবগী ফজবা অদু নৌহৌননা হিংগৎহল্লি। মমহাক্না মবুঙো রামগা মী লৈনবা অনৌবা মফমশিংগী মরমদা রাম ভক্তাশিংদা খঙহল্লিবা অমসুং মখোয়দা মবুঙো রাম অসি ভারত পুম্বগী রাম ওইবগে হায়বা ফাওহল্লিবা রামায়ন সর্কিৎ অসি খুদম ওইনা পীখি। মসিগা মান্ননা বুদ্ধ সর্কিৎনা মালেম পুম্বদগী ভক্তাশিংদা খুদোংচাবশিং পীরি। প্রধান মন্ত্রীনা তুরিজম মন্ত্রালয়না স্বাদেশ দর্শন স্কীমগী মখাদা থিম ১৫দা তুরিস্ত সর্কিৎ ১৫ শেমগৎলি, খুদোংচাবা ফংদ্রবা মশিংদা তুরিজমগী খুদোংচাবশিং পীরি হায়না খঙহনখ্রে। কেদর্নাথগুম্বা চীংগী মফমদা চাউৎ-থৌরাংশিং পাইখৎপা, চার ধামশিংগী তনেল অমসুং হায়ৱেশিং শেমগৎপা, বৈশ্নব দেবিদা চত্থরিবা চাউখৎ-থৌরাংগী থবক, অৱাং নোংপোক্তা হায়-তেক ইনফ্রাস্ত্রকচর শেমগৎপা অসিনা অরাপ্পা লৈরম্বা অদু কোকহল্লি। মসিগা মান্না ২০১৪দা লাউথোকখিবা প্রশাদ স্কীমগী মখাদা মরু ওইবা লাইফম ৪০ শেমগৎলি, মসিগী মনুংদা ১৫দি লোইশিনখ্রে। গুজরাত্তা লুপা করোর ১০০রোমগী প্রোজেক্ত অহুমগী থবক পাইখৎলি। লাইফমশিং কনেক্ত তৌনবা মীৎয়েং চংলি। প্রধান মন্ত্রীনা হায়খি মদুদি লৈবাক অসিনা তুরিজমগী খুত্থাংদা মীচম প্রজা খক্তা কনেক্ত তৌবদা নত্তনা খুমাং চাউশিল্লি। লৈবাক অসি ত্রাবেল এন্দ তুরিজম কম্পিতিতিবনেস ইন্দেক্সতা ২০১৩দা ৬৫শুবা মফমদা লৈরম্বা অদু ২০১৯দা ৩৪শুবা মফমদা কাখৎখি।

থৌরম অসিদা ৱা ঙাংলদুনা গৃহ মন্ত্রী শ্রী অমিত শাহনা হায়খি, ২০১৪দা প্রধান মন্ত্রী ওইরবা মতুংদা শ্রী নরেন্দ্র মোদীনা ধর্ম পুম্নমক্কী লাইফমশিং ‘প্রসাদ’ (পিলগ্রিমেজ রিজুভনেসন এন্দ স্পিরিচ্যুএল, হেরিতেজ ওগমেন্তেসন দ্রাইব) স্কীমগী মখাদা থমখি অমসুং মখোয়গী ইনফ্রাস্ত্রকচর অমসুং মনাক নকপদা লৈরিবা মফমশিং লমকোইবশিংগীদমক তঙাই ফদনা মথৌ তাবশিং ফংহন্নবা হোৎনবদা মীৎয়েং চংখি।

গৃহ মন্ত্রীনা হায়খি হৌখিবা চহি তরেৎ অসিদা ‘প্রসাদ’ স্কীমদগী লাইফম কয়া কান্নবা ফংলি অমসুং ধর্ম পুম্নমক্কী ভক্তাশিংনা মখোয় মশাগী লাইফমদা চৎতুনা থৌনিজবা ফংজরে। মহাক্না হায় অরাবিয়ন সীগী সমুদ্রা খোঙবান্দা কিলোমিতর অমগা মখাই শাংবা অমদি মিতর নিপান পাকপা কোরিদোর অমা শেমখি মসিদা লমকোইবশিংনা মখোয়গী ইমুং-মনুংশিংগা লোইননা নুমিদাং ৱাইরমদা পোত্থবা য়ারগনি অমসুং লমকোইফম অমদা লৈবগুম্না ফাওহল্লগনি।

শ্রী অমিত শাহনা মখা তারদুনা হায়খি ভক্তাশিংনা সোমনাথ উবা ফংজনবা অমসুং দিজিতেল ওইনা থৌনিজনবা প্রধান মন্ত্রীনা খোঙথাং কয়া লৌখৎখি অমসুং মখোয়বু মোনিতর তৌখি অমদি মসিগী ফল ওইনা সোমনাথতা দিজিতেল ওইনা থৌনিবা অসি হৌজিক তোপ ভ্যু প্রেয়রশিংগী মনুং চনবা ঙম্লে।

গুজরাতকী মুখ্য মন্ত্রী শ্রী বিজয়ভাই রুপানিনা হায়খি সোমনাথকী শেমগৎ-শাগৎপা অসি প্রধান মন্ত্রী, শ্রী নরেন্দ্র মোদীগী মীৎয়েং মখাদা অনৌবা মাইকৈ অমদা চংশিনবা ঙমখি। মহাক্না মখা তারদুনা হায় রাজ্য সরকারনা সোমনাথ অসি তর্থ স্থাল (লাইফম) অমা ওইনা প্রধান মন্ত্রীগী মঙলানগী মতুং ইন্না শেমগৎনবা হোৎনখি। শ্রী রুপানিনা প্রসাদ স্কীমগী মখাদা সোমনাথতা তোঙান-তোঙানবা প্রোজেক্তশিং অমসুং খুদোংচাবশিংগীদমক কেন্দ্রগী তুরিজম মন্ত্রালয়না তেংবাং পীরকখিবগীদমক থাগৎপা ফোঙদোকখি।

নেস্নেল মিসন ওন পিলগ্রিমেজ রিজুভনেসন এন্দ স্পিরিচ্যুএল, হেরিতেজ ওগমেন্তেসন দ্রাইব (প্রসাদ) অসি ইং কুমজা ২০১৪-১৫দা তুরিজম মন্ত্রালয়না হৌদোকখি, মসিগী পান্দমদি মশক খঙদোক্লবা লাইফম অমসুং হেরিতেজ ওইরিবা মফমশিং ইন্তিগ্রেতেদ ওইনা দিবেলপমেন্ত পুরকপা অসিনা ওইখি। য়ুনিভর্সেল এক্সেস হায়বা ৱাখল্লোন অসিদা অহানবা অমসুং খ্বাইদগী মীৎয়েং চংলি অমরোমদনা স্কীম অসিগী মখাদা প্রোজেক্তশিং ফাইনেলাইজ তৌবা অমসুং থবক হৌনবা তৌরি। স্কীম অসিনা মফমশিং অদুদা লাইফম/ধর্মগী ওইবা মফম অমসুং হেরিতেজ তরিজমগী ইনফ্রাস্ত্রকচর দিবেলপমেন্ত তৌনবা পান্দম থমখি। হৌজিক্কী ওইনা রাজ্য ২৪দা পুন্না প্রোজেক্ত ৩৭ (লোইশিনখিবা প্রোজেক্ত ১৫ য়াওনা) লুপা করোর ১২১৪.১৯গী চংগদবা শেনফমগা লোইননা অয়াবা পীখ্রে অমসুং স্কীম অসিগী মখাদা পুন্না লুপা করোর ৬৭৫.৮৯ কাইথখ্রে।

 “প্রসাদ স্কীমগী মখাদা সোমনাথতা দিবেলপমেন্ত ওফ পিলগ্রিমেজ এমেনিতীজ” প্রোজেক্ত অসি মার্চ ২০১৭দা লুপা করোর ৪৫.৩৬কী চংগদবা শেনফমগা লোইনা তুরিজম মন্ত্রালয়না অয়াবা পীখি। ‘পার্কিং এরিয়া দিবেলপমেন্ত’, ‘তুরিজম ফেসিলিতেসন সেন্তর’ অমসুং ‘সোলিদ ৱেস্ত মেনেজমেন্ত’ অসিগুম্বা কম্পোনেন্তশিং মাই পাকনা পাইখৎখ্রে অমসুং জুলাই ২০২০দা জাতি মীয়ামদা কত্থোকখ্রে। ক্লোক রুম, পব্লিক কনভিনিয়ন্স, ৱেতিং হোলশিং, অঙাংশিংগী, মীমান্নদ্রবশিংগী কাশিং, কার, বস অমসুং চকা অনি পানবা গারিশিংগী আর্কিং, সোলিদ ৱেস্ত মেনেজমেন্তগী দিস্পোজেল/সেগ্রিগেসন. মেদিকেল ফেসিলিতীশিং, সোভেনর য়োনবা দুকানশিং, ত্রেদিস্নেলগী ওইনা দুকানশিং, রিফ্রেশমেন্ত হাউস, লাইব্রেরী, মীতিং হোল, মল্তি-পর্পস রু,, সিনিয়র সিতিজেনী কা, সৎসং হাউস, থাক্নবা ঈশিং, দেদিকেতেদ পার্কিং, সোলর পাৱর হাউস. লেন্দস্কেপিং অসিনচিংবা য়াওনা মালেমগী থাক্কী পিলগ্রিমেজ তুরিজম ইনফ্রাস্ত্রকচর মাই পাক্না শাখ্রে। স্কীম অসিগী মখাদা শাখিবা তুরিস্ত ফেসিলিতেসন সেন্তর অসিদা ঙসি শঙ্গাখিবা এগজিবিসন গেলরী অসি শ্রী সোমনাথ ত্রস্তনা শেমগৎখিবনি।

জুনা সোমনাথ মন্দিরগী অকোইবগী মফমশিং শেমগৎ-শাগৎপগী থবকশিংদা য়ুনিভর্সেল এক্সেস তৌনবগী রেম্প অমা, কোর্ত য়ার্দ, ভক্তাশিংগী ফম-ফম, দুকান ১৫, লিফ অমসুং অচৌবা হোল অনি য়াওনা শ্রী সোমনাথ ত্রস্তনা লুপা করোর ৩.৫ চাদিং তৌদুনা শেমগৎখি।

শ্রী সোমনাথ তেম্পেলদা প্রপোজ তৌখিবা পার্বতিমাতা মন্দির অসি অম্বাজি, বনাস্কান্থাদগী অরাস স্তোনশিং শীজিন্নদুনা স্ক্বের মিতর ১৬৫০ অমসুং ফুৎ ৭১ ৱাংবা মফমদা অচৌবা স্ত্রকচর অমা শাগনি। মসিদা অশেংবা লাইশঙদা লৈবা অদুগুম্না পোল ৪৪ লৈগনি, মসি আর্তিস্তিক ওইবা মওং অমদা মার্বল শীজিন্নদুনা শেমগনি। লাইশঙ অসিগী মরু ওইবা গর্ভ গ্রিহ অসি স্ক্বের মিতর ৩৮০গী লম ওইগনি অমসুং শগোই শানবা মন্দপ অসিনা স্ক্বের মিতর ১২৫০ ওইগনি।

প্রসাদ স্কীমগী মখাদা গুজরাতকী রাজ্যগী ওইনা পাইপলাইনদা লৈরিবা অনৌবা প্রোজেক্তশিংদা য়াওরিবা অদুদি: মা অম্বাজি তেম্পল, বনাস্কান্থাদা পিলগ্রিমেজ এমেনিতীশিং শেমগৎপা অমসুং সোমনাথতা পব্লিক প্লাজা/এন্ত্রী প্লাজা শেমগৎপা।

ভক্তাশিংনা চৎথোক-চৎশিন নুংঙাইনবা অমসুং লাইশঙ মনুংদা খোঙগী লম্বেল থম্নবা স্তেৎ ওফ দি আর্ত ফেসিলিতী ওইনা পব্লিক প্লাজা/এন্ত্রী প্লাজা শেমগৎকনি। স্তেৎ ওফ আর্ত ফেসিলিতী অসিদা মীমান্নদ্রবা প্রজাশিং অমসুং ইমর্জেন্সীগী গারিশিং (এমব্যুলেন্স অমসুং ফায়র ফাইতিং)গীদমক পার্কিংগী খুদোংচাবা লৈগনি। এন্ত্রী প্লাজা অসিদা রেস্ত রুম, ক্লোক রুম, কেফেতরিয়া অমসুং নুপা-নুপীগী তোইলেৎশিং অসিগুম্বা অতৈ পব্লিক ফেসিলিতীশিং অমসং মী চিনখৎলকপা মরমদা মীয়াম লাকশিনবা ঙম্নবা কেনোপী য়াওবা ভক্তাশিংগী ক্যু কম্প্লেক্স য়াওগনি। ইকোনিক দেস্তিনেসন দিবেলপমেন্ত স্কীম (আই.দি.দি.এস.)কী মখাদা শেমখিবা মাস্তর প্লানা লোইননা ফেসিলিতীগী লোকেসনসু প্রপোজ তৌখ্রে। অম্বাজি তেম্পলগী প্রোজেক্তকী মখাদা তুরিস্ত ফেসিলিতী সেন্তর, পার্কিং, পব্লিক এমেনিতীশিং, ক্লোক রুম, গব্বর হিলদা কৈরাক শেমগৎপা অসিগুম্বা তঙাই ফদবা পিলগ্রিমেজ তুরিজম ইনফ্রাস্ত্রকচর অমসুং অতৈ ফেসিলিতীশিংসু শেমগৎলবা য়ানা লৈরে।

তুরিজম মন্ত্রালয়গী ইন্তিগ্রেতেদ দেস্তিনেসন দিবেলপমেন্ত স্কীম (আই.দি.দি.এস.)কী মখাদা আইকোনিক তুরিজম দেস্তিনেসনশিংগী মনুংদা সোমনাথকী শেমগৎ-শাগৎপা অসি অমা ওইনা প্রপোজ তৌখি। মসিগী শেমগৎ-শাগৎপগী কম্পোনেন্তশিংদা প্রভাস পতন ম্যুজিয়ম, তুরিস্ত এমেনিতীজ, হাত অসিনচিংবা য়াওই। সোমনাথতা কনেক্তিবিতী লৈহন্নবা, অপুনবা রিজন অসিগী কম্প্রিহেনসিব অমসুং ব্রোদ দিবেলপমেন্ত লৈনবা কেশোদ এয়রপোর্ত, এন.ঐচ-৫১ শেমগৎপা, সী প্লেন সর্ভিসশিং শেমগৎপা অসিগুম্বা রিজনেলগী ওইবা খোঙথাং খরা খন্নরিবা প্রোজেক্ত অসিগী মখাদা প্রপোজ তৌখি।

মথক্তা পীরিবা অসিগী মথক্তা তুরিজম মন্ত্রালয়গী মখাদা স্বাদেশ দর্শন স্কীমগী মখাদা গুজরাতকী রাজ্য সরকারনা পাইখৎনবা মখাদা পীরিবা প্রোজেক্তশিং অসি অয়াবা পীখ্রে:

*******