ਭਾਰਤੀ ਪ੍ਰਤੀਯੋਗਤਾ ਕਮਿਸ਼ਨ (ਸੀਸੀਆਈ) ਨੇ ਜ਼ੋਮੈਟੋ ਲਿਮਟਿਡ (ਜ਼ੋਮੈਟੋ) ਦੁਆਰਾ ਗ੍ਰੋਫਰਸ ਇੰਡੀਆ ਪ੍ਰਾਈਵੇਟ ਲਿਮਟਿਡ (ਗ੍ਰੋਫਰਸ ਇੰਡੀਆ) ਅਤੇ ਹੈਂਡਸ ਆਨ ਟ੍ਰੇਡਸ ਪ੍ਰਾਈਵੇਟ ਲਿਮਟਿਡ (ਐਚਓਟੀ) ਵਿੱਚ ਹਰੇਕ ਦੇ ਟੀਚਿਆਂ ਦੇ ਕੁਝ ਅਧਿਕਾਰਾਂ ਦੇ ਨਾਲ ਲਗਭਗ 9.3% ਹਿੱਸੇਦਾਰੀ ਦੇ ਪ੍ਰਾਪਤੀ ਵਾਲੇ ਪ੍ਰਸਤਾਵਿਤ ਸੁਮੇਲ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

ਜ਼ੋਮੈਟੋ: ਜ਼ੋਮੈਟੋ ਇੱਕ ਪਬਲਿਕ ਲਿਮਟਿਡ ਕੰਪਨੀ ਹੈ। ਇਹ ਮੁੱਖ ਤੌਰ 'ਤੇ ਭੋਜਨ ਸੇਵਾਵਾਂ ਦੀ ਮਾਰਕੀਟ ਵਿੱਚ ਕੰਮ ਕਰਦੀ ਹੈ ਅਤੇ ਇੱਕ ਪਲੇਟਫਾਰਮ ਪ੍ਰਦਾਨ ਕਰਦੀ ਹੈ, ਜੋ ਗਾਹਕਾਂ, ਰੈਸਟੋਰੈਂਟ ਭਾਈਵਾਲਾਂ ਅਤੇ ਸਪੁਰਦਗੀ ਭਾਗੀਦਾਰਾਂ ਨੂੰ ਜੋੜਦਾ ਹੈ ਅਤੇ ਉਨ੍ਹਾਂ ਦੀਆਂ ਕਈ ਲੋੜਾਂ ਦੀ ਪੂਰਤੀ ਕਰਦਾ ਹੈ। ਜ਼ੋਮੈਟੋ ਦੀ ਸਹਾਇਕ ਕੰਪਨੀ, ਜ਼ੋਮੈਟੋ ਇੰਟਰਨੈੱਟ ਪ੍ਰਾਈਵੇਟ ਲਿਮਟਿਡ, ਹਾਈਪਰਪਿਊਰ ਵੀ ਚਲਾਉਂਦੀ ਹੈ, ਜਿਸ ਵਿੱਚ ਇਹ ਮੁੱਖ ਤੌਰ 'ਤੇ ਜ਼ੋਮੈਟੋ ਦੇ ਰੈਸਟੋਰੈਂਟ ਭਾਈਵਾਲਾਂ ਨੂੰ ਤਾਜ਼ੀਆਂ, ਉੱਚ ਗੁਣਵੱਤਾ ਵਾਲੀਆਂ ਸਮੱਗਰੀਆਂ (ਜਿਵੇਂ ਸਬਜ਼ੀਆਂ, ਫਲ, ਮੀਟ ਆਦਿ) ਦੀ ਸਪਲਾਈ ਕਰਦੀ ਹੈ।

ਗ੍ਰੋਫਰਸ ਇੰਡੀਆ-ਗ੍ਰੋਫਰਸ ਇੰਡੀਆ ਇੱਕ ਪ੍ਰਾਈਵੇਟ ਲਿਮਟਿਡ ਕੰਪਨੀ ਹੈ, ਜੋ ਭਾਰਤ ਵਿੱਚ ਇੱਕ ਈ-ਕਾਮਰਸ ਬਾਜ਼ਾਰ ਚਲਾਉਂਦੀ ਹੈ, ਇੱਕ ਡਿਜੀਟਲ ਅਤੇ ਇਲੈਕਟ੍ਰੌਨਿਕ ਨੈੱਟਵਰਕ ਅਤੇ ਇੱਕ ਸੂਚਨਾ ਤਕਨਾਲੋਜੀ ਪਲੇਟਫਾਰਮ ਪ੍ਰਦਾਨ ਕਰਦੀ ਹੈ, ਜੋ ਕਿ ਵੱਖ-ਵੱਖ ਉਤਪਾਦਾਂ (ਜਿਵੇਂ ਕਿ ਕਰਿਆਨਾ, ਫਲਾਂ ਅਤੇ ਸਬਜ਼ੀਆਂ, ਬੇਕਰੀ ਚੀਜ਼ਾਂ, ਨਿੱਜੀ ਦੇਖਭਾਲ, ਸਿਹਤ ਅਤੇ ਸਫਾਈ, ਪਾਲਤੂ ਜਾਨਵਰਾਂ ਦੀ ਦੇਖਭਾਲ ਅਤੇ ਬੱਚਿਆਂ ਦੀ ਦੇਖਭਾਲ ਆਦਿ) ਦੇ ਤੀਜੇ ਪੱਖ ਦੇ ਵਿਕਰੇਤਾਵਾਂ ਅਤੇ ਮਾਲ ਦੇ ਸੰਭਾਵੀ ਖਰੀਦਦਾਰਾਂ ਦੇ ਵਿੱਚ ਸੁਵਿਧਾਜਨਕ ਵਜੋਂ ਕੰਮ ਕਰਦੀ ਹੈ।

ਐੱਚਓਟੀ - ਐੱਚਓਟੀ ਇੱਕ ਪ੍ਰਾਈਵੇਟ ਲਿਮਟਿਡ ਕੰਪਨੀ ਹੈ, ਜੋ ਤੀਜੀ ਧਿਰ ਦੇ ਵਪਾਰੀਆਂ ਦੇ ਨਾਲ ਬੀਟੂਬੀ ਥੋਕ ਵਪਾਰ ਦੇ ਕਾਰੋਬਾਰ ਵਿੱਚ ਸ਼ਾਮਲ ਹੈ, ਥੋਕ ਅਧਾਰ 'ਤੇ ਅੱਗੇ ਵਿਕਰੀ ਦੇ ਉਦੇਸ਼ ਨਾਲ ਭੋਜਨ ਉਤਪਾਦਾਂ, ਕਰਿਆਨੇ ਅਤੇ ਹੋਰ ਸਮਾਨ ਦੇ ਨਿਰਮਾਣ ਦਾ ਇਕਰਾਰਨਾਮਾ ਕਰਦੀ ਹੈ ਅਤੇ ਭੰਡਾਰਨ ਸਮੇਤ ਗੁਦਾਮ ਸੇਵਾਵਾਂ ਅਤੇ ਤੀਜੀ ਧਿਰ ਦੇ ਵਪਾਰੀਆਂ ਨੂੰ ਭੋਜਨ ਉਤਪਾਦਾਂ ਅਤੇ ਕਰਿਆਨੇ ਦਾ ਸਮਾਨ ਪ੍ਰਦਾਨ ਕਰਦੀ ਹੈ।

ਗ੍ਰੋਫਰਸ ਇੰਟਰਨੈਸ਼ਨਲ ਪੀਟੀਈ ਲਿਮਟਿਡ (ਗ੍ਰੋਫਰਸ ਇੰਟਰਨੈਸ਼ਨਲ) - ਗ੍ਰੋਫਰਸ ਇੰਟਰਨੈਸ਼ਨਲ ਇੱਕ ਨਿਵੇਸ਼ ਹੋਲਡਿੰਗ ਕੰਪਨੀ ਹੈ ਅਤੇ ਗ੍ਰੋਫਰਸ ਇੰਡੀਆ ਅਤੇ ਐੱਚਓਟੀ ਦੀ ਹੋਲਡਿੰਗ ਕੰਪਨੀ ਹੈ।

ਸੀਸੀਆਈ ਦਾ ਵਿਸਥਾਰਤ ਹੁਕਮ ਆਵੇਗਾ।

****

ਆਰਐਮ/ਕੇਐਮਐਨ

(Release ID: 1745650) Visitor Counter : 133