• , ਹਵਾਈ ਅੱਡੇ ਅਤੇ ਸੰਬੰਧਿਤ ਸੇਵਾਵਾਂ ਸਮੇਤ ਏਵੀਏਸ਼ਨ ਖੇਤਰ ਕੋਵਿਡ 19 ਮਹਾਮਾਰੀ ਕਾਰਨ ਮਾਲੀ ਦਬਾਅ ਹੇਠ ਆਇਆ ਹੈ । ਇਸ ਸਮੇਂ ਦੌਰਾਨ ਸ਼ਹਿਰੀ ਹਵਾਬਾਜ਼ੀ ਖੇਤਰ ਨੂੰ ਮੁੜ ਸੁਰਜੀਤ ਕਰਨ ਲਈ ਸਰਕਾਰ ਦੁਆਰਾ ਚੁੱਕੇ ਗਏ ਮੁੱਖ ਕਦਮਾਂ ਦਾ ਵੇਰਵਾ ਹੇਠਾਂ ਦਿੱਤਾ ਗਿਆ ਹੈ -
  1. ਵੱਖ ਵੱਖ ਨੀਤੀ ਉਪਾਵਾਂ ਰਾਹੀਂ ਏਅਰਲਾਈਨਜ਼ ਨੂੰ ਸਹਾਇਤਾ ਮੁਹੱਈਆ ਕਰਨਾ ।
  2. ਏਅਰਪੋਰਟਸ ਅਥਾਰਟੀ ਆਫ ਇੰਡੀਆ ਅਤੇ ਨਿਜੀ ਆਪ੍ਰੇਟਰਾਂ ਰਾਹੀਂ ਹਵਾਈ ਅੱਡਾ ਬੁਨਿਆਦੀ ਢਾਂਚਾ ਮੁਹੱਈਆ ਕਰਨਾ ।
  3. ਪੀ ਪੀ ਪੀ ਰੂਟ ਰਾਹੀਂ ਮੌਜੂਦਾ ਤੇ ਨਵੇਂ ਹਵਾਈ ਅੱਡਿਆਂ ਵਿੱਚ ਨਿਜੀ ਨਿਵੇਸ਼ ਨੂੰ ਉਤਸ਼ਾਹਿਤ ਕਰਨਾ ।
  4. ਪ੍ਰਭਾਵੀ ਏਅਰ ਨੇਵੀਗੇਸ਼ਨ ਪ੍ਰਣਾਲੀ ਮੁਹੱਈਆ ਕਰਨਾ ।
  5. ਏਅਰ ਬਬਲ ਪ੍ਰਬੰਧਾਂ ਰਾਹੀਂ ਅੰਤਰਰਾਸ਼ਟਰੀ ਖੇਤਰ ਵਿੱਚ ਆਪਣੇ ਕੈਰੀਅਰਜ਼ ਲਈ ਵਾਜਿਬ ਤੇ ਬਰਾਬਰੀ ਵਿਹਾਰ ਯਕੀਨੀ ਬਣਾਉਣ ਲਈ ਯਤਨ ਕਰਨੇ ।
  6. ਘਰੇਲੂ ਰੱਖਰਖਾਵ, ਮੁਰੰਮਤ ਅਤੇ ਓਵਰਹਾਲ ਸੇਵਾਵਾਂ ਲਈ ਵਸਤੂ ਤੇ ਸੇਵਾਵਾਂ ਟੈਕਸ (ਜੀ ਐੱਸ ਟੀ) ਦਰ ਨੂੰ 18% ਤੋਂ ਘਟਾ ਕੇ 5% ਕਰਨਾ ।
  7. ਇੱਕ ਅਨੁਕੂਲ ਏਅਰ ਕ੍ਰਾਫਟ ਲਿਜ਼ੀਂਗ ਅਤੇ ਫਾਇਨਾਂਸਿੰਗ ਮਾਹੌਲ ਤਿਆਰ ਕਰਨਾ ।
  8. ਪ੍ਰਭਾਵਸ਼ਾਲੀ ਏਅਰ ਸਪੇਸ ਪ੍ਰਬੰਧਨ , ਛੋਟੇ ਰੂਟ ਅਤੇ ਘੱਟ ਤੇਲ ਖ਼ਪਤ ਲਈ ਭਾਰਤੀ ਹਵਾਈ ਸੈਨਾ ਨਾਲ ਤਾਲਮੇਲ ਕਰਕੇ ਭਾਰਤੀ ਏਅਰ ਸਪੇਸ ਦੀ ਰੂਟ ਤਰਕਸੰਗਤੀ ਕਰਨਾ।
  9. ਮੁੱਦਿਆਂ ਦੇ ਹੱਲ ਲਈ ਭਾਗੀਦਾਰਾਂ ਨਾਲ ਤਾਲਮੇਲ ।
  ਇਹਨਾਂ ਉਪਾਵਾਂ ਦੇ ਮੁੱਖ ਨਤੀਜਿਆਂ ਸਦਕਾ ਮਹਾਮਾਰੀ ਦੇ ਬਾਵਜੂਦ ਘਰੇਲੂ ਸੰਚਾਲਨ ਕੋਵਿਡ ਤੋਂ ਪਹਿਲਾਂ ਵਾਲੇ ਪੱਧਰ ਦੇ 50% ਤੇ ਪਹੁੰਚ ਗਏ ਹਨ । ਢੋਆ ਢੁਆਈ ਉਡਾਣਾਂ ਦੀ ਗਿਣਤੀ ਵੀ 27 ਤੋਂ ਵੱਧ ਕੇ 28 ਹੋ ਗਈ ਹੈ ।
  ਇਹ ਜਾਣਕਾਰੀ ਜਨਰਲ (ਰਿਟਾ.) ਡਾਕਟਰ ਵੀ ਕੇ ਸਿੰਘ ਰਾਜ ਮੰਤਰੀ ਸ਼ਹਿਰੀ ਹਵਾਬਾਜ਼ੀ ਨੇ ਅੱਜ ਰਾਜ ਸਭਾ ਵਿੱਚ ਸ਼੍ਰੀ ਐੱਮ ਵੀ ਸ਼ਰਿਅਮਜ਼ ਕੁਮਾਰ ਨੂੰ ਲਿਖਤੀ ਰੂਪ ਵਿੱਚ ਦਿੱਤੀ ਹੈ ।
   

 

********

ਆਰ ਕੇ ਜੇ / ਐੱਮ

(Release ID: 1742391) ਵਿਜ਼ੀਟਰ ਕਾਊਂਟਰ : 165