2020-21 ఆర్థిక సంవత్సరంలో వస్తువులు, సేవల పన్ను (జి.ఎస్.టి) పరిధిలోని ఇన్‌-పుట్-టాక్స్-క్రెడిట్ (ఐ.టి.సి) నిబంధనను దుర్వినియోగం చేయడం ద్వారా 31,000 కోట్ల రూపాయల కంటే ఎక్కువ విలువైన పన్ను మోసాన్ని వస్తువులు, సేవల పన్ను అధికారులు కనుగొన్నారు. ఈ సందర్భంగా, నకిలీ ఐ.టి.సి. కి సంబంధించి, 7,200 కి పైగా కేసులు నమోదు చేయడం జరిగింది.  ఈ రోజు రాజ్యసభలో అడిగిన ఒక ప్రశ్నకు కేంద్ర ఆర్థిక శాఖ సహాయ మంత్రి శ్రీ పంకజ్ చౌదరి లిఖితపూర్వకంగా సమర్పించిన సమాధానంలో, ఈ సమాచారాన్ని పొందుపరిచారు. 

పరోక్ష పన్నులు, సుంకాల కేంద్ర బోర్డు (సి.బి.ఐ.సి) కింద సి.జి.ఎస్.టి. ఏర్పాటు ద్వారా కనుగొనబడిన ఇన్‌-పుట్-టాక్స్-క్రెడిట్ (ఐ.టి.సి) మోసాన్ని ఈ క్రింది విధంగా మంత్రి పేర్కొన్నారు:

 

క్రమ సంఖ్య	కాల వ్యవధి	కేసుల సంఖ్య	మొత్తం విలువ (రూపాయలు కోట్లలో)
1	2020-21	7,268	31,233.40

 

అటువంటి మోసాలను నిరోధించడానికి ప్రభుత్వం తీసుకున్న అనేక చర్యలు ఈ విధంగా ఉన్నాయని, కేంద్ర మంత్రి పేర్కొన్నారు:

*     కొత్తగా నమోదు కోసం దరఖాస్తులను పరిశీలంచే సమయంలో ఆధార్ ప్రామాణీకరణను ప్రవేశపెట్టడం; 

* కొత్తగా నమోదు కోరుతున్న దరఖాస్తుదారుల యొక్క రద్దు చేయబడిన / ఇప్పటికే ఉన్న రిజిస్ట్రేషన్లను ధృవీకరించే సౌకర్యం;

* శాఖాపరమైన ప్రతికూల నోటీసులో కనుగొనబడిన పన్ను చెల్లింపుదారుల నమోదును నిలిపివేయడానికి / రద్దు చేయడానికి తగిన నిబంధనలు; 

* వ్యాపార రహస్య సమాచారం ఆధారంగా జి.ఎస్.టి.ఎన్. ద్వారా పెద్ద సంఖ్యలో రిజిస్ట్రేషన్లను రద్దు చేయడంతో పాటు, సి.బి.ఐ.సి. ద్వారా దానిపై తదుపరి చర్యలను కొనసాగించడం;  

*   సి.జి.ఎస్.టి. చట్టం, 2017 కు చెందిన ఫారం-జి.ఎస్.టి.ఆర్.1 మరియు ఫారం-జి.ఎస్.టి.ఆర్.3బి. (రూల్-21) మధ్య అసమతుల్యత ఉన్న చోట రిజిస్ట్రేషన్ రద్దు కోసం అదనపు ఆధారాలు ప్రవేశపెట్టడం జరిగింది;

* నకిలీ డీలర్లు మరియు నకిలీ కంపెనీలు వారి జి.ఎస్.టి.ఆర్.3బి. రిటర్నులను దాఖలు చేయకుండా మరియు పన్నులు చెల్లించకుండా, నకిలీ క్రెడిట్‌ను పాస్ చేయకుండా నిరోధించడానికి వీలుగా, 2 లేదా అంతకంటే ఎక్కువ జి.ఎస్.టి.ఆర్.-3.బి. రిటర్నులను దాఖలు చేయని పన్ను చెల్లింపుదారుడు ఫారం జి.ఎస్.టి.ఆర్-1లో బాహ్య సరఫరా ప్రకటనలను సమర్పించకుండా నిరోధించడానికి ఒక నిబంధన చేయబడింది.

*     50 కోట్ల రూపాయల కంటే ఎక్కువ టర్నోవర్ ఉన్న అన్ని బి.2.బి. లావాదేవీ లకు ఈ-ఇన్వాయిస్‌లు తప్పనిసరి చేయబడ్డాయి. 

*     వరుసగా రెండు నెలల పాటు వారి ఆదాయ వివరాలను పొందుపరచని పన్ను చెల్లింపుదారులు, ఈ-వే బిల్లులు రూపొందించకుండా పరిమితం చేయబడింది.  ఏదైనా సంస్థ మోసపూరితంగా ఐ.టి.సి.  ప్రయోజనం పొందినట్లు, సంబంధిత అధికారి నమ్మడానికి తగిన కారణం ఉన్నట్లయితే, సి.జి.ఎస్‌.టి. చట్టం, 2017 లోని నిబంధన 86-ఎ ప్రకారం ఐటిసి క్రెడిట్‌ ని నిరోధించడం ప్రవేశపెట్టబడింది.

 

****

 

(Release ID: 1742043) Visitor Counter : 202