এন.ই.এস.এ.সি.গী প্রসিদেন্ত শ্রী অমিত শাহনা স্পেস সাইন্স অমসুং তেক্নোলোজী সেন্তর চল্লাইনবগী মতাংদা অৱাংবা থাক্কী য়েংশিন মীফম অমদসু ময়াই তাংবল লৌখ্রে।

কেন্দ্রগী গৃহ মন্ত্রীনা চাউখৎ-থৌরাং অমসুং ঙাকশেলগী সমস্যাশিংগী মতাংদা খন্ননবা অৱাং-নোংপোক থংবা রাজ্য পুম্নমক্কী মুখ্য মন্ত্রীশিংগা লোইননা পাঙথোকপা অতোপ্পা য়েংশিন মীফম অমদসু ময়াই তাংবল লৌখ্রে।

কেন্দ্রগী গৃহ মন্ত্রীনা হায় শ্রী নরেন্দ্র মোদীজীনা ২০১৪দা প্রধান মন্ত্রী ওইরক্লবা মতুং হৌখিবা চহি তরুক মখাই অসিদা অৱাং-নোংপোক্কী চাউখৎ-থৌরাংগী খোঙজেল অসি হৌখিবা চহি ৭০গা য়েংনরুবা মতমদা য়াম্না খুমাং চাউশিনবা ঙম্লে।

শ্রী নরেন্দ্র মোদীনা অৱাং-নোংপোক্তা রেল কন্নেক্তিবিতী, এয়র কন্নেক্তিবিতী অমসুং রোদ কন্নেক্তিবিতী লোইননা আই.তি. কন্নেক্তিবিতীগা শম্নহন্নবা থবক পাইখৎখ্রে।

ইকাই খুম্নরবা প্রধান মন্ত্রীনা রাজ্য ৮গী কাংলুপ অসিবু ‘অস্তালক্ষ্মী’ হায়না কৌখি অমসুং ঙসি রাজ্য নিপান অসিনা অমনা অমগী মতেং পাংনবা অসিগা লোইননা চাউখৎপগী লম্বীদা খুমাং চাউশিল্লি।

কেন্দ্রগী গৃহ মন্ত্রীনা জনুৱারীদা পাঙথোকখিবা এন.ই.এস.এ.সি.গী মীফমদা এন.ই.এস.এ.সি. অসি অৱাং-নোংপোক থংবা রাজ্যশিংগী ঈচাও থোরকপদা লাকশিন্নবা শিজিন্ননবা য়াথং পীখি, ঙসিগী মীফম অদুদা মহাক্না হীরম অসিদা প্রোজেক্ত ১১০গী দ্রাফ শেম-শাখ্রে হায়না ফোঙদোকখ্রে।

মসিদা নুংঙাইবা ফোঙদোক্লদুনা শ্রী অমিত শাহনা অৱাং-নোংপোকপু ফল্দ ফ্রী ওইহন্নবা অচৌবা পাৎশিংদা ঈশিং তুংশিন্নবা য়াথং পীখ্রে।

মমাংদা অৱাং-নোংপোক্তা ইনফিল্ত্রেসন, অকি-অখং অমসুং শেঞ্জা-থুমজাগী মরমদা ঙাংনরম্মি অদুবু ঙসিদা চাউখৎ-থৌরাং, লম্বী-থোং, ইনফ্রাস্ত্রকচর অমসুং খুমাং চাউশিনবগী মরমদা ওইনা ঙাংনরে।

শ্রী মোদীজীগী লুচিং মখাদা অৱাং-নোংপোক থংবা লমদা চহি কয়া ৱারোইশিন পুরকপা ঙমদনা লৈরুরবা সমস্যাশিংগী ৱারোইশিন পুরকখ্রে, মসিদা বাংলাদেশকা ঙমখৈগী মতাংদা চয়েৎনবা, এন.এল.ই.তি.গী পীচ পেক্ত, ত্রিপুরা অমসুং মিজোরামদা লৈরিবা ব্রু-রিফুজীশিংগী সমস্যাশিংগী ৱারোইশিন অমসুং বোদো পীচ একোর্দ য়াওরি।

অৱাং-নোংপোক্কী অরুবা সমস্যা পুম্নমক ৱারোইশিন পুরক্কনি অমসুং রাজ্যশিংগী মরক্তা লৈরিবা ঙমখৈগী মতাংদা মনুংগী ওইবা চরাংনবা অসি শান্তি ওইবা মওংদা ৱারোইশিন পুরকপা, মনিপুর অমসুং নাগালেন্দগী লালহৌলুপশিং সরেন্দর তৌহন্দুনা মখোয়বু মেনস্ত্রীমদা পুরকপা হায়বা অসি ঐখোয় পুম্নমক্কী অপুনবা পান্দম ওইহনগদবনি।

এন.ই.এস.এ.সি.না অৱাং-নোংপোকপু দ্রগ ফ্রী অমসুং তেরোরিজম ফ্রী অমদি চাউখৎহনবদা খ্বাইদগী মরু ওইবা থৌদাং লৌগনি।

ঐখোয়গী থৌরাংশিং অসি এন.ই.এস.এ.সি. সোসাইতীগী খুত্থাংদা সাইন্তিফিক বেসিস ফংগনি অমসুং য়ুম্ফম অসিদা চাউখৎলবা অৱাং-নোংপোক অমা শেমগৎকনি।

শ্রী অমিত শাহনা অৱাং-নোংপোক্কী ওইনা বজেৎতা অকক্নবা অমত্তা লৈতে অদুবু চাদিং নীংথিনা তৌবা মথৌ তাই, করিগুম্বা পান্দমশিং অদু ফংবা ঙম্লবদি ভারত সরকারনা শেল থাদবদা অকাইবা অমত্তা লৈরোই হায়না থাজবা পীখ্রে।

অৱাং-নোংপোক্না লৈরিবা মফম অসি মনুং হঞ্জিনবা মফম ওই অমসুং খুদোংচাদে মরম অসিনা চাউখৎ-থৌরাং খোঙেল য়াংশিনহন্নবা লালোং অমা পাইখৎপা মথৌ তাই।

এম.ঐচ.এ. অমসুং এন.ই.এস.এ.সি. চুংশিন্নদুনা রাজ্যশিংনা ঈচাউ অমসুং অতৈ মহৌশাগী খুদোংথিবশিংগী মতাংদা রএল তাইম ইনফোর্মেসন ফংনবা সিঙ্গল ৱিন্দো সিস্তেম অমা শেম্লগনি।

দিজাস্তর মেনেজমেন্ত অমসুঢ এন.ই.এস.এ.সি.গী মরক্তা মতেং পাংনদুনা পুং ৩৬কী মমাংদা অখাক-অরাওগী মতমদা চেকশিনৱা পীবা ঙম্নবা হোৎনবা তাই।

কোরোনাগী মতম অসিদা মালেমদা অৱাবা পীখি অমসুং অপুনবা মীওইবা জাতিদা অচৌবা শিংনবা অমা ওইরকখি অসিগুম্বা তানফম অসিদা ভারত সরকারগী অখন্নবা মীৎয়েং অৱাং-নোংপোক্তা থম্লি।

ভেন্তিলেতরশিং, ওক্সিজেন সিলিন্দরশিং নত্ত্রগা হীদাক-লাংথক্কী ফংহনবা ওইরবসু গৃহ মন্ত্রালয়না অৱাং-নোংপোক্তা অখন্নবা মীৎয়েং থমখি অমসুং তীকা থাদোকপগী মতাংদসু অৱাং-নোংপোক্তা অখন্নবা মীৎয়েং থমখি।

রাজ্য খরাদা তেস্ত তৌবা হেনগৎহনবা মথৌ তাই অমসুং পোজিতিবিতী রেৎ হেনগৎলক্লবসু মদু হন্থহন্নবা চোকথবা লৈতনা হোৎনবা তাই।

ঙসি তোকিও ওলিম্পিক্সতা কে.জি. ৪৯গী ৱেথলিফতিং কেতগোরীদা মনিপুরগী মমোম মিরাবাই চনুনা ভারতকীদমক সিলভর মেদল ফংলকপা অসি ঐখোয় পুম্নমক্কী ওইনা য়াম্না চাউথোকচনীংঙাই ওইবা ৱাফম অমনি।

কেন্দ্রগী গৃহ মন্ত্রী, শ্রী অমিত শাহনা ঙসি শিলোংদা লৈবা নোর্থ ইস্তর্ন স্পেস এপ্লিকেসন সেন্তর – এন.ই.এস.এ.সি.গী মল্তিপর্পস কনভেন্সন সেন্তর অমসুঢ এগজিবিসন ফেসিলিতীগী উরেপ-উয়ুং তমখ্রে। এন.ই.এস.এ.সি.গী প্রসিদেন্ত শ্রী অমিত শাহনা স্পেস সাইন্স অমসুং তেক্নোলোজী সেন্তর চল্লাইবগী মতাংদা অৱাংবা থাক্কী য়েংশিন মীফম অমদসু ময়াই তাংবল লৌখ্রে। কেন্দ্রগী গৃহ মন্ত্রীনা চাউখৎ-থৌরাং অমসুং ঙাকশেলগী সমস্যাশিংগী মতাংদা খন্ননবা অৱাং-নোংপোক থংবা রাজ্য পুম্নমক্কী মুখ্য মন্ত্রীশিংগা লোইননা পাঙথোকপা অতোপ্পা য়েংশিন মীফম অমদসু ময়াই তাংবল লৌখ্রে।

 

শ্রী অমিত শাহনা পীখিবা মহাক্কী ৱারোলদা শ্রী শাহনা হায় শ্রী নরেন্দ্র মোদীজীনা ২০১৪দা প্রধান মন্ত্রী ওইরক্লবা মতুং হৌখিবা চহি তরুক মখাই অসিদা অৱাং-নোংপোক্কী চাউখৎ-থৌরাংগী খোঙজেল অসি হৌখিবা চহি ৭০গা য়েংনরুবা মতমদা য়াম্না খুমাং চাউশিনবা ঙম্লে। শ্রী নরেন্দ্র মোদীনা অৱাং-নোংপোক্তা রেল কন্নেক্তিবিতী, এয়র কন্নেক্তিবিতী অমসুং রোদ কেন্নেক্তিবিতী লোইননা আই.তি. কন্নেক্তিবিতী শম্নহন্নবা থবক পাইখৎখ্রে। ইকাই খুম্নরবা প্রধান মন্ত্রীনা রাজ্য ৮গী কাংলুপ অসিবু ‘অস্তলক্ষ্মী’ হায়না কৌখি অমসুং ঙসি রাজ্য নিপান অসিনা অমনা অমগী মতেং পাংনদুনা চাউখৎপগী লম্বীদা খুমাং চাউশিল্লি।

কেন্দ্রগী গৃহ মন্ত্রীনা জনুৱারীদা পাঙথোকখিবা এন.ই.এস.এ.সি.গী মীফমদা এন.ই.এস.এ.সি. অসি অৱাং-নোংপোক থংবং রাজ্যশিংগী ঈচাউ থোরকপদা লাকশিন্নবা শিজিন্ননবা য়াথং পীখি, ঙসিগী মীফম অদুদা মহাক্না হীরম অসিদা প্রোজেক্ত ১১০ দ্রাফ তৌনবা শেম শাখ্রে হায়না ফোঙদোকখ্রে। মসিদা নুংঙাইবা ফোঙদোক্লদুনা শ্রী অমিত শাহনা অৱাং-নোংপোকপু ফ্লদ ফ্রী ওইন্নবা অচৌবা পাৎশিংদাঈশিং তুংশিন্নবা য়াথং পীখ্রে।

কেন্দ্রগী গৃহ মন্ত্রীনা হায় মমাংদা অৱাং-নোংপোক্তা ইনফিল্ত্রেসন, অকি-অখং অমসুং শেঞ্জা-থুমজাগী মরমদা ঙাংনরম্মি অদুবু ঙসিদা চাউখৎ-থৌরাং, লম্বী-থোং, ইনফ্রাস্ত্রকচর অমসুং খুমাং চাউশিনবগী মরমদা ওইনা ঙাংনরে। মহাক্না হায়, শ্রী মোদীজীগী লুচিং মখাদা অৱাং-নোংপোক থংবা লমদা চহি কয়া ৱারোইশিন পুরকপা ঙমদনা লৈরুরবা সমস্যাশিংগী ৱারোইশিন পুরকখ্রে, মসিদা বাংলাদেশকা ঙমখৈগী মতাংদা চয়েৎনবা, এন.এল.ই.তি.গী পীচ পেক্ত, ত্রিপুরা অমসুং মিজোরামদা লৈরিবা ব্রু-রিফুজীশিংগী সমস্যাশিংগী ৱারোইশিন অমসুং বোদো পীচ একোর্দ য়াওরি।

শ্রী অমিত শাহনা হায়  এন.ই.এস.এ.সি.না অৱাং-নোংপোকপু দ্রগ ফ্রী অমসুং তেরোরিজম ফ্রী অমদি চাউখৎপা ওইহনবদা খ্বাইদগী মরু ওইবা থৌদাং লৌগনি। ঐখোয়গী থৌরাংশিং অসি এন.ই.এস.এ.সি. সোসাইতীগী খুত্থাংদা সাইন্তিফিক বেসিস ফংগনি অমসুং য়ুম্ফম অসিদা চাউখৎলবা অৱাং-নোংপোক অমা শেমগৎকনি। এম.ঐচ.এ. অমসুং এন.ই.এস.এ.সি. চুংশিন্নদুনা রাজ্যশিংনা ঈচাউ অমসুং অতৈ মহৌশাগী খুদোংথিবশিংগী মতাংদা রিএল তাইম ইনফোর্মেসন ফংনবা সিঙ্গল ৱিন্দো সিস্তেম অমা শেম্লগনি।

শ্রী অমিত শাহনা অৱাং-নোংপোক্কী ওইনা বজেৎতা অকক্নবা অমত্তা লৈতে অদুবু চাদিং নীংথিনা তৌবা মথৌ তাই, করিগুম্বা পান্দমশিং অদু ফংবা ঙম্লবদি ভারত সরকারনা শেল থাদবদা অকাইবা অমত্তা লৈরোই হায়না থাজবা পীখ্রে। মহাক্না মখা তারদুনা হায় অৱাং-নোংপোক্না লৈরিবা মফম অসি মনুং হঞ্জিনবা মফম ওই অমসুং খুদোংচাদে মরম অসিনা চাউখৎ-থৌরাং খোঙজেল য়াংশিনহন্নবা লালোং অমা পাইখৎপা মথৌ তাই। মহাক্না হায় তুংদা লাক্কদবা মতমশিংদা দিজাস্তর রিস্ক জিরোদা হন্থহন্নবা কোওর্দিনেসন অমা লৈগদবনি। দিজাস্তর মেনেজমেন্ত অমসুঢ এন.ই.এস.এ.সি.গী মরক্তা মতেং পাংনদুনা পুং ৩৬কী মমাংদা অখাক-অরাওগী মতমদা চেকশিনৱা পীবা ঙম্নবা হোৎনবা তাই।

কোরোনাগী মতম অসিদা মালেমদা অৱাবা পীখি অমসুং অপুনবা মীওইবা জাতিদা অচৌবা শিংনবা অমা ওইরকখি অসিগুম্বা তানফম অসিদা ভারত সরকারগী অখন্নবা মীৎয়েং অৱাং-নোংপোক্তা থম্লি হায়নসু মহাক্না ফোঙদোকখ্রে। ভেন্তিলেতরশিং, ওক্সিজেন সিলিন্দরশিং নত্ত্রগা হীদাক-লাংথক্কী ফংহনবা ওইরবসু গৃহ মন্ত্রালয়না অৱাং-নোংপোক্তা অখন্নবা মীৎয়েং থমখি অমসুং তীকা থাদোকপগী মতাংদসু অৱাং-নোংপোক্তা অখন্নবা মীৎয়েং থমখি। রাজ্য খরাদা তেস্ত তৌবা হেনগৎহনবা মথৌ তাই অমসুং পোজিতিবিতী রেৎ হেনগৎলক্লবসু মদু হন্থহন্নবা চোকথবা লৈতনা হোৎনবা তাই।

ঙসি তোকিও ওলিম্পিক্সতা কে.জি. ৪৯গী ৱেথলিফতিং কেতগোরীদা মনিপুরগী মমোম মিরাবাই চনুনা ভারতকীদমক সিলভর মেদল ফংলকপা অসি ঐখোয় পুম্নমক্কী ওইনা য়াম্না চাউথোকচনীংঙাই ওইবা ৱাফম অমনি হায়না শ্রী অমিত শাহনা ফোঙদোকখ্রে।

অৱাং-নোংপোক লমদমী মুখ্য মন্ত্রীগা লোইননা পাঙথোকপা মীফম অদুদা শ্রী অমিত শাহনা অৱাং-নোংপোকপু তেরোরিজম ফ্রী ওইহনবা মরু ওই হায়না অকনবা আফম ফোঙদোকখ্রে। হৌখিবা চহিশিং অসিদা অৱাং-নোংপোক থংবা রাজ্যশিংদা ঙাকশেলগী ফীভমদা শিংথানীংঙাই ওইনা ফগৎলক্লিবা অসিগীদমক মীপুম খুদিংমকপা থাগৎলদুনা শ্রী অমিত শাহনা পীচ এগ্রীমেন্তশিং ঙন্না ইমপ্লিমেন্ত তৌনবা ফোঙদোকখ্রে। হীরম অসিদা গৃহ মন্ত্রীনা  চহি কয়া লিরিবা ত্রিপুরাগী ব্রু রিসেতলমেন্ত অমসুং অসামগী বোদো এগ্রীমেন্তশিং অসিগুম্বা সমস্যাশিং অসিগী ৱারোইশিন অসি পনখি। শ্রী অমিত শাহনা মুখ্য মন্ত্রীশিংদা রাজ্যশিংগী ঙমখৈগী চয়েৎনশিং লৈরিবা অসি অমগা অমগা তান্নদুনা শান্তি ওইবা মওং অমদা খোঙজেল য়াংনা লোইশিন্নবা হায়জখ্রে।

কেন্দ্রগী গৃহ মন্ত্রীনা আয় ইকাই খুম্নরবা প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকারনা “এক্ত ইস্ত” পোলিসীগী মখাদা অৱাং-নোংপোক থংবা রাজ্যশিংগী ইনফ্রাস্ত্রকচর চাউখৎহন্নবা অচৌবা খোঙথাং কয়া পাইখৎখ্রে। অৱাং-নোংপোক থংবা রাজ্যশিং অসি বাংলাদেশকী চিত্তাগোং অমসুং ম্যান্মারগী সিৎত্বেগী হীথাংফমশিংগা লিঙ্ক তৌরি। অৱাং-নোংপোক থংবা রাজ্যশিংগী মরু ওইবা লম্বীশিং নেস্নেল হায়ৱেজ ওইনা মখোয়বু শেমগৎলি অমসুং অরুনাচল প্রদেশ, মেঘালয়, মনিপুর, নাগালেন্দ অমসুং মজোরামগুম্বা চীংগী রাজ্যশিং অসি রেলগী লম্বীনা শম্নহন্নবা থবক পাইখৎলি।

শ্রী অমিত শাহনা অৱাং-নোংপোক থংবা রাজ্যশিংগী মহৌশাগী ফজবা অসি য়েংলগা তুরিজম থৌগৎনবা ফোঙদোকখ্রে। মীফম অদুদা দোনর মন্ত্রী শ্রী জি. কিশন রেদ্দী, সাইন্স অমসুঢ তেক্নোলোজী অমদি দিপার্তমেন্ত ওফ স্পেসকী মন্ত্রী দা. জিতেন্দ্র সিংহ অমসুং দোনরগী রাজ্য মন্ত্রী শ্রী বি.এল. ভর্মা, কেন্দ্রগী হোম সেক্রেতরী, অৱাং-নোংপোক থংবা রাজ্য পুম্নমক্কী মুখ্য মন্ত্রীশিং অমসুং জেনরেল ওফ পুলিসকী দিরেক্তর অমসুং অতৈ মকোক থোংবা ওফিসিএলশিংসু শরুক য়াখি।

***

(Release ID: 1738739) Visitor Counter : 200