রোদ ত্রান্সপোর্ত অমসুং হাইৱে মন্ত্রালয়

শ্রী নিতিন গারকরিনা মনিপুরদা লুপা করোর ৪,১৪৮কী ওইগদবা নেসনেল হায়ৱে প্রোজেক্ত ১৬ শঙ্গাখ্রে অমদি উরেপ উয়ুং তমখ্রে

Posted On: 12 JUL 2021 4:03PM by PIB Imphal

রোদ ত্রান্সপোর্ত অমসুং হায়ৱেজকী কেন্দ্র মন্ত্রী শ্রী নিতিন গারকরিনা ঙসি মনিপুরদা লুপা করোর ৪,১৪৮কী ওইগদবা পুন্না কি:মি: ২৯৮ শাংবা নেসনেল ৱায়ৱে প্রোজেক্ত ১৬ শঙ্গাবা অমদি উরেপ উয়ুং তম্বগী থৌরম পাঙথোকখ্রে‍। প্রোজেক্তশিং অসিনা মনিপুরবু লৈবাকসিগী মফম অতৈ অমদি য়ুম্লোন্নবা লৈবাকশিংগা নোংজু নুংশা খায়দনা শম্নবগী লম্বী পীরগনি‍। মসিনা লমদম অসিগী লৌউ-শিংউবা, ইন্দস্ত্রি অমসুং খুন্নাই-শেন্মিৎলোন্দা চাউখৎপা পুরক্কনি‍। মসিনা খ্বাইদগী মনুং হঞ্জিনবা মফমশিংদসু হকশেল অমসুং অথু অকায়গী সর্ভিসশিং ফংহল্লগনি অমদি থবক অমসুং শেন্দান লম্বী কয়াগী খুদোংচাবসু পীরগনি‍।

ইম্ফালদা প্রোজেক্তশিং অসি শঙ্গারদুনা শ্রী নিতিন গারকরিনা স্তেত অসিগীদমক্তা লুপা করোর ৫০০০গী ওইগদবা প্রোজেক্তশিংসু সেংসন তৌরে অমদি দিতেল প্রোজেক্ত রিপোর্তশিং (দি.পি.আর.) থা তরুক্কী মনুংদা লোইশিন্দুনা চহি অমগী মনুংদা থবক পায়খৎপা হৌরগনি‍ হায়না ফোঙদোকখি‍। স্তেত অসিদা হায়ৱে পাকথোক চাউথোকহনবগী থবক ভারতমালা অনিসুবা তাঙ্কক্কী মখাদা পায়খৎনবা ৱাফম লৈরে হায়না মহাক্না হায়খি‍। প্রধান মন্ত্রীনা অৱাং নোংপোক লমদমশিংদা খ্বাইদগী লুম্না লৌদুনা মীৎয়েঙ চঙলি অমদি লম্বী থোং শেমগৎপনা মনিপুরগী চাউখৎ খোঙথাঙদা মতেং ওইদুনা লমদমসিবু খুন্নাই অমদি শেন্মিৎলোনগী লমদা মপাঙ্গল কনহল্লগনি হায়না মহাক্না ফোঙদোকখি‍। মন্ত্রীনা ফোঙদোকখিবদা ঈশিং, মৈ, চত্থোক চৎশিন অমসুং ই-পাউ ফাওদোক ফাওজিনগী পাম্বৈশিং অসি ইন্দস্ত্রী চাউখৎহন্নবা, থবক পীননবা অমদি লায়রবা মুত্থৎনবা খ্বাইদগী মরুওইবা মচাক মরিনি‍। মনিপুর অসি লমকোয় লমথুংফমগী মতিং মরাং কায়না লৈবা পুক্নিং হুরবা স্তেত অমনি হায়না মহাক্না হায়খি‍।

শ্রী গারকরিনা ৱারৈ চেনবশিংগী ৱাখৈ পুরক্নবা অমদি প্রোজেক্তশিং অকক্নবা মতমগী মনুংদা লোইশিন্নবা হোৎনবদা স্তেকহোল্দর খুদিংমক্তগী তেংবাংসু নিখি‍। প্রোজেক্ত খুদিংমক্কী মচা খায়বা ৱাফমশিং ৱেবসাইত্তা থাগৎকনি হায়নসু মহাক্না মখা তাখি‍।

মপুং ফাবা থৌরমগী লিঙ্ক https://youtu.be/08jpbyGXXbE

*****



(Release ID: 1734808) Visitor Counter : 122