రైల్వే మంత్రిత్వ శాఖ
700 మెగాహెర్ట్జ్ బ్యాండ్‌లో 5 మెగాహెర్ట్జ్ స్పెక్ట్రం భారతీయ రైల్వేకు కేటాయింపు
రైల్వేలో కార్యకలాపాల భద్రత మరియు రక్షణను మెరుగుపరుస్తుంది
రైల్వే కార్యకలాపాలు & భద్రతలో వ్యూహాత్మక మార్పును తెస్తుంది
లోకో పైలట్లు మరియు గార్డులకు అవాంతరాలు లేని కమ్యూనికేషన్‌ను అందిస్తుంది..తద్వారా భద్రతను మెరుగుపరుస్తుంది
కార్యాచరణ, భద్రత మరియు భద్రతా అనువర్తనాల కోసం సురక్షితమైన వాయిస్, వీడియో మరియు డేటా కమ్యూనికేషన్ సేవలను అందిస్తుంది
మొత్తం ప్రాజెక్టు అంచనా పెట్టుబడి రూ. 25,000 కోట్లు
వచ్చే 5 సంవత్సరాలలో ప్రాజెక్టు పూర్తవుతుంది
దీంతో పాటు రైల్వే దేశీయంగా అభివృద్ధి చెందిన ట్రైన్ కోలేషన్‌ అడ్వాన్స్‌ వ్యవస్థను ఆమోదించింది. ఇది రైళ్లు గుద్దుకోవడాన్ని నివారించడంలో సహాయపడుతుంది. తద్వారా ప్రయాణీకుల భద్రతకు భరోసా ఇస్తుంది
Posted On:
09 JUN 2021 3:29PM by PIB Hyderabad
'ఆత్మనిర్భర్ భారత్' కార్యక్రమానికి ఊపునిస్తూ స్టేషన్లలో మరియు రైళ్లలో ప్రజల భద్రత మరియు భద్రతా సేవల కోసం 700 మెగాహెర్ట్జ్ ఫ్రీక్వెన్సీ బ్యాండ్‌లో 5 మెగాహెర్ట్జ్ స్పెక్ట్రమ్‌ను భారతీయ రైల్వేకు కేటాయించడానికి ప్రభుత్వం ఆమోదం తెలిపింది.
ఈ స్పెక్ట్రంతో భారతీయ రైల్వే తన మార్గంలో ఎల్‌టిఇ (లాంగ్ టర్మ్ ఎవల్యూషన్) ఆధారిత మొబైల్ రైలు రేడియో కమ్యూనికేషన్‌ను అందించాలని సంకల్పించింది. ఈ ప్రాజెక్టు అంచనా రూ. 25,000 కోట్లు. రాబోయే 5 సంవత్సరాలలో ఈ ప్రాజెక్ట్ పూర్తవుతుంది.
వీటితో పాటు దేశీయంగా అభివృద్ధి చెందిన ఎటిపి (ఆటోమేటిక్ ట్రైన్ ప్రొటెక్షన్) వ్యవస్థ అయిన టిసిఎఎస్ (ట్రైన్ కొలిషన్ అవాయిడెన్స్ సిస్టమ్) ను భారతీయ రైల్వే ఆమోదించింది. ఇది రైలు గుద్దుకోవడాన్ని నివారించడంలో సహాయపడుతుంది. తద్వారా ప్రమాదాలు తగ్గుతాయి. మరియు ప్రయాణీకుల భద్రతకు భరోసా ఉంటుంది.
ఇది రైల్వే కార్యకలాపాలు మరియు నిర్వహణ పాలనలో వ్యూహాత్మక మార్పును తెస్తుంది. ఇది భద్రతను మెరుగుపరచడంలో మరియు ప్రస్తుత మౌలిక సదుపాయాలను ఉపయోగించి ఎక్కువ రైళ్లను ఉంచడానికి లైన్ సామర్థ్యాన్ని పెంచడంలో సహాయపడుతుంది. ఆధునిక రైలు నెట్‌వర్క్ వల్ల రవాణా వ్యయం తగ్గుతుంది మరియు అధిక సామర్థ్యం ఉంటుంది. అలాగే, ఇది 'మేక్ ఇన్ ఇండియా' మిషన్‌ను నెరవేర్చడానికి మరియు ఉపాధిని కల్పించడానికి తయారీ యూనిట్లను ఏర్పాటు చేయడానికి బహుళజాతి పరిశ్రమలను ఆకర్షిస్తుంది.
భారత రైల్వే కోసం కార్యాచరణ, భద్రత మరియు భద్రతా అనువర్తనాల కోసం సురక్షితమైన మరియు ఆధారపడదగ్గ వాయిస్, వీడియో మరియు డేటా కమ్యూనికేషన్ సేవలను అందించడం ఎల్‌టిఈ యొక్క లక్ష్యం. ఇది ఆధునిక సిగ్నలింగ్ మరియు రైలు రక్షణ వ్యవస్థల కోసం ఉపయోగించబడుతుంది మరియు లోకో పైలట్లు మరియు గార్డుల మధ్య అవాంతరాలు లేని కమ్యూనికేషన్‌ను నిర్ధారిస్తుంది. సమర్థవంతమైన, సురక్షితమైన మరియు వేగవంతమైన రైలు కార్యకలాపాలను నిర్ధారించడానికి ఇది రైలు కోచ్లలోని ఇంటర్నెట్, థింగ్స్ (ఐఒటి) ఆధారిత రిమోట్ పర్యవేక్షణను, ముఖ్యంగా కోచ్‌లు, వ్యాగన్లు & లోకోలు మరియు సిసిటివి కెమెరాల యొక్క ప్రత్యక్ష వీడియో ఫీడ్‌ను అనుమతిస్తుంది.
టెలికాం రెగ్యులేటరీ అథారిటీ ఆఫ్ ఇండియా సిఫారసు చేసిన విధంగా రాయల్టీ ఛార్జీల కోసం టెలికమ్యూనికేషన్స్ విభాగం సూచించిన ఫార్ములా ఆధారంగా లైసెన్స్ ఫీజు స్పెక్ట్రమ్ ఛార్జీలు విధించవచ్చు.
***
(Release ID: 1725744)
Visitor Counter : 196