কোবিদ-১৯না নাবা অয়াম্বা মীওইশিংনা ময়াই ওইরপ্পা সিম্পতম নত্ত্রগা সিম্পতম অমত্তা উত্তনা নাবা ফরকপা য়াওই হায়বসি ঐখোয় খুদিংনা খঙনরবনি। অসিগুম্বা মীওইশিংনা মশা ঙাকথোক্নবা অমসুং মখা তানা লাইনা শন্দোকহন্দনবগীদমক্তা ময়ুমদা তোঙান্না লৈবগী মথৌ তাই। হৌজিক ওইরক্লিবা লাইচৎকী ফীভম অমসুং ক্লিনিকেলগী লৌশিংদা য়ুম্ফম ওইদুনা, সরকারনা য়ুমদা তোঙান্না লৈবগী কাংলোন কয়া শেমদোক্তুনা ফোঙলি।

হীরম অসিগী মতাংদা নীংথিজনা খঙহন্নবগীদমক্তা, লৈবাক শিনবা থুংবগী তর্সিএরী কেয়র সেন্তরশিংগী অখঙ-অহৈ ১৪না য়ুমদা তোঙান্না লৈদুনা কোবিদ-১৯ শেন্নবগী এমসকী ত্রেনিং সেসন অমা হন্দক্তা য়াওখ্রে। দিল্লীগী এমসকী ক্রিতিকেল কেয়র অমসুং স্লীপ মেদিসিনগী পলমনরীগী এসিস্তেন্ত প্রোফেসর, দাঃ সৌরব মিত্তলনা প্রজেন্তেসন অমা পীখি।

ৱা-খন্নবগী মনুংদা মখাগী ইনগদবা অমসুং ইনলোইদবা থবকশিংদা মিৎয়েং চঙখি অমসুং মসিনা হেল্থ প্রোফেস্নেল অমসুং তেংবাং পীরিবা মীওইশিংগা লোয়ননা লাইনা নাদুনা য়ুমদা তোঙান্না লৈবা তারবা মীওইশিংদা কান্নবা পীগনি।

১) য়ুমদা তোঙান্না লৈবনা হোস্পিতালগী মফম কল্লি অমসুং অকক্নবা মফমদা মখা তানা লাইনা শন্দোকপা থিংই।

২) ময়াই ওইরপ্না নাবা হায়বদি নিংশা হোনবগী অৱাবা লৈতনা উপ্পর রেস্পিরেতরী ত্রেক্ত সিম্পতম খক্তমক উৎপশিংবুনি। ময়াই ওইরপ্না নাবা অনাবশিং খক্তদা য়ুমদা তোঙান্না লৈবগী য়াথং পীবনি। ময়াই ওইরপ্না নারে হায়বগী ৱারোলদি দাক্তরনা লেপকনি।

৩) য়ুমদা তোঙান্না লৈবগী তঙাই ফদবগী মতুং ইন্না তোঙান্না লৈগদৌরিবা য়ুম অদুদা  কাগা থংনবা তোঙানবা অমাংশঙ লৈবগী মতাংসু খন্নগদবনি।

৪) ইম্ম্যুন কম্প্রোমাইস তৌরবা ঐচ.আই.ভি.না নারবা মীওইশিংদি য়ুমদা তোঙান্না লৈগদবনি হায়বগী কাংলোন লৈতে অদুবু দাক্তর অমনা নীংথিনা য়েংশিল্লবা মতুংদা য়ুমদা তোঙান্না লৈবগী অয়াবা পীগনি।

৫) মতম কুইনদগী নারকপা লাইনাগা লোয়নবা অহল ওইরবা মীওইশিংদি লাইয়েংলিবা দাক্তরনা নীংথিনা য়েংলবা তুংদা য়ুমদা তোঙান্না লৈবগী অয়াবা পীগনি।

৬) অনাবা খুদিংনা মখোয়বু ২৪*৭ য়েংশিনবীনবা মীওই অমা লৈগদবনি।

৭) অনাবা য়েংশিনবা মীওইনা মতম অসিগী অপুনবা মনুংদা হোস্পিতালগা হকথেংননা পাউ ফাওনগদবনি।

৮) অনাবগী ফীভম ফৎচিল্লক্তবা মতমদা লাইয়েংলিবা দাক্তরদা পাউ ফাওগদবনি।  মতম কুইনা নারকপা অনাবশিংনা মখোয়গী লাইনাগী হিদাক মখা তানা চাথগদবনি। মহাকপু মতম পুম্বদা হাইদ্রেত তৌগদবনি অমসুং পোত্থাহনগদবনি। দাক্তরনা হায়বগী মতুং ইন্না এন্তিপাইরেতিক্স অসিসু চাগদবনি।

৯) সিম্পতম নীংথিনা য়েংশিনবা অসি য়ুমদা তোঙান্না লৈবগী খ্বাইদগী মরু ওইবা শরুক্নি। অনাবশিংনা পল্স ওক্সীমিতর শিজিন্নগদবনি অমসুং সিম্পতম ফৎলক্তবা মতমদা খুদক্তা পাউ পীগদবনি।

১০) অনাবশিংনা অমাংশঙগা পুনবা নুংশিৎ-নুংশা নীংথিনা চঙবা মশক খঙদোক্লবা কাদা লৈগদবনি। মখোয়না ইমুংগী মীওইশিংদগী, অহলশিংদগী মরু ওইনা লাপ্না লৈগদবনি অমসুং করিগুম্বা পোৎ-চৈ অমত্তা পুন্না শিজিন্নরোইদবনি।

১১) অনাবশিংনা মতম পুম্বদা মরোল ৩গী মেদিকেল মাস্ক উপকদবনি অমসুং পুং ৮ শিজিন্নরবা তুংদা শিন্দোক্কদবনি। মাস্ক অসি লংথোক্ত্রিঙৈগী মমাংদা সোদিয়ম হাইপোক্লোরাইৎ কাতপ্তুনা মহিক হাত্তোক্কদবনি।

১২) তেবল মমায়, থোঙ পায়ফম্নচিংবা তোয়না শোকপা মফমশিং অসি ১%গী হাইপোক্লোরাইৎ মহি নত্ত্রগা ফীনাইল শিজিন্নদুনা তৈথোক্কদবনি। অসিগুম্বা মমায় তৈথোকপদা অল্কোহোল য়াওবা সেনিতাইজর শিজিন্নবা য়াদে।

১৩) অনাবগী সেবা তৌরিবা মীওইশিংনা য়ুমগী মনুংদা মরোল অহুমগী মাস্ক উপকদবনি। মখোয়না মাস্ক উপ্ত্রিঙৈ অমসুং লৌথোকপা মতমগা লোয়ননা অনাবা অমদি মখোয়গী হকথেংনবা অকোয়বগা  শোক্ন-শম্নবা মতমদা হেন্দ হাইজীন নীংথিজনা পাংথোক্কদবনি। মখোয়না সেকন্দ ৪০ চঙনা শাপোন্না খুৎ হাম্বা নত্ত্রগা অল্কোহোল য়াওবা খুৎ তৌথোক্নবা মহি শিজিন্নগদবনি। অনাবা সেবা তৌরিবা মীওইশিংনা অনাবদগী থোক্লকপা মহি-মচুমগা য়ারিবমখৈ শোক্ন-শম্নদনবা হোৎনগদবনি।

১৪) অনাবগী হকথেংনবা অকোয়বদা লৈবা মহিক পক্লম্বা য়াবা পোৎলম খুদিংমক শোক্তনবা হোৎনগদবনি। অনাবগী চিঞ্জাক অসি মশাগী কা মনুংদা পীগদবনি। অনাবনা শিজিন্নবা পুখম-তেংকোৎশিং অসি শাপোন নত্ত্রগা দিতর্জন্ত শিজিন্নদুনা ফেংদোক্কদবনি।

১৫) অনাবশিংনা সোসিএল দিস্তেন্সিং, মাস্ক উপ্পা, খুৎ-শা হাম্বা, ইশাগী ফীভম য়েংশিনবা অমসুং হেল্থকেয়র পীরিবা মীওইশিংদা তত্তনা পাউ ফাওনবগী কাংলোন খুদিংমক ইনগদবনি।

১৬) সিম্পতম লাকপদা চেকশিনবগী ওইনদি, অনাবনা থুম য়াওবা লুম্বু-লুম্বু শাবা ঈশিং শিজিন্নদুনা নোংমদা খৌনাও অনিরক তেংগদবনি অমসুং মিনিৎ খরগী ওইনা মনিল হোঞ্জিনবগী থৌওং পাংথোকপসু য়াই। অনাবশিংনা ভিতামিন সি. অমসুং জিঙ্ককী গুলি চাবসু য়াই।

১৭) রেমদেসিভির কাপ্পগী ৱারেপ্তি মেদিকেল প্রোফেস্নেল খক্তনা লৌগদবনি। অনাবশিংনা রেমদেসিভির লৈনবা নত্ত্রগা য়ুমদা শিজিন্ননবা কৈদৌনুংদা হোৎনবা য়াদে। ময়াই ওইরপ্না নাবা মতমদা ওরেল স্তেরোইদ শিজিন্নবা য়াদে। করিগুম্বা নুমিৎ ৭নি ফাওবদা সিম্পতম হন্দবা তারবদি, অপিকপা দোজতা ওরেল স্তেরোইদ শিজিন্নবগী ৱারেপ অদু দাক্তরনা লৌগদবনি।

১৮) করিগুম্বা নিংশা হোনবা ৱাবা নত্ত্রগা ওক্সীজেন সেচ্যুরেসনগী চাংনা ৯৪%দগী তারকপগা লোয়ননা থবাক নাবা লেপ্তবা অমদি ৱাখল চমম্নবা নত্ত্রগা হৌগৎনিংদবা ফাওরক্লবদি, অনাবশিংনা হোস্পিতালগী মতেং লৌগদবনি।

১৯) সিম্পতম উৎলকপা নুমিৎ ১০নিগী মতুং নত্ত্রগা নুমিৎ হুম্নিদা লাইহৌ হৌরক্ত্রবা তারবদি য়ুমদা তোঙান্না লৈরিবা অনাবা অদু আইসোলেসন লোইদুনা দিসচার্জ তৌবা য়ারে। মতম অসি লোইরবা তুংদা অমুক হন্না তেস্ত তৌবগী মথৌ তাদ্রে।

২০) অনাবা শেন্নবা মীওইশিংনা হাইদ্রোক্সীক্লোরোক্বিন চাবা য়াই।

২১) বোর্দরলাইন হাইপোক্সিক ওইবা অনাবশিংদা পেনিক ওর্দর স্ত্রেস লৈহন্দনবগীদমক্তা ওক্সীজেন সেচ্যুরেসনবু পোইন্ত অনি নত্ত্রগা অহুম ফাওবা হেনগৎহন্নবগীদমক্তা প্রোনিং তৌহনবগী মথৌ তাই।

য়ুমদা তোঙান্না লৈবগী খ্বাইদগী নৌবা কাংলোন পানবগীদমক্তা মফম অসিদা ক্লিক তৌবীয়ু।

***

(Release ID: 1717296) Visitor Counter : 109