ਕੋਵਿਡ-19 ਦੇ ਵੱਧ ਰਹੇ ਮਾਮਲਿਆਂ ਕਾਰਨ ਹਸਪਤਾਲ ਸਹੂਲਤਾਂ ਅਤੇ ਆਕਸੀਜਨ ਵਾਲੇ ਬੈੱਡਾਂ ਨਾਲ ਬਹੁਤ ਜਿਆਦਾ ਗੰਭੀਰ ਕੇਸਾਂ ਨਾਲ ਭਰ ਗਏ ਹਨ, ਵੈਸਟਰਨ ਨੇਵਲ ਕਮਾਂਡ (ਡਬਲਯੂਐਨਸੀ) ਯਾਨੀਕਿ , ਆਈਐੱਨਐੱਚਐੱਸ.ਜੀਵੰਤੀ, ਗੋਆ, ਆਈਐੱਨਐੱਚਐੱਸ ਪਤੰਜਲੀ, ਕਾਰਵਰ ਅਤੇ ਆਈਐੱਨਐੱਚਐੱਸ ਸੰਧਾਨੀ, ਮੁੰਬਈ ਅਧੀਨ ਕੰਮ ਕਰਨ ਵਾਲੇ ਕੁਝ ਨੇਵਲ ਹਸਪਤਾਲਾਂ ਨੇ ਸਿਵਲ ਪ੍ਰਸ਼ਾਸਨ ਦੇ ਇਸਤੇਮਾਲ ਲਈ ਕੁਝ ਕੋਵਿਡ ਆਕਸੀਜਨ ਬੈੱਡ ਤਿਆਰ ਰੱਖੇ ਹਨ।

ਮੁੰਬਈ ਵਿੱਚ, ਜਲ ਸੈਨਾ ਦੇ ਵਿਹੜੇ ਅੰਦਰ ਮੁੱਢਲੀਆਂ ਸਹੂਲਤਾਂ ਪ੍ਰਦਾਨ ਕਰਨ ਲਈ ਜਲ ਸੈਨਾ ਦੇ ਅਹਾਤੇ ਅੰਦਰ ਸੁਵਿਧਾਵਾਂ ਸਥਾਪਿਤ ਕੀਤੀਆਂ ਗਈਆਂ ਹਨ ਤਾਂ ਜੋ ਪ੍ਰਵਾਸੀ ਮਜ਼ਦੂਰ ਆਪਣੇ ਜੱਦੀ ਕਸਬਿਆਂ ਨੂੰ ਜਾਣ ਲਈ ਮਜਬੂਰ ਨਾ ਹੋਣ। ਜਲ ਸੈਨਾ ਅਧਿਕਾਰੀ ਸਿਵਲ ਪ੍ਰਸ਼ਾਸਨ ਨਾਲ ਬਾਕਾਇਦਾ ਸੰਚਾਰ ਵਿੱਚ ਵੀ ਹਨ ਅਤੇ ਜੇ ਬੇਨਤੀ ਕੀਤੀ ਜਾਂਦੀ ਹੈ, ਤਾਂ ਕਿਸੇ ਵੀ ਤਰ੍ਹਾਂ ਦੀ ਸਹਾਇਤਾ ਦੀ ਪੇਸ਼ਕਸ਼ ਲਈ ਸਾਰੀਆਂ ਹੀ ਤਿਆਰੀਆਂ ਤੇਜ ਕੀਤਿਆਂ ਗਈਆਂ ਹਨ।

ਕਾਰਵਰ ਵਿਖੇ ਕੋਵਿਡ ਕੰਟੀਜੈਂਸੀ ਜਲ ਸੈਨਾ ਦੇ ਅਧਿਕਾਰੀਆਂ ਨੇ ਇਸੇ ਤਰ੍ਹਾਂ ਲਗਭਗ 1500 ਪ੍ਰਵਾਸੀ ਮਜ਼ਦੂਰਾਂ ਨੂੰ ਜ਼ਰੂਰੀ ਵਸਤਾਂ, ਰਾਸ਼ਨ ਅਤੇ ਮੁੱਢਲੀਆਂ ਸਿਹਤ ਸੇਵਾਵਾਂ ਦੀ ਸਪਲਾਈ ਦੇ ਕੇ ਸਹਾਇਤਾ ਕਰਨ ਲਈ ਵਿਸਤ੍ਰਿਤ ਪ੍ਰਬੰਧ ਕੀਤੇ ਹਨ। ਆਈ.ਐੱਨ.ਐੱਚ.ਐੱਸ. ਪਤੰਜਲੀ, ਪਿਛਲੇ ਸਾਲ ਨਾਗਰਿਕ ਕੋਵਿਡ 19 ਸਕਾਰਾਤਮਕ ਮਰੀਜ਼ਾਂ ਦਾ ਇਲਾਜ ਕਰਨ ਵਾਲਾ ਪਹਿਲਾ ਆਰਮਡ ਫੋਰਸਿਜ਼ ਹਸਪਤਾਲ ਹੈ , ਜੇ ਕਿਸੇ ਵੀ ਐਮਰਜੈਂਸੀ ਦੀ ਜ਼ਰੂਰਤ ਦੌਰਾਨ ਨਾਗਰਿਕ ਕੋਵਿਡ ਮਰੀਜ਼ਾਂ ਨੂੰ ਪ੍ਰਾਪਤ ਕਰਨ ਲਈ ਤਿਆਰ ਹੁੰਦਾ ਹੈ।

ਗੋਆ ਵਿਖੇ ਜਲ ਸੈਨਾ ਦੀਆਂ ਟੀਮਾਂ ਨੇ ਕੋਵਿਡ -19 ਦੀ ਪਹਿਲੀ ਲਹਿਰ ਦੌਰਾਨ ਕਮਿਉਨਿਟੀ ਰਸੋਈਆਂ ਸਥਾਪਿਤ ਕੀਤੀਆਂ ਸਨ ਅਤੇ ਲੋੜ ਅਨੁਸਾਰ ਕਿਸੇ ਵੀ ਤਰ੍ਹਾਂ ਦੀ ਸਹਾਇਤਾ ਪ੍ਰਦਾਨ ਕਰਨ ਲਈ ਤਿਆਰ ਹਨ। ਆਈਐਨਐਚਐਸ ਜੀਵੰਤੀ ਵਿਖੇ ਨਾਗਰਿਕਾਂ ਲਈ ਕੁਝ ਕੋਵਿਡ ਆਕਸੀਜਨ ਬੈੱਡ ਲਗਾਉਣ ਤੋਂ ਇਲਾਵਾ, ਹੈੱਡਕੁਆਰਟਰ ਗੋਆ ਨੇਵਲ ਏਰੀਆ ਸਿਵਲ ਪ੍ਰਸ਼ਾਸਨ ਤੋਂ ਪ੍ਰਾਪਤ ਕਿਸੇ ਵੀ ਬੇਨਤੀ ਦੇ ਅਧਾਰ ਤੇ ਸਿਵਲ ਹਸਪਤਾਲਾਂ ਨੂੰ ਆਕਸੀਜਨ ਦੀ ਵਿਵਸਥਾ ਦੀ ਪੜਚੋਲ ਕਰ ਰਿਹਾ ਹੈ।

ਗੁਜਰਾਤ ਨੇਵਲ ਏਰੀਆ ਨੇ ਨਾਗਰਿਕ ਪ੍ਰਸ਼ਾਸਨ ਨੂੰ ਕੋਵਿਡ ਪ੍ਰਭਾਵਿਤ ਖੇਤਰਾਂ ਵਿੱਚ ਨਾਜ਼ੁਕ ਮੈਡੀਕਲ ਸਟੋਰਾਂ / ਉਪਕਰਣਾਂ ਦੀ ਢੋਆ ਢੁਆਈ; ਗਰੀਬਾਂ ਲਈ ਕਮਿਉਨਿਟੀ ਰਸੋਈਆਂ ਦੀ ਸਥਾਪਨਾ ਅਤੇ ਲੋੜ ਅਨੁਸਾਰ ਹੋਰ ਤਕਨੀਕੀ ਸਹਾਇਤਾ ਦੀ ਪੇਸ਼ਕਸ਼ ਕੀਤੀ ਹੈ।

ਇਸ ਸਮੇਂ, ਸਾਰੇ ਨੇਵਲ ਹਸਪਤਾਲ ਦੇ ਕਰਮਚਾਰੀਆਂ ਅਤੇ ਉਨ੍ਹਾਂ ਦੇ ਆਸ਼ਰਿਤਾਂ ਦੇ ਬਚਾਅ ਕਰਨ ਵਾਲੇ ਆਮ ਨਾਗਰਿਕਾਂ ਅਤੇ ਉਨ੍ਹਾਂ ਤੇ ਨਿਰਭਰ ਲੋਕਾਂ ਨੂੰ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਟੀਕਾਕਰਣ ਦੀ ਪੂਰਤੀ ਕਰ ਰਹੇ ਹਨ। 01 ਮਈ 2021 ਤੋਂ ਸ਼ੁਰੂ ਹੋਣ ਜਾ ਰਹੇ 18 ਸਾਲ ਅਤੇ ਇਸ ਤੋਂ ਵੱਧ ਉਮਰ ਸਮੂਹ ਦੇ ਲੋਕਾਂ ਦਾ ਟੀਕਾਕਰਣ ਪੂਰਾ ਹੋਣ ਤੋਂ ਬਾਅਦ ਟੀਕਾਕਰਨ ਦੀ ਸਹੂਲਤ ਇਲਾਕੇ ਦੀ ਹੋਰ ਨਾਗਰਿਕ ਆਬਾਦੀ ਤਕ ਵਧਾਉਣ ਦੀ ਸੰਭਾਵਨਾ ਦੀ ਪੜਚੋਲ ਕੀਤੀ ਜਾ ਰਹੀ ਹੈ।

ਮੁੰਬਈ ਵਿਖੇ ਆਈਐੱਨਐੱਚਐੱਸ ਅਸਵਿਨੀ ਨੇ ਸੰਖੇਪ ਨੋਟਿਸ 'ਤੇ ਤਾਇਨਾਤੀ ਲਈ ਕੰਪੋਜਿਟ ਟੀਮਾਂ ਤਿਆਰ ਕੀਤੀਆਂ ਹਨ , ਜਿਨ੍ਹਾਂ ਵਿੱਚ ਮੈਡੀਕਲ ਅਤੇ ਗੈਰ-ਮੈਡੀਕਲ ਵਿਅਕਤੀਆਂ ਨੂੰ ਸ਼ਾਮਲ ਕੀਤਾ ਗਿਆ ਹੈ ਅਤੇ ਬੈਟਲ ਫੀਲਡ ਨਰਸਿੰਗ ਸਹਾਇਕ ਦੇ ਤੌਰ ਤੇ ਸਿਖਲਾਈ ਦਿੱਤੀ ਗਈ ਹੈ ਜਿਸ ਵਿੱਚ ਡੀਜੀਏਐਫਐਮਐਸ ਦੇ ਨਿਰਦੇਸ਼ਾਂ ਤਹਿਤ ਦੇਸ਼ ਦੇ ਵੱਖ ਵੱਖ ਹਿੱਸਿਆਂ ਵਿੱਚ ਕੋਵਿਡ ਦੇਖਭਾਲ ਲਈ ਸਥਾਪਤ ਕੀਤੇ ਜਾ ਰਹੇ ਹਸਪਤਾਲਾਂ ਦੀ ਦੇਖਭਾਲ ਕੀਤੀ ਜਾ ਰਹੀ ਹੈ।

ਇੱਥੋਂ ਤਕ ਕਿ ਕਮਾਂਡ ਕੋਵਿਡ ਸਥਿਤੀ ਨਾਲ ਨਜਿੱਠਣ ਲਈ ਸਿਵਲ ਪ੍ਰਸ਼ਾਸਨ ਨੂੰ ਹਰ ਸੰਭਵ ਸਹਾਇਤਾ ਦੀ ਪੇਸ਼ਕਸ਼ ਕਰਨ ਲਈ ਤਿਆਰ ਹੈ, ਓਪਰੇਸ਼ਨਲ ਨੇਵੀ ਇਕਾਈਆਂ ਸਮੁਦਰੀ ਖੇਤਰ ਵਿਚ ਸੁਰੱਖਿਆ ਅਤੇ ਸਥਿਰਤਾ ਨੂੰ ਯਕੀਨੀ ਬਣਾਉਣ ਲਈ ਨਿਰੰਤਰ ਮਿਸ਼ਨ ਤੈਨਾਤ ਹਨ। ਹਾਲ ਹੀ ਦੇ ਦਿਨਾਂ ਵਿਚ ਡਬਲਯੂਐਨਸੀ ਦੀਆਂ ਇਕਾਈਆਂ ਨੇ ਦੋਸਤਾਨਾ ਜਲ ਸੇਨਾਵਾਂ ਦੇ ਅਭਿਆਸਾਂ ਵਿਚ ਹਿੱਸਾ ਲਿਆ ਹੈ ਜਿਵੇਂ ਕਿ ਹਾਲ ਹੀ ਵਿਚ ਫ੍ਰੈਂਚ ਨੇਵੀ ਨਾਲ ਸਮਾਪਤ ਹੋਈ ‘ਵਰੁਣ 21’; ਜਿਸਨੇ ਮੰਗਲੌਰ ਵਿਖੇ ਤਲਾਸ਼ੀ ਅਤੇ ਬਚਾਅ ਕਾਰਜ ਸ਼ੁਰੂ ਕੀਤੇ; ਸਮੁੰਦਰੀ ਰਸਤੇ ਰਾਹੀਂ ਵੱਡੀ ਮਾਤਰਾ ਵਿਚ ਤਸਕਰੀ ਕੀਤੇ ਜਾ ਰਹੇ ਨਸ਼ਿਆਂ ਨੂੰ ਜਬਤ ਕੀਤਾ ਅਤੇ ਅਰਬ ਸਾਗਰ ਵਿਚ ਚਲਣ ਵਾਲੇ ਭਾਰਤੀ ਵਪਾਰਕ ਜਹਾਜ਼ਾਂ ਨੂੰ ਸਮੁਦਰੀ ਲੁਟੇਰਿਆਂ ਤੋਂ ਬਚਾਉਣ ਦੇ ਕੰਮ ਨੂੰ ਯਕੀਨੀ ਬਣਾਉਣ ਲਈ ਐਂਟੀ ਪਾਏਰੇਸੀ ਗਸ਼ਤ ਲਈ ਤਾਇਨਾਤ ਰਿਹਾ।

--------------------------------------

ਏ ਬੀ ਬੀ ਬੀ /ਵੀ ਐਮ /ਐਮ ਐਸ