ਕੇਂਦਰੀ ਸਿੱਖਿਆ ਮੰਤਰੀ ਸ਼੍ਰੀ ਪੋਖਰਿਯਾਲ 'ਨਿਸ਼ੰਕ' ਨੇ ਅੱਜ ਨਵੀਂ ਦਿੱਲੀ ਵਿਚ ਮਹਿਲਾ ਸਸ਼ਕਤੀਕਰਨ ਤੇ ਏਆਈਸੀਟੀਈ ਲੀਲਾਵਤੀ ਪੁਰਸਕਾਰ, 2020 ਜੇਤੂਆਂ ਨੂੰ ਪ੍ਰਦਾਨ ਕੀਤੇ। ਇਸ ਮੌਕੇ ਤੇ ਸ਼੍ਰੀ ਪੋਖਰਿਯਾਲ ਨੇ ਮੁਕਾਬਲੇ ਵਿਚ ਹਿੱਸਾ ਲੈਣ ਵਾਲੀਆਂ ਸਾਰੀਆਂ 456 ਟੀਮਾਂ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਭਾਰਤ ਇਕ ਅਜਿਹਾ ਦੇਸ਼ ਹੈ ਜਿਥੇ 'ਨਾਰੀ ਤੂ ਨਾਰਾਇਣੀ' ਸਾਡੀਆਂ ਨੈਤਿਕ ਕਦਰਾਂ ਕੀਮਤਾਂ ਅਤੇ ਸੱਭਿਆਚਾਰ ਦਾ ਇਕ ਅਟੁੱਟ ਅੰਗ ਹਨ। ਸਾਡੇ ਪ੍ਰਧਾਨ ਮੰਤਰੀ ਦੇ ਵਿਜ਼ਨ ਅਨੁਸਾਰ ਸਰਕਾਰ ਨੇ ਕੁੜੀਆਂ ਦੇ ਕੁਲ ਵਿਕਾਸ ਲਈ ਕਈ ਭਲਾਈ ਸਕੀਮਾਂ ਸ਼ੁਰੂ ਕੀਤੀਆਂ ਹਨ । ਕੁੜੀਆਂ ਅਤੇ ਮਹਿਲਾਵਾਂ ਲਈ ਵੱਖ-ਵੱਖ ਖੇਤਰਾਂ ਵਿਚ ਕਈ ਭਲਾਈ ਸਕੀਮਾਂ ਸ਼ੁਰੂ ਕੀਤੀਆਂ ਹਨ ਜਿਨ੍ਹਾਂ ਵਿਚ ਸੁਕੰਨਿਆ ਸਮ੍ਰਿਧੀ ਯੋਜਨਾ, ਬੇਟੀ ਬਚਾਓ-ਬੇਟੀ ਪੜਾਉ ਯੋਜਨਾ ਆਦਿ ਸ਼ਾਮਿਲ ਹਨ। ਸ਼੍ਰੀ ਪੋਖਰਿਯਾਲ ਨੇ ਇਹ ਵੀ ਦੱਸਿਆ ਕਿ ਸਰਕਾਰ ਨੇ ਉੱਡਾਣ ਸਕੀਮ ਸ਼ੂਰੂ ਕੀਤੀ ਹੈ ਜਿਸ ਦਾ ਉਦੇਸ਼ ਉੱਚ ਸਿੱਖਿਆ ਤੱਕ ਕਮਜ਼ੋਰ ਸਮਾਜਿਕ-ਆਰਥਿਕ ਸਥਿਤੀ ਵਾਲੀਆਂ ਕੁੜੀਆਂ ਨੂੰ  ਸਕੂਲ ਪੱਧਰ ਤੇ ਹੀ ਯੋਗ ਬਣਾਉਣਾ ਹੈ। ਅਸੀਂ  ਯੂਵਾ ਮਹਿਲਾਵਾਂ ਨੂੰ ਤਕਨੀਕੀ ਸਿੱਖਿਆ ਲਈ ਹੋਰ ਮੌਕੇ ਉਪਲਬਧ ਕਰਵਾਉਣ ਲਈ ਪ੍ਰਗਤੀ ਯੋਜਨਾ ਵੀ ਸ਼ੁਰੂ ਕੀਤੀ ਹੈ। ਸ਼੍ਰੀ ਪੋਖਰਿਯਾਲ ਨੇ ਇਸ ਗੱਲ ਤੇ ਚਾਨਣਾ ਪਾਇਆ ਕਿ ਰਾਸ਼ਟਰੀ ਸਿੱਖਿਆ ਨੀਤੀ ਨੇ ਲਿੰਗ ਬਰਾਬਰਤਾ ਤੇ ਵਧੇਰੇ ਜ਼ੋਰ ਦਿੱਤਾ ਹੈ ਅਤੇ ਵਿਦਿਆਰਥੀਆਂ ਨੂੰ ਮਹਿਲਾ ਸਸ਼ਕਤੀਕਰਨ ਪ੍ਰਫੁਲਤ ਕਰਨ ਲਈ ਅਜਿਹੀਆਂ ਪਹਿਲਕਦਮੀਆਂ ਵਿਚ ਹਿੱਸਾ ਲੈਣਾ ਚਾਹੀਦਾ ਹੈ।

ਉਨ੍ਹਾਂ ਲੀਲਾਵਤੀ ਅਵਾਰਡ ਗਠਿਤ ਕਰਨ ਲਈ ਏਆਈਸੀਟੀਈ ਦੀ ਪਹਿਲਕਦਮੀ ਦਾ ਸਵਾਗਤ ਕੀਤਾ ਅਤੇ ਇਸ ਗੱਲ ਤੇ ਜ਼ੋਰ ਦਿੱਤਾ ਕਿ ਅਜਿਹੇ ਨਵੀਨਤਮ ਕਦਮ ਕੁੜੀਆਂ ਲਈ ਉੱਚ ਸਿਖਿਆ ਹਾਸਲ ਕਰਨ ਵਿਚ ਵੱਡੀ ਪੱਧਰ ਤੇ ਪ੍ਰੇਰਿਤ ਕਰਨਗੇ। ਇਹ ਪਹਿਲਕਦਮੀ ਮਹਿਲਾਵਾਂ ਲਈ ਸਿੱਖਿਆ ਅਤੇ ਇਨੋਵੇਸ਼ਨ ਵਿਚ ਬਰਾਬਰੀ ਦਾ ਰਸਤਾ ਖੋਲ੍ਹੇਗੀ। 

ਏਆਈਸੀਟੀਈ ਦੇ ਚੇਅਰਮੈਨ ਪ੍ਰੋ. ਸਹਿਸਰਬੁਧੇ ਨੇ ਕਿਹਾ, "ਮੈਂ ਸਮਾਗਮ ਵਿਚ ਸ਼ਿਰਕਤ ਕਰਨ ਲਈ ਮਾਨਯੋਗ ਮੰਤਰੀ ਸ਼੍ਰੀ ਰਮੇਸ਼ ਪੋਖਰਿਯਾਲ 'ਨਿਸ਼ੰਕ' ਦਾ ਧੰਨਵਾਦ ਕਰਦਾ ਹਾਂ। ਏਆਈਸੀਟੀਈ ਇਸ ਵਰ੍ਹੇ ਰਾਸ਼ਟਰ ਵਿਚ ਮਹਿਲਾਵਾਂ ਦੇ ਸਸ਼ਕਤੀਕਰਨ ਦੇ ਉਦੇਸ਼ ਨਾਲ ਪ੍ਰਦਾਨ ਕੀਤੇ ਗਏ ਇਸ ਸਾਲ ਦੇ ਲੀਲਾਵਤੀ ਅਵਾਰਡ ਲਈ ਬਹੁਤ ਖੁਸ਼ ਹੈ। ਉਨ੍ਹਣਾ ਕਿਹਾ ਕਿ ਇਸ ਤੋਂ ਇਲਾਵਾ ਮੈਂ ਸਾਰੀਆਂ ਟੀਮਾਂ ਨੂੰ ਵਧਾਈ ਦੇਂਦਾ ਹਾਂ ਜਿਨ੍ਹਾਂ ਨੇ ਆਪਣੀਆਂ ਐੰਟਰੀਆਂ ਭੇਜੀਆਂ ਹਨ। ਭਾਰਤ ਮਹਿਲਾਵਾਂ ਦੀ ਮਹਿਮਾ ਦਾ ਜਸ਼ਨ ਮਨਾਉਣ ਅਤੇ ਮਾਣ-ਇਜ਼ਤ ਦੇਣ ਵਾਲੇ ਦੇਸ਼ ਵਜੋਂ ਜਾਣਿਆ ਜਾਂਦਾ ਹੈ ਅਤੇ ਅਜਿਹੀਆਂ ਪਹਿਲਕਦਮੀਆਂ ਨਾਲ ਏਆਈਸੀਟੀਈ ਸਾਡੇ ਦੇਸ਼ ਵਿਚ ਮਹਿਲਾਵਾਂ ਦੇ ਸਸ਼ਕਤੀਕਰਨ ਵਿਚ ਵੀ ਯੋਗਦਾਨ ਪਾ ਰਿਹਾ ਹੈ।"

"ਮਹਿਲਾ ਸਸ਼ਕਤੀਕਰਨ ਦੇ ਵਿਸ਼ੇ ਤੇ ਆਧਾਰਤ ਏਆਈਸੀਟੀਈ ਨੇ ਕੁਲ 456 ਐਂਟਰੀਆਂ ਵਿੱਚੋਂ ਜੇਤੂਆਂ ਨੂੰ ਫਾਈਨਲ ਕੀਤਾ ਜਿਨ੍ਹਾਂ ਨੇ 6 ਉਪ-ਵਿਸ਼ਿਆਂ ਵਿਚ ਮੁਕਾਬਲਾ ਕੀਤਾ ਸੀ, ਇਨ੍ਹਾਂ ਵਿਚ ਮਹਿਲਾਵਾਂ ਦੀ ਸਿਹਤ, ਆਤਮ-ਰੱਖਿਆ, ਸੈਨਿਟੇਸ਼ਨ ਅਤੇ ਹਾਈਜਿਨ, ਸਾਖਰਤਾ, ਮਹਿਲਾ ਉੱਦਮਤਾ ਅਤੇ ਕਾਨੂੰਨੀ ਜਾਗਰੂਕਤਾ ਸ਼ਾਮਲ ਸਨ। ਸ਼ੁਰੂਆਤੀ ਐਂਟਰੀਆਂ ਦਾ ਵਿਸ਼ਲੇਸ਼ਣ ਕਰਨ ਤੋਂ ਬਾਅਦ ਹਰੇਕ ਉੱਪ-ਵਿਸ਼ੇ ਅਧੀਨ ਸਿਖਰ ਦੀਆਂ 10 ਐਂਟਰੀਆਂ ਨੂੰ ਪ੍ਰੋ. ਸੁਸ਼ਮਾ ਯਾਦਵ, ਵਾਇਸ ਚਾਂਸਲਰ, ਬੀ ਪੀ ਐਸ ਮਹਿਲਾ ਵਿਸ਼ਵ ਵਿਦਿਆਲਯ ਖਾਨਪੁਰ ਕਲਾਂ, ਹਰਿਆਣਾ ਅਤੇ ਡਾ. ਵਿਨੀਤਾ ਐਸ ਸਹਾਏ, ਡਾਇਰੈਕਟਰ ਆਈਆਈਐਮ ਬੋਧ ਗਯਾ ਦੀ ਅਗਵਾਈ ਦੀਆਂ ਦੋ ਕਮੇਟੀਆਂ ਸਾਹਮਣੇ ਆਪਣੀਆਂ ਪ੍ਰਸਤੁਤੀਆਂ ਪੇਸ਼ ਕਰਨ ਲਈ ਸੱਦਿਆ ਗਿਆ।

ਤਾਮਿਲਨਾਡੂ ਦੇ ਸੋਨਾ ਕਾਲਜ ਆਫ ਟੈਕਨੋਲੋਜੀ ਤੋਂ ਸਵੈੱਟ (ਸੋਨਾ ਵਿਮੈਨ ਐਂਟਰਪ੍ਰਿਨਿਓਰਸ਼ਿਪ ਐਂਡ ਟ੍ਰੇਨਿੰਗ) ਨੇ "ਮਹਿਲਾ ਉੱਦਮਤਾ" ਉੱਪ-ਵਿਸ਼ੇ ਦਾ ਮੁਕਾਬਲਾ ਜਿੱਤਿਆ। "ਡਿਜੀਟਲ ਸਾਖਰਤ" ਉੱਪ ਵਿਸ਼ੇ ਅਧੀਨ ਭਾਰਤੀਯ ਵਿੱਦਿਆਪੀਠ ਨੇ ਮੁਕਾਬਲਾ ਜਿੱਤਿਆ। ਇੰਸਟੀਚਿਊਟ ਆਫ ਮੈਨੇਜਮੈਂਟ ਅਤੇ ਐਂਟਰਪ੍ਰਿਨਿਓਰਸ਼ਿਪ ਡਿਵੈਲਪਮੈਂਟ, ਪੁਣੇ ਨੇ "ਸਾਖਰਤਾ" ਉੱਪ-ਵਿਸ਼ਿਆਂ ਤੇ ਅਵਾਰਡ ਜਿੱਤਿਆ। ਮਹਾਰਾਸ਼ਟਰ ਦੇ ਬਾਲਚੰਦ ਇੰਸਟੀਚਿਊਟ ਆਫ ਟੈਕਨੋਲੋਜੀ ਤੋਂ ਵਿੱਟ ਵਿਮੈਨ ਹੈਲਥ ਕੋਲਿਸ਼ਨ ਨੇ "ਵਿਮੈਨਜ਼ ਹੈਲਥ" ਉਪ-ਵਿਸ਼ੇ ਅਧੀਨ ਅਵਾਰਡ ਜਿੱਤਿਆ। ਥਿਆਗਰਾਜਰ ਪੋਲਿਟੈਕਨਿਕਲ ਕਾਲਜ ਤੋਂ ਰੇਡੀਅਟ ਸੀਥਾ ਨੇ  "ਕਾਨੂੰਨੀ ਜਾਗਰੂਕਤਾ" ਦੇ ਉਪ ਵਿਸ਼ੇ ਤੇ ਮੁਕਾਬਲਾ ਜਿੱਤਿਆ। ਅੰਤਿਮ ਤੌਰ ਤੇ ਤਾਮਿਲਨਾਡੂ ਦੇ ਸੇਂਟ ਜੋਸਫ ਕਾਲਜ ਆਫ ਇੰਜੀਨੀਅਰਿੰਗ ਤੋਂ ਪ੍ਰੀਤਰਾਨਾ ਨੇ "ਆਤਮ ਰੱਖਿਆ" ਦੇ ਉਪ ਵਿਸ਼ੇ ਅਧੀਨ ਅਵਾਰਡ ਹਾਸਿਲ ਕੀਤਾ।

ਭਾਰਤੀਯ ਵਿੱਦਿਆਪੀਠ ਜਿਸ ਨੇ "ਡਿਜੀਟਲ ਸਾਖਰਤਾ" ਵਿਸ਼ੇ ਅਧੀਨ ਅਵਾਰਡ ਜਿੱਤਿਆ ਨੇ ਸੁਝਾਅ ਦਿੱਤਾ ਇਕ ਇੰਟਰਨੈੱਟ ਰੈਵੋਲਿਊਸ਼ਨ  ਜੋ 2014 ਤੋ ਬਾਅਦ ਭਾਰਤ ਵਿਚ ਆਇਆ, ਨੇ ਦੇਸ਼ ਵਿਚ ਮਹਿਲਾਵਾਂ ਦੇ ਸਸ਼ਕਤੀਕਰਨ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਈ ਹੈ ਅਤੇ ਇਸ ਨੇ ਦੇਸ਼ ਵਿਚ ਮਹਿਲਾਵਾਂ ਦੀ ਤਰੱਕੀ ਵਿਚ ਉਨ੍ਹਾਂ ਦੇ ਫਿੰਗਰਟਿਪਸ ਨਾਲ ਪਹੁੰਚਯੋਗ ਸੂਚਨਾ ਵਜੋਂ ਤਰੱਕੀ ਕਰਨ ਵਿਚ ਮਦਦ ਕੀਤੀ ਹੈ। ਭਾਰਤੀਯ ਵਿੱਦਿਆਪੀਠ ਨੇ ਕਿਹਾ ਕਿ ਹਾਲਾਂਕਿ, ਹੁਣ ਤੱਕ ਵੀ ਦੇਸ਼ ਵਿਚ ਕਈ ਮਹਿਲਾਵਾਂ ਹਨ ਜਿਨ੍ਹਾਂ ਕੋਲ ਢੁਕਵੀਂ ਡਿਜੀਟਲ ਸਾਖਰਤਾ ਨਹੀਂ ਹੈ ਅਤੇ ਸਾਨੂੰ ਉਨ੍ਹਾਂ ਨੂੰ ਵੀ ਸਮਾਜ ਦੇ ਫੋਰਫਰੰਟ ਤੇ ਲਿਆਉਣਾ ਚਾਹੀਦਾ ਹੈ।

ਅਵਾਰਡ ਜੇਤੂਆਂ ਦੀ ਸੂਚੀ

******************************

ਐਮ ਸੀ/ਕੇਪੀ/ਏ ਕੇ