ਜਨਰਲ ਮਨੋਜ ਮੁਕੰਦ ਨਰਵਣੇ, ਚੀਫ ਆਫ ਆਰਮੀ ਸਟਾਫ (ਸੀਓਏਐਸ), ਨੇ ਡੀਐਸਐਸਸੀ,  ਵੈਲਿੰਗਟਨ (ਟੀਐਨ) ਦਾ 05 ਤੋਂ 06 ਅਪ੍ਰੈਲ 2021 ਤੱਕ ਦਾ ਦੌਰਾ ਕੀਤਾ। ਸੀਓਏਐਸ ਨੇ ਡਿਫੈਂਸ ਸਰਵਿਸਿਜ਼ ਸਟਾਫ ਕਾਲਜ (ਡੀਐਸਐਸਸੀ) ਵੈਲਿੰਗਟਨ ਵਿੱਚ 76ਵੇਂ ਸਟਾਫ ਕੋਰਸ ਵਿੱਚ ਹਿੱਸਾ ਲੈ ਰਹੀ ਫੈਕਲਟੀ ਅਤੇ ਹੋਰਨਾਂ ਅਧਿਕਾਰੀਆਂ ਨੂੰ  “ਪੱਛਮੀ ਅਤੇ ਉੱਤਰੀ ਸਰਹੱਦਾਂ ਤੇ ਹੋਈਆਂ ਘਟਨਾਵਾਂ ਅਤੇ ਭਾਰਤੀ ਸੈਨਾ ਦੇ ਭਵਿੱਖ ਦੇ ਰੋਡ ਮੈਪ ਤੇ ਉਨ੍ਹਾਂ ਦੇ ਪ੍ਰਭਾਵ" ਵਿਸ਼ੇ ਤੇ ਭਾਸ਼ਣ ਦਿੱਤਾ।  ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਦੇਸ਼ ਆਪਣੀਆਂ ਸਰਹੱਦਾਂ ਤੇ ਨਵੇਂ ਸਿਰਿਉਂ ਚੁਣੌਤੀਆਂ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਵਿਦਿਆਰਥੀਆਂ ਨੂੰ ਸਾਰੀਆਂ ਘਟਨਾਵਾਂ ਦੇ ਸਬੰਧ ਵਿੱਚ ਸੁਚੇਤ ਰਹਿਣ ਦੀ ਜਰੂਰਤ ਤੇ ਜ਼ੋਰ ਦਿੱਤਾ। 

 ਡੀਐਸਐਸਸੀ ਦੇ ਕਮਾਂਡੈਂਟ ਲੈਫਟੀਨੈਂਟ ਜਨਰਲ ਐਮਜੇਐਸ ਕਾਹਲੋਂ ਨੇ ਸੈਨਾ ਦੇ  ਤਿੰਨਾਂ ਅੰਗਾਂ ਦਰਮਿਆਨ ਸਾਂਝੇਦਾਰੀ ਬਾਰੇ ਚਲ ਰਹੀਆਂ ਪੇਸ਼ੇਵਰ ਸੈਨਿਕ  ਸਿਖਲਾਈ ਦੀਆਂ ਗਤੀਵਿਧੀਆਂ ਦੇ ਖਾਸ ਸੰਦਰਭ ਦੇ ਨਾਲ ਨਵੀਂ ਪਹਿਲਕਦਮੀ ਸ਼ਾਮਲ ਕਰਨ ਬਾਰੇ ਸੈਨਾ ਮੁਖੀ (ਸੀਓਏਐਸ) ਨੂੰ ਇੱਕ ਅਪਡੇਟ ਦਿੱਤੀ। ਸੀਓਏਐਸ ਨੂੰ ਪੇਸ਼ੇਵਰ ਸੈਨਿਕ ਸਿੱਖਿਆ ਲਈ ਸੈਂਟਰ ਆਫ ਐਕਸੇਲੈਂਸ ਵਜੋਂ ਡੀਐਸਐਸਸੀ ਦੀ ਭੂਮਿਕਾ ਨੂੰ ਵਧਾਉਣ ਦੇ ਇਕ ਕਦਮ ਵਜੋਂ ਸਿਖਲਾਈ ਪਾਠਕ੍ਰਮ ਅਤੇ ਢਾਂਚਾਗਤ ਵਿਕਾਸ ਵਿੱਚ ਕੀਤੀਆਂ ਜਾ ਰਹੀਆਂ ਤਬਦੀਲੀਆਂ ਦੇ ਸਬੰਧ ਵਿੱਚ ਵੀ ਜਾਣਕਾਰੀ ਦਿੱਤੀ ਗਈ। ਉਨ੍ਹਾਂ ਨੇ ਕੋਵਿਡ-19 ਮਹਾਮਾਰੀ ਦੀਆਂ ਮਜ਼ਬੂਰੀਆਂ ਦੇ ਬਾਵਜੂਦ ਸਿਖਲਾਈ ਦੀ ਬਹੁਤ ਉੱਚੀ ਗੁਣਵੱਤਾ ਕਾਇਮ ਰੱਖਣ ਲਈ ਕਾਲਜ ਦੀ ਸ਼ਲਾਘਾ ਕੀਤੀ। 

---------------------------- 

ਏ ਏ /ਬੀ ਐਸ ਸੀ /ਵੀ ਬੀ ਵਾਈ