قبائلی امور کی وزیر مملکت، محترمہ رینوکا سنگھ سروتا نے آج لوک سبھا میں ایک تحریری جواب میں درج ذیل معلومات فراہم کیں:

قبائلی امورکی وزارت ‘قبائلی مصنوعات تیارکرنے اوران کی مارکیٹنگ کے لئے اداروں کو امداد ’اسکیم نافذ کررہی ہے ، جس کے تحت اسٹیٹ ٹرائبل ڈیولپمنٹ کوآپریٹو کارپوریشنز (ایس ٹی ڈی سی سی ) اور ٹرائبل کوآپریٹو مارکیٹنگ ڈیولپمنٹ فیڈریشن آف انڈیا لمیٹڈ (ٹرائیفیڈ ) کو مالی امداد فراہم کی جاتی ہے ۔اس اسکیم کا مقصد ایسے اداروں کی تعمیر کرنا ہے جو قبائلی مصنوعات تیارکرنے اوراس کی مارکیٹنگ کرنے میں مدد فراہم کریں ، جس میں قبائلی دستکاروں ، کاریگروں ، ایم ایف پی جمع کرنے والوں کی ہنرمندی کی تجدید اور سپلائی سے متعلق بنیادی ڈھانچے کی تعمیر وغیرہ شامل ہیں ۔ اس اسکیم کے تحت ٹرائیفیڈملک بھرمیں پھیلے اپنی 73ٹرائبس انڈیا دوکانوں اور 35کنسائنمنٹ کاونٹراور ریاستی امپوریم میں 15فرنچائزدوکانوں کے ذریعہ دیگر ای –کامرس پلیٹ فارموں کے نیٹ ورک کے ذریعہ قبائلی مصنوعات کے لئے مارکیٹنگ کا پلیٹ فارم مہیاکرتاہے ۔ اس کے علاوہ ٹرائیفیڈ قبائلی آبادی کے روایتی فنون اورثقافت کے فروغ کے لئے قومی قبائلی تہوار ‘‘آدی مہوتسو’’بھی منعقد کرتاہے ، جس میں کھانے اور دستکاری کے سامان بھی شامل ہوتے ہیں ۔ گذشتہ تین مالی سالوں کے دوران اس اسکیم کے تحت جاری کئے گئے فنڈ کی تفصیلات درج ذیل ہیں:

 

(رقم لاکھ روپے میں )

 

قبائلی امورکی وزارت ‘قبائلی ذیلی اسکیم کو خصوصی مرکزی امداد (ٹی ایس ایس کو ایس سی اے ) ’، ‘خاص طورسے کمزورقبائلی جماعتوں کا فروغ (پی وی ٹی جی )’اور ‘آرٹیکل (1)275کے تحت گرانٹس کے تحت ریاستی حکومتوں کو ان کی تجاویز کی بنیاد پر فنڈ مہیاکراتی ہے تاکہ وہ زراعت ، باغبانی ، مویشی پروری ، ماہی پروری اوردیگر غیرزرعی معاشی سرگرمیوں وغیرہ سمیت مختلف قسم کی معاشی سرگرمیاں شروع کرسکیں ۔ گذشتہ تین سالوں کے دوران مختلف ریاستی حکومتوں کو تقریبا 1000پروجیکٹوں کے لئے 1874.90کروڑروپے جاری کئے گئے ۔مزید برآں ان اسکیموں کے تحت ریاستی حکومتوں کو آب پاشی اور واٹرشیڈ مینجمنٹ اورپینے کے پانی سے متعلق پروجیکٹوں کے لئے جو فنڈجاری کئے گئے تھے ان کی تفصیل درج ذیل ہے:

 

 

اس کے علاوہ قبائلی امورکی وزارت نے قبائلی علاقوں میں پانی اور معاش سے متعلق مسائل کو حل کرنے کے لئے درج ذیل قدم اٹھائے ہیں :

1. قبائلی امورکی وزارت نے ٹاٹاٹرسٹ کے ساتھ مل کر لداخ خطہ کے گاوؤں میں دیرپا معاش کو فروغ دینے کے لئے کثیرجہتی پہل کی ہے ، جس میں بھیڑ پالنا ، خوبانی سبزیوں اورپھلوں  کی ڈبہ بندی ،بھی شامل ہے۔یہ پہل لداخ خطہ کی  شام وادی ، چانگ تھن اور تھارووادی کے 31گاؤوں میں متعدد مصنوعات کی پیداوار میں اضافہ ، ہارویسٹنگ ، پوسٹ ہارویسٹنگ اورمارکیٹنگ کے لئے شروع کی گئی ہے ۔
2. قبائلی امورکی وزارت نے مستحکم زراعت کے فروغ کے لئے آرٹ آف لیونگ فاؤنڈیشن سے وابستہ ایس ایس آئی ایس اے ٹی (شری شری انسٹی ٹیوٹ آف ایگریکلچرل سائنسیز اینڈٹکنالوجی ) کے ساتھ پارٹنرشپ کی ہے ۔ یہ تین سالہ پروجیکٹ ہے ، جس کے تحت اورنگ آباد ، مہاراشٹرکے قبائلی ضلع میں 10000کسانوں کونامیاتی کاشت کاری کی ٹریننگ دی جائے گی ۔
3. چھوٹی جنگلاتی مصنوعات کے لئے کم از کم امداد ی قیمت (ایم ایف پی کے لئے ایم ایس پی ) کی اسکیم کے تحت ٹرائیفیڈ ون دھن وکاس کیندر(وی ڈی وی کے )جیسی پہل بھی نافذکررہی ہے جسے 19-2018میں شروع کیاگیاتھا۔ جس کے تحت آدیواسیوں کی اکثریت والے ضلعوں میں کثیرجہتی مراکز قائم کئے جاتے ہیں ، جہاں پر جنگلات پرمبنی مصنوعات علاقائی سطح پردستیاب ہوتی ہیں ۔  ٹرائیفیڈ کے ذریعہ ریاست وار منظورکئے گئے ون دھن وکاس کیندروں کی فہرست ذیل میں پیش کی گئی ہے ۔
4. قبائلی امورکی وزارت نے اعلیٰ صلاحیت کے حامل مراکز کو مالی امداد کی اسکیم کے تحت لداخ کے طلباء کی تعلیمی اورثقافتی تحریک (ایس ای سی ایم اوایل ) کے اشتراک سے 20-2019کے دوران 25برف کے استوپا قائم کئے ۔ جن میں 60ملین لیٹرسے زیادہ پانی جمع کیاگیا۔
5. قبائلی امورکی وزارت اور یواین ڈی پی کے ذریعہ ‘1000چشموں کی پہل ’دوردراز کے قبائلی علاقوں میں لگاتاربہنے والے چشموں سے فائدہ اٹھاتے ہوئے پانی کی ضروریات کو پورا کرنے کی کوشش کا اظہارہے ۔  پانی کے چشموں کا آن لائن ایٹلس thespringsportal.org   تیارکرنے کے لئے 8ضلعوں (گنجم ، گجپتی ،  جے پور،  کالاہانڈی ، کنڈمال ، کوئنجھار، میوربھنج ، رائے گڑھ ) کے 77گاؤوں میں 408پانی کے چشمے کی پیمائش کی گئی ہے ۔

 

 

منظور کیے گئے ون دھن کیندروں کی ریاست وار تعداد اور مستفیدین کی تفصیلات

 

 

قدرتی فہم قبائلی ثقافتی ورثہ کا اٹوٹ حصہ ہے اور آدیواسی روایتی دواؤں کے لیے مقامی سطح پر دستیاب جڑی بوٹی کا استعمال کرتے ہیں۔ وزارت نے دواؤں اور ادویاتی پودوں کے نظام پر تحقیق کرانے کے لیے ’قبائلی تہوار، تحقیقی معلومات اور عوامی تعلیم‘ اسکیم کے تحت پروجیکٹوں کو منظوری دی ہے، تاکہ روایتی علم کو محفوظ کیا جا سکے، جن کی تفصیل درج ذیل ہے:

 

دواؤں اور ادویاتی پودوں کے نظام پر تحقیق کرانے اور روایتی علم کو محفوظ کرنے  کے لیے ’قبائلی تہوار، تحقیقی معلومات اور عوامی تعلیم‘ اسکیم کے تحت منظور کیے گئے  پروجیکٹوں کی تفصیل

 

 

*********

 

 ش ح۔  ق ت  ۔ع آ

U. No. 3389

(Release ID: 1709640) Visitor Counter : 194