نئی دہلی، 1/ اپریل 2021/ حکومت ہند کے ذریعہ حال ہی میں لیبر بیورو کو پانچ اہم   کل ہند سروے کرانے کا  کام سونپا گیا تھا۔ ان پانچوں  سروے میں  تارکین مزدوروں کا   کل ہند سروے، گھریلو کامگاروں پر کل ہند سروے ، ٹرانسپورٹ کے میدان میں روزگار پیدا کرنے پر   کل ہند سروے، پیشہ وروں کے ذریعہ   روزگار پیدا کرنے پر کل ہند سروے  اور کل ہند  سہ ماہی   کام پر مبنی  روزگار سروے (اے کیو ای ای ایس) شامل ہیں۔ ان سرویز کو  پروفیسر ایس پی  مکھرجی کی قیادت اور ڈاکٹر  امیتابھ کنڈو کی  مشترک سربراہی میں   ماہرین کے ایک گروپ  کی  تکنیکی رہنمائی میں لیبر بیورو کے ذریعہ ڈیزائن کیا گیا ہے۔    آج تک 60 ماہرین میٹنگ گروپ  منعقد ہوئی ہیں جن میں ان سائنس دانوں   او ر مضبوط سروے آلات کو  فروغ دینے پر کام کیا گیا ہے۔

پانچ سرویز پر  ایک ساتھ کام کیا گیا ہے اور اسے  مرحلہ وار طریقے سے  کووڈ وبا سے پیدا ہونے والی  رکاوٹوں کو   دھیان میں رکھتے ہوئے   شروع کیا جائے گا۔ شروع کئے جانے والے پہلے سرو ے میں تارکین مزدوروں   کے کل ہند سروے اور  کل ہند سہ ماہی   قیام پر مبنی  روزگار سروے  (اے کیو ای ای ایس )شامل ہیں۔ یہ سروے جدید طریقے پر مبنی  ’’بغیر کاغذ‘‘ ڈیٹا  اکٹھا کرنے کے نظریے سے کیا جائے گا   اور ان میں  میدانی کاموں کے دوران    ٹیبلٹ پرسنل کمپیوٹر کا استعمال کیا جائے گا۔ یہ ٹیبلٹ  پرسنل کمپیوٹر  جدید ترین سافٹ ویئر ایپلی کیشن سے  لیس ہیں۔  جدید ترین ٹکنالوجی کا استعمال    سروے پورا ہونے کے  وقت کو    کم سے کم   30 فی صد سے 40 فی صد تک کم کرنے کے  امکان ہیں۔ لیبر بیورو کو  اطلاعاتی  ٹکنالوجی کی مدد  فراہم کرنے کے لئے ، اطلاعات و نشریات وزارت کے تحت   حکومت ہند کے   اینٹرپرائز  براڈکاسٹ انجیئنرنگ کنسلٹنٹ انڈیا لمیٹیڈ- بی ای سی  آئی ایل کے ذریعہ    تعاون فراہم  کیا جارہا  ہے۔ پہلی مرتبہ یہ سروے   اہم علاقائی  زبانوں میں بھی  منعقد کئے جائیں گے۔

 

سروے کے  ہر مقصد پر نزدیکی سے  ایک نظر:

1. تارکین مزدوروں کا  کل ہند سروے-مزدوروں کے ذریعہ کئے گئے   روزگا سے متعلق   مائگریشن کا مطالعہ کرنے کے لئے ان کے ذریعہ  کام کرنے  اور رہنے کے حالات  کی تفصیلات   اورکووڈ 19کا   ان کے  کاموں کے  میدان پر اثر۔
2. کل ہند سہ ماہی قیام  پر مبنی  روزگار سروے  (اے کیو ای ای ایس) –اس سروے میں 10سے زیادہ  مزدوروں کو  روزگار دینے والے  اداروں کے لئے   روزگار کے   اندازے کے ساتھ ساتھ   9 یا اس سے کم مزدوروں کو  مہیا کرانے والے اداروں کے بارے میں سروے کیا جائے گا۔ یہ بے حد کارآمد قیام پر مبنی  سروے سہ ماہی  بنیاد پر   چنندہ میدانوں میں  روزگار کی صورتحال  میں تبدیلی پر  اہم ڈیٹا  فراہم کرے گا
3. گھریلو کامگاروں پر کل ہند سروے-  یہ سروے پہلی  مرتبہ ملک میں  گھریلو کامگاروں کی تعداد کا اندازہ لگانے میں  مدد گار ہوگا۔  کچھ اضافی خصوصی مقاصدکے تحت گھریلو کامگاروں کے ساتھ گھروں میں ہونے والے حادثات اور  خصوصیات   اور مختلف طرح کے   گھروں کے ذریعہ کام میں لگائے گئے   گھریلو کامگاروں کی اوسط تعداد پر  ڈیٹا اکٹھا کرنا ہے۔
4. ٹرانسپورٹ کے میدان میں  روزگار  پیدا کرنے پر کل ہند سروے-اس سروے کا استعمال  کرکے ملک میں  ٹرانسپورٹ کے میدان میں  روزگار پیداکرنے کے لئے اندازے لگائے جائیں گے۔
5. پیشہ وروں کے ذریعہ  روزگار پیدا کرنے  سے متعلق   کل ہند سروے- سروے میں وکیلوں، میڈیکل پیشہ وروں ، لاگت اکاؤنٹنٹ اور  چارٹرڈ اکاؤنٹنٹ جیسے   پیشہ وروں کے ذریعہ   روزگار پیدا کرنے کے   اندازے میں  مدد ملے گی۔

معزز محنت اور روزگار کے وزیر جناب  سنتوش کمار گنگوار کی  منظوری کے مطابق   یہ سروے   محنت اور روزگار کے   مختلف پہلوؤں پر    ڈیٹا  فرق کو    شامل کریں گے۔  یہ سروے   حقائق –پر مبنی پالیسی بنانے کے عمل میں  مدد کریں گے۔

لیبر بیورو کے   ڈائریکٹر جنرل  جناب  ڈی پی ایس   نیگی نے کہا کہ   ماہرین گروپ کے  مکمل تعاون کے ساتھ بیورو سروے کو  شروع کرنے کی   مقررہ مدت  کی تعمیل  کرسکتاہے۔ انہوں نے کہا کہ آج پانچ  کل ہند سرویز میں سے   دو سرویز کا  آغاز تارکین مزدوروں اور ایک دیگر    اے کیو  ای ای ایس کا  آغازکیا گیا ہے۔ ماہرین کے گروپ اور  بیورو کے    افسران کی کوششوں کی  ستائش کرتے ہوئے، انہوں نے یہ بھی بتایاکہ   ان سرویز کے  میدان کا کام    کامیابی کے ساتھ پورا کرنے کے لئے  بیورو  کوئی کسر نہیں چھوڑ رہا ہے۔ گزشتہ کچھ مہینے سے،  کوالٹی نتائج کو  یقینی بنانے کے لئے بیورو   ان سرویز کے تحت میدان کے  جانچ کرنے والوں   اور نگرانی کرنے والوں کو  باقاعدہ  گہری   تربیت دے رہا ہے۔

انہوں نے یہ بھی بتایا کہ  آنے والے دنوں میں عہد کے مطابق  بیورو  بقیہ تین سرویز بھی   جلد ہی شروع کرے گا۔  انہوں نے یہ بھی معلومات دی  کہ بیورو جوملک میں ایک اہم    محنت  اعدادوشمار تنظیم ہے،   ان تمام   کل ہند سرویز کے تحت    امیدوں پر  کھرا اترے گا   اور اعلی کوالٹی والے   نتائج فراہم کرے  گا ۔

**********

ش ح۔ ش ت۔ج

Uno-3281

 

(Release ID: 1709154) Visitor Counter : 333