नवी दिल्ली, 1 एप्रिल 2021

भविष्यातील सर्व युद्धे तिन्ही सेनादलांकडून एकात्मिक पद्धतीने हाताळली जातील. आमच्या सशस्त्र सैन्याने यशस्वी कार्यवाही करण्यास सक्षम होण्यासाठी, युद्धाच्या सर्व टप्प्यांत त्यांना योग्य वाहतूक पाठबळ पुरविणे आवश्यक आहे. हे लक्षात घेऊन, संरक्षण दल प्रमुख जनरल बिपिन रावत यांनी 01 एप्रिल 2021 रोजी नवी दिल्लीहून व्हिडिओ कॉन्फरन्सिंगद्वारे मुंबईतील 3 ऱ्या संयुक्त लॉजिस्टिक नोडचे (जेएलएन) कार्यान्वयन केले आणि सैन्यदलाना समर्पित केले.

हे जेएलएन सैन्य दलासाठी त्यांची लहान शस्त्रे दारूगोळा, रेशन, इंधन, किराणा दुकान, नागरी भाड्याने घेतलेली वाहतूक, विमानचालन कपडे, सुटे भाग आणि अभियांत्रिकी सहाय्य यासाठी त्यांच्या कार्यान्वयन प्रयत्नांत सहकार्य करण्यासाठी एकात्मिक वाहतूक कवच देतील. “आमच्या तीन दलांच्या लॉजिस्टिक्स एकत्रिकरणाच्या दिशेने जेएलएनची स्थापना आणि कार्यान्वयन ही एक महत्वाची पहिली पायरी आहे. या नोड्सची कार्यक्षमता आणि परिणामकारकता सुधारण्यात मदत करण्यासाठी एकमेकांच्या मर्यादा स्वीकारणे आणि एकमेकांच्या सामर्थ्याविषयी जाणून घेणे आणि उत्कृष्ट पद्धती शिकणे आवश्यक आहे” असे जनरल बिपिन रावत यावेळी म्हणाले.

हा उपक्रम आर्थिक बचतीबरोबरच मनुष्यबळाची बचत, संसाधनांचा फायदेशीर वापर मिळवून देईल. संरक्षण दल  प्रमुखांनी या निमित्ताने तिन्ही दलातील योध्यांचे कौतुक केले ज्यांनी हे नोड कार्यान्वित करण्यासाठी आपले तन-मन वाहून घेतले आणि ते म्हणाले, “मी सर्वांना संपूर्णपणे एकात्मिक, आधुनिक आणि भविष्यातील आत्मनिर्भर तत्पर दल होण्यासाठी आपल्या प्रयत्नात उत्कृष्टतेसाठी प्रयत्न करणे सुरू ठेवण्याचे आवाहन करतो.” या तीन जेएलएनचे यशस्वी कामकाज देशाच्या विविध भागात अधिक जेएलएन उघडण्यासाठी महत्त्वाचे पाऊल आहे.

जेएलएन सैन्यदला दरम्यान संयुक्त आंतर-कार्यक्षमता वाढवेल आणि सशस्त्र सैन्याच्या लॉजिस्टिक्स प्रक्रियेत सुधारणा करण्यासाठी बरेच काम करेल.

 

 

M.Chopade/V.Joshi/P.Malandkar

 

 

 

 

 

 

 

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1709070) Visitor Counter : 303