ਇਸ ਮੰਤਰਾਲੇ ਨੇ 1 ਦਸੰਬਰ 2020 ਨੂੰ ਫਿੱਟ ਇੰਡੀਆ ਥੀਮੈਟਿਕ ਅਭਿਯਾਨ “ਫਿੱਟਨੇਸ ਕੀ ਡੋਜ਼ – ਆਧਾ ਘੰਟਾ ਰੋਜ਼” ਦੀ ਸ਼ੁਰੂਆਤ ਕੀਤੀ ਹੈ। ਭਾਰਤ ਨੂੰ ਇੱਕ ਫਿੱਟ ਅਤੇ ਸਿਹਤਮੰਦ ਦੇਸ਼ ਬਣਾਉਣ ਦੇ ਉਦੇਸ਼ ਨਾਲ,ਇਸ ਅਭਿਯਾਨ ਦਾ ਉਦੇਸ਼ ਨਾਗਰਿਕਾਂ ਨੂੰ ਆਪਣੀ ਰੋਜ਼ਮਰ੍ਹਾ ਦੀ ਜ਼ਿੰਦਗੀ ਵਿੱਚ ਘੱਟੋ-ਘੱਟ 30 ਮਿੰਟ ਦੀ ਸਰੀਰਕ ਗਤੀਵਿਧੀਆਂ ਨੂੰ ਸ਼ਾਮਲ ਕਰਨ ਲਈ ਉਤਸ਼ਾਹਤ ਕਰਨਾ ਹੈ|

ਫਿੱਟ ਇੰਡੀਆ ਲਹਿਰ ਦੀ ਪਹਿਲੀ ਵਰ੍ਹੇਗੰਢ 24 ਸਤੰਬਰ 2020 ਨੂੰ ਇੱਕ ਵਰਚੁਅਲ ਪ੍ਰੋਗਰਾਮ ਦੁਆਰਾ ਮਨਾਈ ਗਈ, ਜਿਸਦਾ ਨਾਮ ਸੀ ਫਿੱਟ ਇੰਡੀਆ ਡਾਇਲਾਗ, ਜਿਸ ਵਿੱਚ ਭਾਰਤ ਦੇ ਪ੍ਰਧਾਨਮੰਤਰੀ ਨੇ ਦੇਸ਼ ਦੇ ਵੱਖ-ਵੱਖ ਖੇਤਰਾਂ ਦੇ ਸੱਤ (07) ਤੰਦਰੁਸਤੀ ਪ੍ਰਭਾਵਕਾਂ ਨਾਲ ਗੱਲਬਾਤ ਕਰਦਿਆਂ ਜ਼ਿੰਦਗੀ ਵਿੱਚ ਤੰਦਰੁਸਤੀ ਅਤੇ ਸਿਹਤ ਦੀ ਮਹੱਤਤਾ ਉੱਤੇ ਜ਼ੋਰ ਦਿੱਤਾ। ਪੈਨਲ ਉੱਤੇ ਤੰਦਰੁਸਤੀ ਦੇ ਪ੍ਰਭਾਵ ਦੇਣ ਵਾਲੀਆਂ ਮਸ਼ਹੂਰ ਹਸਤੀਆਂ ਵਿੱਚ ਸ਼੍ਰੀਵਿਰਾਟ ਕੋਹਲੀ,ਸ਼੍ਰੀਮਿਲਿੰਦ ਸੋਮਾਨ, ਸ਼੍ਰੀਮਤੀ ਰੁਜੂਤਾ ਦਿਵੇਕਰ, ਸ਼੍ਰੀ ਦੇਵੇਂਦਰ ਝਾਝਰੀਆ, ਸਵਾਮੀ ਸ਼ਵਾਧਿਯਾਨਮ ਸਰਸਵਤੀ, ਸ਼੍ਰੀਮਤੀ ਅਫਸ਼ਾਨ ਆਸ਼ਿਕ ਅਤੇ ਸ਼੍ਰੀ ਮੁਕੁਲ ਕਾਨਿਤਕਰ ਸ਼ਾਮਲ ਸਨ|

ਸਾਲ 2019 ਵਿੱਚ ਫਿੱਟ ਇੰਡੀਆ ਲਹਿਰ ਦੀ ਸ਼ੁਰੂਆਤ ਤੋਂ ਬਾਅਦ, ਇਸ ਮੰਤਰਾਲੇ ਦੁਆਰਾ ਫਿੱਟ ਇੰਡੀਆ ਪਲੱਗ ਰਨ, ਫਿੱਟ ਇੰਡੀਆ ਸਕੂਲ, ਫਿੱਟ ਇੰਡੀਆ ਸਾਈਕਲੋਥੌਨ, ਫਿੱਟ ਇੰਡੀਆ ਵਾਕਥੌਨ, ਫਿੱਟ ਇੰਡੀਆ ਫਰੀਡਮ ਰਨ ਵਰਗੀਆਂ ਵੱਖ-ਵੱਖ ਸਫ਼ਲ ਪਹਿਲਕਦਮੀਆਂ ਅਤੇ ਗਤੀਵਿਧੀਆਂ ਚਲਾਈਆਂ ਗਈਆਂ ਹਨ। ਇਨ੍ਹਾਂ ਦਾ ਉਦੇਸ਼ ਹਰ ਉਮਰ ਸਮੂਹਾਂ ਅਤੇ ਜੀਵਨ ਦੇ ਵੱਖ-ਵੱਖ ਖੇਤਰਾਂ ਦੇ ਲੋਕਾਂ ਨੂੰ ਉਨ੍ਹਾਂ ਦੇ ਰੋਜ਼ਾਨਾ ਜੀਵਨ ਵਿੱਚ ਸਰੀਰਕ ਗਤੀਵਿਧੀਆਂ ਨੂੰ ਸ਼ਾਮਲ ਕਰਨ ਲਈ ਪ੍ਰੇਰਿਤ ਕਰਨਾ ਸੀ| ਇਨ੍ਹਾਂ ਸਮਾਗਮਾਂ ਨੂੰ ਜ਼ਬਰਦਸਤ ਹੁੰਗਾਰਾ ਮਿਲਿਆ ਹੈ ਅਤੇ ਫਿੱਟ ਇੰਡੀਆ ਲਹਿਰ ਹੁਣ ਦੇਸ਼ ਵਿੱਚ ਇੱਕ ਬਹੁਤ ਮਸ਼ਹੂਰ ਪ੍ਰੋਗਰਾਮ ਬਣ ਗਿਆ ਹੈ|

ਫਿੱਟ ਇੰਡੀਆ ਲਹਿਰ ਇੱਕ ਦੇਸ਼ ਵਿਆਪੀ ਮਿਸ਼ਨ ਹੈ| ਇਸ ਮੰਤਰਾਲੇ ਨੇ ਭਾਰਤ ਦੇ ਮਾਣਯੋਗ ਪ੍ਰਧਾਨਮੰਤਰੀ ਦੁਆਰਾ ਕਲਪਿਤ ਰੋਡਮੈਪ ਨੂੰ ਸਫ਼ਲਤਾਪੂਰਵਕ ਲਾਗੂ ਕੀਤਾ ਹੈ ਜਿੱਥੇ ਤੰਦਰੁਸਤੀ ਦੇ ਉਦੇਸ਼ ਨੂੰ ਇੱਕ ਲੋਕਾਂ ਦੀ ਲਹਿਰ ਵਿੱਚ ਬਦਲਿਆ ਗਿਆ ਹੈ, ਜਿੱਥੇ ਸਾਰੇ ਰਾਜਾਂ/ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਦੇ ਲੋਕਾਂ ਨੇ ਫਿੱਟ ਇੰਡੀਆ ਲਹਿਰ ਪ੍ਰਤੀ ਭਾਵੁਕ ਤੀਬਰਤਾ ਦਿਖਾਈ ਹੈ|

ਫਿੱਟ ਇੰਡੀਆ ਲਹਿਰ ਸਿਹਤਮੰਦ ਅਤੇ ਫਿੱਟ ਭਾਰਤ ਵੱਲ ਯਾਤਰਾ ਹੈ| ਇਹ ਮੰਤਰਾਲਾ ਨਿਰੰਤਰ ਇਸ ਉਦੇਸ਼ ਨਾਲ ਕੰਮ ਕਰ ਰਿਹਾ ਹੈ ਕਿ ਇਸ ਦੇਸ਼ ਦੇ ਨਾਗਰਿਕਾਂ ਦੀ ਜੀਵਨ ਸ਼ੈਲੀ ਵਿੱਚ ਛੋਟੇ ਬਦਲਾਅ ਕਰਕੇ ਉਨ੍ਹਾਂ ਦੀ ਸਿਹਤ ਅਤੇ ਤੰਦਰੁਸਤੀ ਨੂੰ ਸਰਵਉੱਚ ਤਰਜੀਹ ਵਜੋਂ ਲੈਣ ਲਈ ਉਤਸ਼ਾਹਤ ਕੀਤਾ ਜਾ ਸਕੇ| ਇਸ ਮੰਤਰਾਲੇ ਨੇ ਸਰੀਰਕ ਤੰਦਰੁਸਤੀ ਦੇ ਇਸ ਸੱਭਿਆਚਾਰ ਨੂੰ ਉਤਸ਼ਾਹਤ ਕਰਨ ਲਈ ਕਈ ਪ੍ਰੋਗਰਾਮਾਂ/ ਪਹਿਲਕਦਮੀਆਂ ਦੀ ਸ਼ੁਰੂਆਤ ਕੀਤੀ ਹੈ|ਇਸ ਤੋਂ ਇਲਾਵਾ, ਹੋਰ ਮੰਤਰਾਲਿਆਂ ਅਤੇ ਸਰਕਾਰੀ ਵਿਭਾਗਾਂ ਦੇ ਪ੍ਰੋਗਰਾਮਾਂ ਦੇ ਨਾਲ ਤਾਲਮੇਲ ਕਰਕੇ ਇਹ ਮੰਤਰਾਲਾ ਫਿੱਟ ਇੰਡੀਆ ਲਹਿਰ ਦਾ ਵਰਚੁਅਲ ਮੀਡੀਆ ਅਤੇ ਭੌਤਿਕ ਤੌਰ ’ਤੇ ਲੋਕਾਂ ਨੂੰ ਪ੍ਰਭਾਵਿਤ ਕਰਨ ਲਈ ਜਨਤਕ ਸਮਾਗਮਾਂ ਦਾ ਆਯੋਜਨ ਕਰ ਰਿਹਾ ਹੈ|

‘ਸਿਹਤ’ ਇੱਕ ਰਾਜ ਦਾ ਵਿਸ਼ਾ ਹੋਣ ਦੇ ਨਾਲ, ਦੇਸ਼ ਵਿੱਚ ਵਧ ਰਹੀ ਜੀਵਨ ਸ਼ੈਲੀ ਦੀਆਂ ਬਿਮਾਰੀਆਂ ਦੀ ਜਾਂਚ ਕਰਨ ਦੀ ਜ਼ਿੰਮੇਵਾਰੀ ਰਾਜ/ ਕੇਂਦਰ ਸ਼ਾਸਤ ਪ੍ਰਦੇਸ਼ ਦੀਆਂ ਸਰਕਾਰਾਂ ਦੀ ਹੈ। ਹਾਲਾਂਕਿ, ਇਸ ਮੰਤਰਾਲੇ ਨੇ ਸਰਗਰਮੀ ਨਾਲ ਸਰੀਰਕ ਤੌਰ ’ਤੇ ਤੰਦਰੁਸਤ ਰਹਿਣ ਬਾਰੇ ਜਾਗਰੂਕਤਾ ਫੈਲਾਉਣੀ ਸ਼ੁਰੂ ਕੀਤੀ ਹੈ| ਇਸ ਟੀਚੇ ਨੂੰ ਪਾਉਣ ਲਈ, ਇਸ ਮੰਤਰਾਲੇ ਦੁਆਰਾ ਉਮਰ ਦੇ ਅਨੁਕੂਲ ਤੰਦਰੁਸਤੀ ਪ੍ਰੋਟੋਕੋਲ ਸਿਹਤ ਮਾਹਿਰਾਂ ਦੇ ਸਹਿਯੋਗ ਨਾਲ ਵਿਕਸਿਤ ਕੀਤੇ ਗਏ ਹਨ ਅਤੇ ਇਸ ਦੇਸ਼ ਦੇ ਨਾਗਰਿਕਾਂ ਨੂੰ ਉਨ੍ਹਾਂ ਦੀ ਜੀਵਨ ਸ਼ੈਲੀ ਵਿੱਚ ਤਬਦੀਲੀ ਕਰਨ ਅਤੇ ਸਰੀਰਕ ਤੰਦਰੁਸਤੀ ਨੂੰ ਰੋਜ਼ਾਨਾ ਜ਼ਿੰਦਗੀ ਦਾ ਇੱਕ ਅਨਿੱਖੜਵਾਂ ਅੰਗ ਬਣਾਉਣ ਲਈ ਉਤਸ਼ਾਹਸ਼ੀਲ ਯਤਨ ਕੀਤੇ ਜਾ ਰਹੇ ਹਨ|

ਇਹ ਜਾਣਕਾਰੀ ਯੁਵਾ ਮਾਮਲਿਆਂ ਅਤੇ ਖੇਡ ਰਾਜ ਮੰਤਰੀ ਸ਼੍ਰੀ ਕਿਰੇਨ ਰਿਜੀਜੂ ਨੇ ਅੱਜ ਲੋਕ ਸਭਾ ਵਿੱਚ ਇੱਕ ਲਿਖਤੀ ਜਵਾਬ ਵਿੱਚ ਦਿੱਤੀ।

*****

ਐੱਨਬੀ/ ਓਏ

(Release ID: 1707627) Visitor Counter : 139