ਰੱਖਿਆ ਮੰਤਰਾਲੇ ਦੇ ਰੱਖਿਆ ਉਤਪਾਦਨ ਵਿਭਾਗ ਵਲੋਂ ‘ਰੱਖਿਆ ਉਤਪਾਦਨ ਅਤੇ ਨਿਰਯਾਤ ਪ੍ਰੋਤਸਾਹਨ ਨੀਤੀ' (ਡਿਫੈਂਸ ਪ੍ਰੋਡਕਸ਼ਨ ਐਂਡ ਐਕਸਪੋਰਟ ਪ੍ਰੋਮੋਸ਼ਨ ਪਾਲਿਸੀ) 2020 ਦਾ ਖਰੜਾ ਜਨਤਕ ਡੋਮੇਨ ਵਿੱਚ ਰੱਖਿਆ ਗਿਆ ਸੀ। ਇਹ ਖਰੜਾ ਨੀਤੀ ਆਤਮਨਿਰਭਰਤਾ ਅਤੇ ਨਿਰਯਾਤ ਲਈ ਦੇਸ਼ ਦੀ ਰੱਖਿਆ ਉਤਪਾਦਨ ਸਮਰੱਥਾ ਨੂੰ ਕੇਂਦ੍ਰਿਤ, ਢਾਂਚਾਗਤ ਅਤੇ ਜ਼ੋਰ ਦੇਣ ਲਈ ਰੱਖਿਆ ਮੰਤਰਾਲੇ ਦੇ ਸਰਬੋਤਮ ਨਿਰਦੇਸ਼ਕ ਦਸਤਾਵੇਜ਼ ਦੇ ਰੂਪ ਵਿੱਚ ਸਥਾਪਤ ਕੀਤੀ ਗਈ ਹੈ। ਜਨਤਕ ਅਤੇ ਪ੍ਰਾਈਵੇਟ ਸੈਕਟਰ ਦੀ ਸਰਗਰਮ ਭਾਗੀਦਾਰੀ ਨਾਲ, ਡਿਜ਼ਾਇਨ ਤੋਂ ਲੈ ਕੇ ਉਤਪਾਦਨ ਤੱਕ ਦੇ ਰੱਖਿਆ ਖੇਤਰ ਵਿੱਚ ਭਾਰਤ ਨੂੰ ਵਿਸ਼ਵ ਦੇ ਚੋਟੀ ਦੇ ਦੇਸ਼ਾਂ ਵਿੱਚ ਸ਼ਾਮਲ ਕਰਨ ਦੀ ਕਲਪਨਾ ਕੀਤੀ ਗਈ ਹੈ। ਇਸ ਨੀਤੀ ਦਾ ਉਦੇਸ਼ ਅੰਤਰ-ਰਾਸ਼ਟਰੀ ਪੱਧਰ 'ਤੇ ਇੱਕ ਅਜਿਹਾ ਮਾਹੌਲ ਪੈਦਾ ਕਰਨਾ ਹੈ, ਜੋ ਆਰ ਐਂਡ ਡੀ ਨੂੰ ਉਤਸ਼ਾਹਤ ਕਰੇ, ਨਵੀਨਤਾ ਨੂੰ ਉਤਸ਼ਾਹਿਤ ਕਰੇ, ਭਾਰਤੀ ਬੌਧਿਕਤਾ (ਆਈਪੀ) ਦਾ ਨਿਰਮਾਣ ਕਰੇ ਅਤੇ ਇੱਕ ਮਜ਼ਬੂਤ ਅਤੇ ਸਵੈ-ਨਿਰਭਰ ਰੱਖਿਆ ਉਦਯੋਗ ਨੂੰ ਉਤਸ਼ਾਹਤ ਕਰੇ।

ਨਵੀਂ ਰੱਖਿਆ ਪ੍ਰਾਪਤੀ ਪ੍ਰਕਿਰਿਆ (ਡੀਏਪੀ) -2020 ਸਤੰਬਰ 30, 2020 ਨੂੰ ਜਾਰੀ ਕੀਤੀ ਗਈ। ਡੀਏਪੀ -2020 ਵਿਆਪਕ ਵਿਸ਼ਲੇਸ਼ਣ, ਵਿਚਾਰ ਵਟਾਂਦਰੇ ਅਤੇ ਕੇਂਦ੍ਰਤ ਵਿਚਾਰਾਂ ਦਾ ਸਿੱਟਾ ਹੈ। ਇਸਦਾ ਉਦੇਸ਼ ਸਵਦੇਸ਼ੀਕਰਨ ਨੂੰ ਉਤਸ਼ਾਹਤ ਕਰਕੇ ਰੱਖਿਆ ਸੈਕਟਰ ਵਿੱਚ ਦੇਸ਼ ਦੀ 'ਸਵੈ-ਨਿਰਭਰਤਾ' ਨੂੰ ਅੱਗੇ ਵਧਾਉਣਾ ਅਤੇ ਸਰਲਤਾ, ਡੈਲੀਗੇਸ਼ਨ, ਸਮਾਂਬੱਧਤਾ ਵਿੱਚ ਕਮੀ 'ਤੇ ਜ਼ੋਰ ਦੇ ਕੇ ' ਕਾਰੋਬਾਰ ਵਿੱਚ ਸੁਖਾਲਾਪਣ 'ਲਿਆਉਣਾ ਅਤੇ ਇਸ ਪ੍ਰਕਿਰਿਆ ਨੂੰ ਉਦਯੋਗ ਦੇ ਅਨੁਕੂਲ ਬਣਾਉਣਾ ਹੈ।

ਇਹ ਜਾਣਕਾਰੀ ਰਕਸ਼ਾ ਰਾਜ ਮੰਤਰੀ ਸ਼੍ਰੀ ਸ਼੍ਰੀਪਦ ਨਾਇਕ ਦੁਆਰਾ ਰਾਜ ਸਭਾ ਵਿੱਚ ਡਾ: ਬਾਂਦਾ ਪ੍ਰਕਾਸ਼ ਦੁਆਰਾ ਪੁੱਛੇ ਗਏ ਇੱਕ ਪ੍ਰਸ਼ਨ ਦੇ ਲਿਖਤੀ ਜਵਾਬ ਵਿੱਚ ਦਿਤੀ ਗਈ।

*****

ਨੰਪੀ / ਡੀਕੇ / ਸੈਵੀ / ਏਡੀਏ

(Release ID: 1706664) Visitor Counter : 176