ঙসি শগোলশেল নুমিৎতা পার্লিয়ামেন্তদা পুথোরক্লিবা “ভেহিকল স্ক্রেপ্পিং পোলিসী” অসিগী মতাংদা সু মোতো স্তেতমেন্ত অমা রোদ ত্রান্সপোর্ত অমসুং হাইৱেজকী মন্ত্রী শ্রী নিতিন গদকরিনা ফোংদোকখ্রে৷ মহাক্না ফোংদোকখিবা ৱারোল অদু মখাদা পীরি---

ভারততা চহী ২০ হেল্লবা লাইত মোতোর ভেহিকল লাখ ৫১ অমসুং চহী ১৫ হেল্লবা লাইত মোতোর ভেহিকল লাখ ৩৪ লৈ৷ বেলিদ ফিতনেৎ সর্তিফিকেৎ য়াওদবা চহী ১৫ হেল্লবা মেদিয়ম অমসুং হেভী কম্মর্সিয়েল ভেহিকল লাখ ১৭রোমগী চাং লৈ৷ মতম কুইরবা অরিবা গারিশিং অসিনা অনৌবা ফিত ওইরবা গারিশিং অসিনা অকোইবগী ফিভম শোকহনবা অসিদগী শরুক ১০দগী ১২ ফাওবা য়ৌনা হেল্লি অমসুং রোদ সেফতীদা অচৌবা খুদোংচাদবা নংহল্লি৷

অকোইবগী ফিভম অসি নিংথীনা তেক্ত কাইদনা থম্নবা অমসুং গারি থৌরিবা অমসুং খোঙনা চৎলিবা মীওইশিং অসিদা হেন্না সেফতী ওইহন্নবা, মতিক চাদ্রবা অমসুং অকোইবগী ফিভম অসিবু শোকহল্লিবা গারিশিং অসি ফেস নাইবা মওং অমদা লৌথোক্তুনা অফবা ইকোসিস্তেম অমা শেমগৎনবগী পান্দমদা রোদ ত্রান্সপোর্ত অমসুং হাইৱেজকী মন্ত্রালয় অসিনা ভোলুন্তরী ভেহিকল-ফ্লীত মোদর্নাইজেসন নত্রগা “ভেহিকল স্ক্রেপ্পিং পোলিসী” পুথোরক্লি৷

অরিবা অমসুং দিফেক্তিব ওইরবা মতমগা চান্নদ্রবা গারিশিং অসিগী মশিং অসি হন্থহনবা, ভারতনা অকোইবগী ফিভম অসি কাইহন্দনা থম্নবা হোৎনরিবা অসিদা মতেং পাংবা ঙম্নবা ভেহিকুলর এয়র পোলুতেন্তশিং হন্থহনবা, রোদ অমসুং ভেহিকুলর সেফতী হেনগৎহনবা, হেন্না ফবা ফ্যুল ইফিসিয়েন্সী লৈহনবা, হৌজিক হৌজিক লৈরিবা ইনফোর্মেল ভেহিকল স্ক্রেপ্পিং ইন্দস্ত্রী অসি ফোর্মেলাইজ তৌবা অমসুং ওতোমোতিব, স্তিল অমসুং ইলেক্ত্রোনিক্স ইন্দস্ত্রী অসিদা দরকার ওইরিবা লো-কোস্ত মেতরিয়েলশিং ফংহনবা অসিনা পোলিসী অসিগী ওবজেক্তিবশিং ওই৷

ইকোসিস্তেম অসিদা লুপা কোতি ১০,০০০গী চাংদা ওইবা অহেনবা শেনফম থাদরবা য়াই অমসুং মীওই ৩৫,০০০ থবক্কী খুদোংচাবশিং ফংহল্লবা য়াই৷ লাক্কদৌরিবা চয়োল খরা অসিদা মন্ত্রালয় অসিনা দ্রাফত নোতিফিকেসনশিং ফোংলগনি অমসুং হায়রিবা নোতিফিকেসন অদু শরুক য়ারিবা স্তেকহোল্দর পুম্নমক অদুগী ৱাখল্লোনশিং অমসুং কম্মেন্তশিং অদু লৌশিন্নবা নুমিৎ ৩০নিগী ওইনা পব্লিক দোমেনদা থম্লগনি৷

প্রাইভেৎ ভাহিকেলশিংগী ওইনা অমুক হন্না রেজিস্ত্রেসন রিনিয়ু তৌবা য়াদবা অমসুং কম্মর্সিয়েল ভেহিকলশিং অসিনা ওতোমোতেদ ফিতনেৎ সেন্তরশিং অসি শিজিন্নদুনা গারিশিং অসিগী ফিতনেৎ চাংয়েং তৌরিবা অসিগী মখাপোন্না গারি অদু অমুক হন্না শিজিন্নবা য়াদনবা মাংহনগনি৷ মালেম অসিগী তোঙান তোঙানবা লৈবাকশিং খুদম ওইনা জর্মনী, য়ু.কে., য়ু.এস.এ. অমসুং জপান লৈবাকশিং অসিদা লৈরিবা স্তেন্দর্দশিং অসি য়াম্না কুপথনা নৈনরবা মতুংদা মসিগী ক্রাইতরিয়া অসি মালেম অসিগী খ্বাইদগী ফরবা প্রেক্তিসশিং অসিগী শেমখিবনি৷ ফিতনেৎ তেস্ত অসি লানবা ঙমদবা গারি নত্রগা মহাক্কী রেজিস্ত্রেসন সর্তিফিকেৎ অমুক হন্না রিনিয়ু তৌবা ঙংদবা গারিশিং অদু গারি অদুগী মপুন্সি লোইরে অমুক হন্না শিজিন্নবা য়াররোই হায়না লাওথোক্কনি৷ ইমিসন তেস্তশিং, ব্রেক্কিং, ১৯৮৯গী সেন্ত্রেল মোতোর ভেহিকল রুলশিং অসিগী মতুং ইন্না অতোপ্পা তেস্তশিংগী মনুংদা সেফতী ইক্যুইপমেন্ত তেস্তশিং  তৌবা অসিনা গারিশিংগী ফিতনেৎকী ফিভম লেপকদৌরিবা ক্রাইতরিয়াশিংনি৷

কম্মর্সিয়েল গারিশিং অসি চহী ১৫গী মতুংদা ফিতনেৎ সর্তিফিকেৎ লৌবা ঙমদ্রবদি গারিশিং অদুগী রেজিস্ত্রেসন কক্কদবনি হায়না পুথোরক্লি৷ দিসইন্সেন্তিব মিজর অমা ওইনা কম্মর্সিয়েল ভেহিকল অদুনা রেজিস্ত্রেসন তৌখিবা নুমিৎ অদুদগী থাদুনা গারি অদুনা চহী ১৫ মপুং ফারকপা মতমদা তৌগদবা ফিতনেৎ তেস্ত অমসুং ফিনেৎ সর্তিফিকেৎ অদুগী ফীশিং হেনগৎলগনি৷

প্রাইভেৎ ভেহিকলশিং অসিনা চহী ২০ শিজিন্নরবা মতুংদা গারি অদু করিগুম্বা ফিৎ ওইদ্রবা নত্রগা রেজিস্ত্রেসন সর্তিফিকেৎ নৌনা লৌবা ঙমদ্রবদি গারি অদুগী রেজিস্ত্রেসন কক্কদবনি হায়না পুথোরক্লি৷ দিসইন্সেন্তিব মিজর অমা ওইনা, প্রাইভেৎ ভেহিকলশিং অদুনা রেজিস্ত্রেসন তৌখিবা নুমিৎ অদুদগী থাদুনা গারি অদুনা চহী ১৫ মপুং ফারকপা মতমদা অমুক হন্না রেজিস্ত্রেসন তৌবা মতমদা লৌগদবা ফী অদু হেনগৎলগনি৷

কেন্দ্র সরকার, রাজ্য সরকার, মুনিসিপাল কোর্পোরেসন, পঞ্চয়তশিং, স্তেত ত্রান্সপোর্ত আন্দরতেক্কিংশিং, পব্লিক সেক্তর আন্দরতেক্কিংশিং অমসুং কেন্দ্রগী অমসুং রাজ্য সরকারশিংগী ওতোনোমস বোদীশিং অসিনা শিজিন্নরিবা গারি পুম্নমক গারি অদুনা রেজিস্ত্রেসন তৌখিবা নুমিৎ অদুদগী হৌদুনা গারি অদুনা চহী ১৫ মপুং ফারকপা মতমদা গারিশিং অদু রেজিস্ত্রেসন ককপা য়াই হায়না পুথোরক্লি৷

স্কিম অসিনা রেজিস্তর স্ক্রেপ্পিং সেন্তরশিং অসিগী খুৎথাংদা মাংহনগদৌরিবা অরিবা অমসুং মতমগা চান্নদ্রবা গারিশিং অদুগী মপুশিং অদুদা স্ক্রেপ্পিং সর্তিফিকেৎ অমগা লোইননা গারি মপুশিং অদুদা অফবা ইন্সেন্তিবশিং ফংহল্লগনি৷ হায়রিবা ইন্সেন্তিবশিং অসিগী মনুং চল্লিবা খরা অদুদি:

(১) স্ক্রেপ্পিং সেন্তরশিং অসিনা অরিবা গারিশিং অসিগীদমক পীগদৌরিবা স্ক্রাপ ভেল্যু নৌনা লৈগদৌরিবা গারি অদুগী এক্স-সোরুম মমলগী ৪-৬%গী চাং ওইরগনি৷

(২) পর্সোনেল ভেহিকলশিংগী ওইনা ২৫% য়ৌনা অমসুং কম্মর্সিয়েল ভেহিকলশিংগী ওইনা ১৫% য়ৌনা রোদ-তেক্স রিবেৎ অমা পীনবা রাজ্য সরকারশিং অসিদা খঙহল্লবা য়াই৷

(৩) স্ক্রেপ্পিং সর্তিফিকেৎ য়াওবা মীওইশিং অসিনা অনৌবা গারি অমা লৈবা মতমদা গারি শারিবশিং অদুনা ৫%গী দিসকাউন্ত অমা মীওইশিং অদুদা পীনবা খঙহনখ্রে৷

(৪) অসিগীসু মথক্তা, স্ক্রেপ্পিং সর্তিফিকেৎ অসি শিজিন্নদুনা অনৌবা গারি লৈবা মতমদা চংলিবা রেজিস্ত্রেসন ফী অদুসু লৌরক্তবা য়াই৷

রোদ ত্রান্সপোর্ত অমসুং হাইৱেজ মন্ত্রালয় অসিনা ভারত অসি শিনবা থুংনা রেজিস্তর ভেহিকল স্ক্রেপ্পিং ফেসিলিতী(আর.ভি.এস.এফ.) শেমগৎপদা মতুং পাংলগনি অমসুং অসিগুম্বা সেন্তরশিং অসি হাংদোক্নবগীদমক পব্লিক অমসুং প্রাইভেৎ পার্তিসিপেসন তৌবদা হেন্না পুক্নিং থৌগৎলগনি৷ ভারত অসি শিনবা থুংনা ইন্তিগ্রেতেদ স্ক্রেপ্পিং ফেসিলিতীশিং শেমগৎনবা য়াম্না কন্না হোৎনরি৷ খন্দোক্লবা মফমশিং অসিগী মনুং চল্লিবশিং অদুদি- তোঙানবা তোঙানবা স্ক্রেপ্পিং তেক্নোলোজীশিং শিজিন্নদুনা স্ক্রেপ্পিংগীদমক লৈবাক অসিদা শেমগৎপা য়াবগী পোতেন্সিয়েল ৱাংনা লৈরিবা সেন্তরশিং অসিগী মনুংদা গুজরাতকী অলঙ্গদা হাইলি স্পিসিয়েলাইজ সেন্তর অমা শেমগৎনবা প্লান তৌরি৷

সিঙ্গল ৱিন্দোগী শিজিন্নদুনা অচমবা রেজিস্ত্রেসন প্রোসেস অমা তৌদুনা স্ক্রেপ্পিং পেসিলিতী অসিনা অকোইবগী ফিভম কাইহন্দবা অমসুং পোলুসন থোকহন্দনবা নোর্মশিং ইল্লগনি৷ স্ক্রেপ্পিং ফেসিলিতী অসিদা পার্কিং ফেসিলিতী মতিক চানা লৈহনগদবনি, ইশিং, নুংশিৎ অমসুং খোঞ্জেলগী পোলুসন থোকহন্দনবা হোৎনগদবনি অমসুং হকচাং থোকনিংঙাই ওইরবা ৱেস্ত অসি নিংথীনা মেনেজ তৌনবা অমসুং দিসপোস তৌনবা মতিক চাবা ফেসিলিতীশিং থমগদবনি৷

অসিগিম্না, রাজ্য সরকার, প্রাইভেৎ সেক্তর, ওতোমোবাইল কম্পেনীশিং অসিনা পি.পি.পি. মোদেল অমদা ওতোমোতেদ ফিতনেৎ সেন্তরশিং শেমগৎনবা হোৎনরিবা অসিদা মন্ত্রালয় অসিনা মতেং পাংলগনি৷

মসিগী সেন্তরশিং অসিদা তেস্ত-লেনগী মফম, আই.তি. সর্বরশিং, পার্কিং অমসুং গারিশিং অসি কোম্না চত্থোক-চশিন য়ানবা মফম মতিক চানা লৈরবা থম্লবা য়াই৷ লাক্কদৌরিবা মীওইশিং অসিগী কনফ্লিক অসি থোক্তনবা, ফিতনেৎ সেন্তরশিং অসিগী ওপরেতরশিং অসিনা তেস্তিং ফেসিলিতী খক্তমক থমদুনা স্পেয়র সর্ভিসশিং য়োনব/শেম্বা তৌরোই৷ ফিতনেৎ সেন্তরশিং অসিগী এপোইন্তমেন্ত অসি ওনলাইনগী খুৎথাংদা বূক তৌরবা য়াই অমসুং গারিশিং অদুগী তেস্ত রিপোর্তশিং অদুসু ইলেক্ত্রনিক মোদতা পীরগনি৷

প্রপোস স্ক্রেপ্পিং পোলিসীগী এপ্লিকেসনগীদমক লৈরিবা তেন্তেতিব তাইমলাইন অদু মখাদা পীরি:

১. ফিতনেৎ তেস্তশিং অমসুং স্ক্রেপ্পিং সেন্তরশিংগীদমক লৈরিবা রুলশিং: ২০২১গী ওক্তোবর ০১

২. চহী ১৫ হেন্না শিজিন্নরবা সরকার অমসুং পি.এস.য়ু.গী গারিশিং স্ক্রেপ্পিং তৌবা : ২০২২গী এপ্রীল ০১

৩. হেভী কম্মর্সিয়েল ভেহিকলশিংগী তঙাই ফদবা ফিতনেৎ তেস্তিং তৌবা: ২০২৩গী এপ্রীল ০১

৪. তঙাই ফদবা ফিতনেৎ তেস্তিং (অতোপ্পা কেতিগোরীশিংগীদমক ফেস নাইবা মওং অমদা) তৌবা : ২০২৪গী জুন ০১

                                                                                        *****

(Release ID: 1705927) Visitor Counter : 141