نئی دہلی،  16 /مارچ 2021 ۔ نوجوانوں کے امور اور کھیل کود کے مرکزی وزیر مملکت جناب کرن رجیجیو نے انٹر پارلیمنٹری یونین (آئی پی یو) جنیوا کے صدر جناب دوآرٹے پچیکو سے آج نئی دہلی میں ملاقات کی اور بین الاقوامی پارلیمنٹرینس بالخصوص نوجوانوں اور کھیل کود کے شعبہ میں باہمی تعاون کے سلسلے میں تبادلہ کیا۔

اپنی میٹنگ کے بارے میں بتاتے ہوئے جناب رجیجیو نے کہا کہ ہم نے بھارت کے فٹ انڈیا موومنٹ، یوگا اور کووڈ-19 کے باوجود ایک کنٹرول طریقے پر کیسے ہم کھیل کود سے متعلق مخصوص سرگرمیوں کا آغاز کرنے میں کامیاب رہے، اس بارے میں بات چیت کی۔

جناب رجیجیو نے مزید کہا کہ میں نے آئی پی یو چیئرمین سے یہ درخواست بھی کی تھی کہ وہ ایک ورلڈ یوتھ پارلیمنٹرین میٹنگ کا انعقاد کریں جس میں نسبتاً کم عمر پارلیمنٹرین ایک ساتھ آسکیں اور مختلف ملکوں کے یوتھ ایکسچینج کے دوران فٹنس سے متعلق کچھ سرگرمیوں کو فروغ دے سکیں۔ جناب پچیکو اس خیال کے تئیں انتہائی پرجوش تھے۔

کھیل کود کے سکریٹری جناب روی متل اور نوجوانوں کے امور کی سکریٹری محترمہ اوشا شرما بھی میٹنگ کے دوران موجود تھیں۔

 

******

ش ح۔ م م۔ م ر

U-NO. 2615

 

(Release ID: 1705267) Visitor Counter : 92