نئی دہلی،9؍مار چ  :  وزارت مواصلات  محکمہ کے سکریٹری  اور  ڈیجیٹل  کمیونی کیشن کمیشن کے صدر  جناب  انشو پرکاش نے  آج  ویڈیو کانفرنس کے ذریعے  سرکاری افسران کے لئے 5- جی  ٹیکنالوجی پر  ایک آن لائن سرٹیفکٹ  کورس کا  افتتاح کیا۔ افتتاحی  سیشن کو  ڈیجیٹل کمیونی کیشن کمیشن کے ممبر (خدمات ) جناب بھرت کمار  جوگ اور  سینئر ڈپٹی ڈائریکٹر جنرل  اور  این ٹی آئی پی آر ای ٹی کے سربراہ  جناب یوکے سریواستو و  دوسرے  اعلیٰ سرکاری افسران  نے بھی  خطاب کیا۔

نیشنل ٹیلی کام انسٹی ٹیوٹ  فار پالیسی  ریسرچ ،  انوویشن اینڈ ٹریننگ  (این ٹی آئی پی آر  آئی ٹی) یعنی  پالیسی  ،تحقیقات  ، اختراعات  اور تربیت کے لئے  قومی مواصلاتی  مرکز ، مواصلاتی محکمہ کا  اہم  تربیتی ادارہ ہے۔ یہ ادارہ  حکومت ہند کے  افسران کو  تربیت اور  تصدیق کرنے کے لئے اپنی طرح کا  پہلا  36  گھنٹے  (12 ہفتہ) آن لائن  5- جی  تصدیق  شدہ کورس منعقد کر رہا ہے۔5- جی پر  36  گھنٹے کا یہ  سرٹیفکٹ کورس  مواصلات محکمے کے  افسران کو مہیا کرانے کے لئے  شروع کیا گیا ہے۔ اس کا  پہلا بیچ  9 مارچ  2021  سے شروع ہوگا۔ بعد میں  دوسرے اسٹیک ہولڈرس کے لئے بھی  اسی طرح کا کورس شروع کیا جائے گا۔ غیر رسمی  طور سے 5- جی  سرٹیفکٹ کورس  شروع کرتے ہوئے مرکزی  مواصلات  سکریٹری  اور ڈیجیٹل  کمیونی کیشن  کمیشن کے صدر  جناب انشو پرکاش  نے اس کورس کے  آغاز پر  این ٹی آئی پی آرآئی  ٹی  کو  مبارک باد دی اور کہا کہ  یہ کورس  پالیسی سازی کے تناظر  میں  جامع  5- جی  ٹیکنالوجی  سیکھنے کے لئے ایک  ذریعے کے طور پر کام کرے گا۔ مواصلات سکریٹری  نے 5- جی  صلاحیت کا  پورا پورا استعمال کرنے اور مشین ٹو مشین  مواصلات ،  انٹرنیٹ آف تھنگس جیسے امکانات کو  تصویری شکل  دینے کی  اہمیت پر روشنی ڈالی۔ اس کے لئے انہوں نے مواصلات محکمے کے  اندر  ماسٹر ٹرینر ،  5- جی  حفاظتی ماہرین  وغیرہ  کی  ایک ٹیم بنانے پر زور دیا، جو ہندوستان میں 5- جی  ٹیکنالوجی میں  تعلیم  اور بیداری کے لئے  کارروائی  منصوبہ  تیار کریں گے اور 5- جی ٹیکنالوجی آنے کے ساتھ موجودہ قوانین کے مطابق  فرق کی شناخت کریں گے۔

سکریٹری (مواصلات) نے  این ٹی آئی پی آر آئی ٹی  کو مستقبل میں  حکومت ہند کے  دوسرے محکموں  /  وزارتوں کے افسران کے لئے  اس طرح کے  تربیتی پروگرام  جاری کرنے   کے احکامات دیئے۔

ڈیجیٹل کمیونی کیشن کمیشن کے ممبر (خدمات) نے  اپنے خطاب میں  این ٹی آئی پی  آر آئی ٹی کو  حکومت ہند کے  افسران کے لئے  5- جی  سرٹیفکٹ کورس  شروع کرنے کے لئے  مبارک باد دی اور  مرکز  اور  ریاستی  حکومتوں کے دوسرے افسران کے لئے  5- جی ٹیکنالوجی کے  استعمال کے معاملوں پر  یکساں  صلاحیت  سازی  کے پروگراموں کے ڈیزائن ، ترقی اور  اس کے چلانے پر زور دیا۔

کچھ این ٹی  آئی  پی آر آئی ٹی  کے بارے میں:

نیشنل ٹیلی کام انسٹی ٹیوٹ  فار پالیسی ریسرچ  انو ویشن  اینڈ ٹریننگ  ( این ٹی آئی پی آر آئی ٹی)  یعنی  پالیسی ،  تحقیق ،  اختراعات اور  تربیت کے لئے  قومی  مواصلاتی  ادارہ ، مواصلات محکمہ کا  اہم  تربیتی ادارہ ہے، جو کُل  ہند  انجینئرنگ خدمات  امتحان کے توسط سے  بھرتی  انڈین ٹیلی کمیونی کیشن سروس گروپ – اے  (آئی ٹی ایس گروپ – اے )کے حکام کی  تربیت کا نظم کرتا ہے۔ اس کے علاوہ  این ٹی آئی پی آر آئی ٹی  ملک میں  اطلاعات  اور مواصلات  کی صنعتی انتظامیہ کے  مختلف  پہلوؤں میں  حکومت ہند  کے افسران کے لئے  مختلف  خدمات  کے لئے تربیت ، صلاحیت سازی  کے پروگرام ، علاقائی اور  عالمی سطح کی  تربیت  کے ساتھ ساتھ  صلاحیت سازی کے  ورکشاپ کا  انعقاد بھی کرتا ہے۔

۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-ج ق- ق ر)

(15-03-2021)

U-2547

(Release ID: 1704819) Visitor Counter : 145