نئی دہلی، 05 ؍مارچ : پہلے سے  شناخت شدہ  معذور افراد  اور  بزرگ شہریوں کو  اے آئی ای ڈی ڈی منصوبے  اور  مرکزی سرکار کی راشٹریہ وائیو شری یوجنا  کے تحت  امداد  اور  معاون آلات  و مصنوعی اعضاء کی تقسیم  کے لئے  اروناچل پردیش کے ایٹا نگر میں  ڈی کے کنونشن ہال میں  آج ایک کیمپ لگایا گیا۔ مہمان خصوصی  ارونا چل پردیش کے گورنر  (ریٹائرڈ بریگیڈیئر) ڈاکٹر  بی ڈی مشرا نے  وزیر مملکت  برائے سماجی انصاف  و  تفویض اختیار ات  اور جل شکتی  جناب رتن لال کٹاریا اور  اروناچل پردیش کے  سماجی انصاف  و تفویض اختیارات  اور  درج فہرست قبائل کی بہبود کے وزیر  جناب  آلو لیبانگ کے ساتھ  اس کیمپ کا افتتاح کیا۔

اس موقع پر  حکومت ہند  کی  سماجی انصاف وتفویض اختیارات کی وزارت نے  معذور اشخاص کے اختیارات سے متعلق  محکمہ کی سکریٹری  محترمہ  شکنتلا ڈی  گاملن ، ارونا چل پردیش کے چیف  سکریٹری  جناب نریش کمار ، معذور اشخاص  کے اختیارات  کے محکمہ میں  جوائنٹ سکریٹری  ڈاکٹر پربودھ  سیٹھ،  اروناچل پردیش کے  سماجی انصاف و تفویض اختیارات  اور  درج فہرست قبائل کی   بہبود کے محکمہ میں   کمشنر محترمہ  نہاریکا رائے، اے ایل آئی ایم سی او کے  سی ایم ڈی  جناب  ڈی آر سرین اور  اروناچل حکومت کے سینئر حکامت  بھی موجود رہے۔

 اس موقع پر  اروناچل پردیش کے  گورنر  (ریٹائرڈ بریگیڈیئر)  ڈاکٹر بی ڈی مشرا نے  حکومت ہند کے  معذوروں  کے حقوق سے متعلق   محکمہ کے ذریعے  ملک بھر میں  معذوروں  کو  جامع  طریقے سے  با اختیار بنانے کے لئے کی جانے والی  کوششوں کی  ستائش کی۔ انہوں نے کہا کہ  ارونا چل پردیش  سرکار نے  ایسٹ  سیانگ ضلع میں  مصنوعی  اعضاء  کے مرکز کے قیام کے لئے 05 ایکٹر  زمین  مختص کی ہے اور ویسٹ سیانگ ضلع کے  آلو میں  قومی  ذہنی صحت  اور  باز آباد کاری  ادارے  کے قیام کے لئے  15 ایکڑ زمین  مہیا کرائی۔

پروگرام میں موجود لوگوں کو  خطاب کرتے ہوئے مرکزی وزیر مملکت  جناب رتن لال کٹاریا نے کہا کہ مرکزی حکومت  پوری طرح سے  معذور افراد اور بزرگ شہریوں  کی فلاح  کے لئے عہد بند ہے اور اس امداد  اور  معاون آلات کو مصنوعی  اعضاء  کی  تقسیم کا مقصد  ایسے لاگ اِن کو  با اختیار بناتے ہوئے انہیں  سماج کے قومی دھارے سے  جوڑنے میں  اہل بنانا ہے۔

محترمہ  شکنتلا ڈی گاملن نے  محکمہ کے ذریعے  چلائے جارہے منصوبوں کی معلومات دیتے ہوئے کہا کہ حکومت کے ذریعے  نافذ نئے قوانین  یعنی  معذور اشخاص  کے  اختیارات سے متعلق قانون 2016  میں  انہیں  اہل  اور  بہتر  ماحول دیئے جانے کے لئے  زیادہ  اختیار اور  سہولیات کا  التزام  کیا گیا ہے۔

 کُل 217  مستفیدین میں  127 معذور  اور 90  بزرگ شہری ہیں۔ انہیں  اسی سال فروری  2021  میں  اے ایل آئی  ایم سی او  ریاست کے  نہر لاگن،  یوپیہ اور  پپومپیرے ضلع کے  سگالی  خطے میں  لگائے گئے  مختلف کیمپوں میں  شناخت کیا گیا تھا۔ ان مقامات  سے پہلے  شناخت شدہ  ان معذور اشخاص اور بزرگ شہریوں کو  تقریبا  21  لاکھ روپے  کے کُل 541 معاون آلات  اور  امداد کی  مرحلہ وار تقسیم کی گئی ۔

 تقسیم کئے جانے والے آلات  میں  152  فولڈنگ وہیل چیئر، 01 سی پی چیئر، 96 کرچز ، 81 واکنگ اسکٹ، 7 بریل کٹ، 6 اسمارٹ کین،  4 اسمارٹ فون، 8  ڈیزی پلیئر، 7 ایم ایس پی آئی  ڈی کٹ،  16 رولیٹر، 4 ٹٹرا پوڈ،  17 واکر، 142  بی ٹی ای (ہیئر نگ ایڈ مشین) شامل ہیں۔ کورونا وبا کو دیکھتے ہوئے پروگرام کے دوران  تمام تر  احتیاطی قدم اٹھا ئے گئے تھے۔ مناسب فاصلہ بنائے رکھنا ، ہر شخص کی  تھرمل اسکریننگ کا نظم،  فیس ماسک اور  سینیٹائزر کی  لازمیت  اور  آلات   کی کئی سطح پر  صفائی وغیرہ شامل ہیں۔

کووڈ – 19  کے پیش نظر  ان  217  مستفیدین میں سے تقریبا 100  افراد کو  کل  ڈی کے کنونشن  ہال میں  منعقد  افتتاحی  پروگرام میں  امداد اور  معاون آلات  تقسیم کئے گئے باقی ماندہ لوگوں کو  ان کی رہائش  گاہ کے قریب کے  بلاکوں میں  مرحلہ وار  یہ امداد  مہیا کرائی جائے گی۔

آرٹیفیشل لمبس مینو فیکچرنگ کارپوریشن آف انڈیا  ( اے ایل آئی ایم او سی) کانپور  نے  سماجی انصاف  اور تفویض اختیارات  وزارت کے معذوروں کے اختیارات سے متعلق  محکمہ کے تحت  ارونا چل پردیش  سرکار کے  سماجی انصاف  وتفویض اختیارات  اور  درج فہرست قبائل کی  بہبود کی وزارت  اور  ایٹا نگر ضلع انتظامیہ  کے ساتھ مل کر  اس  کیمپ کا انعقاد کیا گیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ج ق۔ ق ر

53U- 24

 

(Release ID: 1704339) Visitor Counter : 110