وزارتِ تعلیم

تعلیمِ اساتذہ کی قومی کونسل کے ذریعے اساتذہ کی تعلیم کے نظام کو مستحکم کرنے کے لئے کئے گئے اقدامات

Posted On: 08 MAR 2021 6:33PM by PIB Delhi

 

نئی دلّی ، 08 مارچ / عالمی وباء کے دوران ملک میں  تعلیمِ اساتذہ   کے نظام کو مستحکم کرنے کے لئے  تعلیمِ اساتذہ کی قومی کونسل ( این سی ٹی ای ) نے مندرجہ ذیل اقدامات کئے ہیں :

  1. تعلیمِ اساتذہ کے تمام اداروں ( ٹی ای آئی ) کو کووڈ – 19 وباء سے نمٹنے کے لئے ایڈوائزری جاری کی گئی ۔
  2. طلباء / ٹیچر کو  مفت تعلیم  فراہم  کرنے والوں کے لئے  اور دیگر تمام فریقوں کے لئے  مناسب  استعمال  کے لئے  ماہرین کی کمیٹی نے  اوپن ایجوکیشن ریسورس ( او ای آر ) تیار کئے اور انہیں  این سی ٹی ای پر اَپ لوڈ کیا گیا ۔
  3. ملک میں  تعلیمِ اساتذہ  کے لئے کام کرنے والے  دیگر اداروں  کے ذریعے تیار کردہ   اوپن ایجوکیشن ریسورس ( او ای آر ) کے لئے ویب لنک کو ہائپر لنک  سے جوڑا گیا  تاکہ  فیض حاصل کرنے والے  تدریسی /  آموزشی  وسائل کو  این سی ٹی ای کی ویب سائٹ  (www.ncte.gov.in) پر حاصل کر سکیں ۔
  4. اساتذہ کے تعلیمی اداروں ( ٹی آئی او ) کو ٹیچر ایجوکیشن کے سیکٹر کے لئے  نئی تعلیمی پالیسی ( این ای پی ) کی سفارشات کے بارے میں   معلومات فراہم کرنا  ، جس پر  ویبینار کی سیریز  منعقد کی گئی ہے ۔
  5. تدریسی / آموزشی مواد کو ، جو  اساتذہ کی تعلیم سے متعلق  ہے ، این سی ٹی ای  کی ویب سائٹ  www.ncte.gov.in پر بھی ڈجیٹل  طریقے سے دستیاب کرایا گیا ہے ۔

 

یہ معلومات آج مرکزی وزیر  تعلیم  جناب رمیش پوکھریال نشنک نے  لوک سبھا میں  ایک سوال کے تحریری جواب میں فراہم کیں ۔

 

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

U. No. 2282



(Release ID: 1703379) Visitor Counter : 2


Read this release in: English , Punjabi