ইম্ফালদা মফম অদুগী ওন্ত্রেপ্রেনিউয়রশিংগী মীফম অমসুং বয়র সেল্লর মিত পাংথোকপদা অপেদানা লৌখিবা থৌদাং মনিপুরগী চীফ মিনিস্তর শ্রী এন বিরেন্না থাগৎখ্রে।

থৌরম অদুদা হৌদোক্লদুনা, মীফম অমসুং বয়র সেল্লর মিত পাংথোক্নবা এগ্রিকলচরেল এন্দ প্রোসেস ফুদ প্রদক্স এক্সপোর্ত দিবলপমেন্ত ওথোরিতি(অপেদা)গী থৌদাং চীফ মিনিস্তরনা থাগৎখি। মহাক্না হায়খি অসিগুম্বা থৌরম অসিনা লমদম অসিগী ওন্ত্রেপ্রেনিউয়রশিংনা পোৎ-চৈ লৈগদবা মীওইশিংগা উন্নবগী মফম অমা পীদুনা মখোয়গী পোৎথোকশিং মশক খঙবা হেনগৎহনবা ঙমগনি। মসিগী মীফম অসিনা মশা মরোমদোম লেপচবা ঙম্নবা সরকারগী পান্দম অদু ফংনবা হোৎনবদা মতেং পাংগনি।

মিত অদু মনিপুর ফুদ ইন্দস্ত্রিস কোর্পোরেসন লিমিতেদ অমসুং মনিপুর সরকারগী তেক্সতাইল, কমর্স অমসুং ইন্দস্ত্রি দিপার্তমেন্তনা শীনবনি।

থৌরম অদুদা চীফ মিনিস্তরনা হায়খি প্রধান মন্ত্রী নরেন্দ্র মোদীগী অত্মানির্ভর ভারতকী পান্দম মখাদা মনিপুর মশাগী ওক্নবা পুথোকচবা রাজ্য অমা ওইনা শেমগৎনবা রাজ্য সরকারনা চোকথবা লৈতনা থবক কয়া পায়খৎলি। লৈবাক অসিগী অতোপ্পা রাজ্যশিংগা চাংদম্নবদা রাজ্য অসিদা পুথোকপা উহৈ-ৱাহৈশিং অমসুং ইন্সাং-নাপীশিং মচি ওইবা অমসুং মহাও লৈবা হেল্লি।

চীফ মিনিস্তরনা হায়খি চহি খর অসিদা মনিপুর সরকারনা চাকহাও অমসুং হোর্তিকলচরগী পোৎথোকশিং মপান্দা থাদোকপা হৌরে। ওর্গনিক পোৎথোকশিং য়োনফম অমা পুনেদা হাংদোক্লে অমসুং অতোপ্পা মেত্রো সহরশিংদা অসিগুম্বা য়োনফমশিং হাংদোক্নবা মনিপুর সরকারনা থৌরাং তৌরি। অসিগুম্বা খোথাং অসিনা লৌমীশিং অমসুং ওন্ত্রেপ্রেনিউয়রশিংদা শেন্দোং হেন্না ফংহনবা খক নত্তনা থবক ফংবগী খুদোংচাবশিংশু পীরে।

হৌদোকপগী থৌরম অদুদা এদিসনেল চীফ সেক্রেতরি শ্রী পি ৱাইফৈ, কমিসন্নর শ্রী আ.কে দিনেস, অপেদাগী এসিস্তেন্ত জেনেরেল মেনেজর সুনিতা রাই অমসুং ওফিসিএলশিং অমসুং ওন্ত্রেপ্রেনিউয়রশিং শরুক য়াখি।

*****

(Release ID: 1700980) Visitor Counter : 127