মহাত্ম গান্ধী নেস্নেল রুরেল এমপ্লোইমেন্ত গরেন্তী এক্ত(মহাত্ম গান্ধী এন.আর.ই.জি.এ.),২০০৫ অসিগী সেক্সন ১০গী মখাদা শেমখিবা সেন্ত্রেল এমপ্লোইমেন্ত গরেন্তী কাউন্সিলগী ২২শুবা মীফম রুরেল দিভেলপমেন্ত, লৌউ-শিংউ অমসুং লৌমীশিংগী য়াইফ থৌরাংগী, পঞ্চয়তি রাজ অমসুং ফুদ প্রোসেসিং ইন্দস্ত্রীশিং অসিগী কেন্দ্রগী মন্ত্রীনা ভিদিও কনফরেন্সিংগী খুৎথাংদা শরুক য়াদুনা ২৩.০২.২০২১দা পাংথোকখ্রে৷

মহাত্ম গান্ধী এন.আর.ই.জি.এ. অসিনা খুঙ্গংদা লৈরিবা মীয়ামশিং অসিদা থবক পীদুনা খ্বাইদগী চাওনা থবক পীরিবা স্কিমশিং অসিগী মনুংদা অমা ওইরি হায়না রুরেল দিভেলপমেন্ত, লৌউ-শিংউ অমসুং লৌমীশিংগী য়াইফ থৌরাংগী, পঞ্চয়তি রাজ অমসুং ফুদ প্রোসেসিং ইন্দস্ত্রীশিং অসিগী কেন্দ্রগী মন্ত্রী শ্রী নরেন্দ্র সিংহ তোমারনা ফোংদোকখ্রে৷ হৌজিক চৎলিবা ফাইনান্সিয়েল চহী ২০২০-২১ অসিদা কোবিদ-১৯ লাইনা-লাইচৎ অসি লৈনা-লৈনা মহাত্ম গান্ধী এন.আর.ই.জি.এস.না নোংগী নোংমগী ওইনা থবক শুরিবা শিন্মীশিং অসিদা থবক পীনবা হোৎনবদা য়াম্না মরু ওইবা থৌদাং লৌরি৷ হৌজিক ফাওদা মীওই পুন্না কোতি ৩৪৪ থবক পীখ্রে অমসুং মসি মমাং চহীগী হায়রিবা মতম অসিদা লৈখিবা অসিদগী ৪৪%রোম হেন্না ৱাংবা হেল্লি৷ হৌখিবা চহী অসিদা মীওই লাখ ৬৯ খক্তমক জোব কার্দ পাইখি অদুবু হন্দক চহী অসিদদি অনৌবা জোব কার্দ কোতি ১.৬৯ ইসু তৌখ্রে৷ মসিনা মরম ওইদুনা মতম কুইনা চৎপা অমসুং কান্নবা এসেত লাখ ৭২রোম শেম্বা ঙমখ্রে৷ রাজ্য সরকারশিং অমসুং কেন্দ্রগী সরকার অসিনা কন্না হোৎনদুনা এসেত পুন্না কোতি ৪.২৯ জিওতেগ তৌবা ঙমখ্রে৷

ত্রান্সপরেন্সী অমসুং একাউন্তেবিলিতী অসি লৈহন্নবগী পান্দমদা মহাত্ম গান্ধী এন.আর.ই.জি.এ. ৱার্করশিংগী বেঙ্ক একাউন্তদা অসিগী মশা মশাগী খুৎশুমল অদু ১০০% ফংহন্নবগী পান্দমদা সরকার অসিনা লৌখৎপা য়াবা খোঙথাং পুম্নমক লৌখৎখ্রে হায়না মন্ত্রী অসিনা ফোংদোকখ্রে৷ ফাইনান্সিয়েল চহী ২০২০-২১ অসিগী ওইনা লুপা কোতি ১,১১,৫০০গী শেনফম য়াম্না চাং ৱাংনা কাইথখ্রে৷ চাওরাক্না লুপা কোতি ৯৩,০০০গী শেনফম রাজ্যশিং/য়ু.তি.শিং অসিদা মাংজৌননা কাইথখ্রে৷

কোবিদ-১৯ লাইনা-লাইচৎ অসিগী মনুংদা এস.ঐচ.জি.শিং, আনগনৱাদি সহায়িকা, অসা ৱার্করশিং, পঞ্চয়তি সেক্রেতরী, মহাত্ম গান্ধী এন.আর.ই.জি.এস.কী জি.আর.এস.না খুঙ্গংগী মফমশিং অসিদা য়াম্না থাগৎনিংঙাই ওইরবা থৌদাংশিং লৌখ্রে৷ মহাক্না মখোয়শিং অসিবু থাগৎপা  ফোংদোকখ্রে৷

সরকারগী লৈরিবা প্রোগ্রামশিং অমসুং খুঙ্গংশিং অসিদা চংলক্লিবা তোঙান তোঙানবা রিসোর্চশিং অসি পুনশিন্ননবা য়াম্না কন্না হোৎনরি৷ অচৌবা প্রোব্লেম মঙা জি.পি.দি.পি.গী খুৎথাংদা থেংননবা জি.পি.শিং অসিদা মহাক্না হায়খ্রে৷ খুঙ্গংশিং অসিদা লাক্লিবা ফন্দ পুম্নমক জি.পি.দি.পি.গী খুৎথাংদা ফংহন্নবা রাজ্য সরকারশিং অসিনা মহাক্না হায়খ্রে৷

কোবিদ-১৯ লাইনা-লাইচৎ অসি হৌরকপা মতমদা ময়ুংদা হল্লক্লিবা মাইগ্রেন্ত ৱার্করশিং অসিদা অমসুং খুঙ্গংগী মফমশিং অসিদা লৈরিবা লাইচৎ অসিনা শোকহল্লিবা প্রজাশিং অসিদা থবক পীদুনা হিংনবগী লম্বী পীনবা প্রধান মন্ত্রীগী লুচিং মখাদা নুমিৎ ১২৫গী গরিব কাল্য়ান রোজগর অভিয়ন(জি.কে.আর.এ.) ২০২০গী জুন ২০দা লোঞ্চ তৌখ্রে হায়না মন্ত্রী অসিনা মখাতানা পনখ্রে৷ লুপা কোতি ৫০,০০০গী রিসোর্চ এনভেলপকা লোইননা রাজ্য তরুক বিহার, ঝার্খন্দ, মধ্য প্রদেশ, ওরিশা, রাজস্থান অমসুং উত্তর প্রদেশকী খনগৎলবা জিলা ১১৬তা লৈরিবা থবক মখল ২৫ অসিদা মীৎয়েং চংদুনা খুঙ্গংশিং অসিদা লৈরিবা মীয়ামশিং অসিগী ইনকম হেনগৎহন্নবা অমসুং হিংবগী খুদোংচাবা কয়া ফংহন্নবগী পান্দমদা লাইফলিহুদ এসেতশিং শেম্নবা অমসুং শোকহল্লিবা মীয়ামশিং অসিদা থবক পীদুনা হিংনবগী খুদোংচাবশিং অদু ফংহনবা অসিনা অভিয়ন অসিগী ওবজেক্তিব ওইরি৷ অভিয়ন অসিদা ভারত সরকারগী দিপার্তমেন্ত/মন্ত্রালয় পুন্না ১২না শরুক য়াখ্রে৷ লুপা কোতি ৩৯,২৯৩ চাদিং তৌদুনা অভিয়ন অসিগী মনুংদা পুন্না মীওই কোতি ৫০.৭৮ থবক পীখ্রে৷

মীফম অসিগী মনুংদা স্কিম অসিগী হেন্না ফগৎনবগীদমক শরুক য়ারিবা মীহুৎশিংনা মখোয় মখোয়গী মমল লৈরবা সজেসনশিং পীখ্রে৷ এক্ত অসিগী মখাদা লাক্লিবা সজেসন পুম্নমক খন্নগনি হায়বগী থাজবা কেন্দ্রগী মন্ত্রী অসিনা পীখ্রে৷

****

                                                                                        

(Release ID: 1700638) Visitor Counter : 149