রক্ষা মন্ত্রী শ্রী রাজনাথ সিংহনা মৈপোক-লাংপোক থোক্তনবা ত্রেনিংগী দিফেন্স রিসর্স অমসুং দিবলপমেন্ত ওর্গানাইজেসন (দি.আর.দি.ও.) স্কিল দিবলপমেন্ত সেন্তর (এস.দি.সি.) ২০২১গী ফেব্রুৱারীগী ২২দা উত্তর প্রদেশকী পিলখুৱাদা বর্চুএলগী খুত্থাংদা হাংদোকখ্রে। খুদোংচাবা অসি, দিল্লীদা বেজ তৌবা দি.আর.দি.ও. সেন্তর ফোর ফায়র, এক্সপ্লোসিব এন্দ এনভাইরোনমেন্ত সেফতী (সি.এফ.ই.ই.এস.); অসিনা পান্দম থম্লিবা অসি মীওইশিংবু ত্রেন তৌদুনা মৈপোক-লাংপোক থোক্তনবা অমসুং মমল য়াম্লবা মীওইবগী পুন্সি অমসুং পোৎ চৈ কয়া অমা কনবা ঙম্নবনি।      

মহাক্না হৌদোকপগী ৱা ঙাংবদা, রক্ষা মন্ত্রীনা দি.আর.দি.ও.না পাংথোক্লিবা মৈপোক-লাংপোক থোক্তনবা মশক নাইবা খোঙথাংশিং অসি থাগৎপা ফোংদোকখি। মহাক্না মরুওইবা পীদুনা হায়খি মদুদি মৈপোক-লাংপোক্কী থৌদোক কয়া অমদা মমল য়াম্লবা মীওইবগী পুন্সি অমসুং পোৎ-চৈ কয়া অমা মাং তাক্লি। মসিগুম্বা অসি থোক্তনবা ত্রেনিং অসিনা য়াম্না মগুন লৈবা অমা ওইনা পাংথোক্তুনা খুদোংথিবশিং অসি ঙাকথোক্নবা হোৎনরি।

মসিগুম্বা অসিগী মওংদা খ্বায়দগী ইহান হানবা ওইনা এস.দি.সি.না তেক্নোলোজি কয়া অমা শিজিন্নদুনা অমসুং ফায়র সর্বিস তৌরিবশিং অমসুং আর্ম ফোর্সেসশিং অসিদা হেন্না হৈ-শিংবা হেনগৎনবা থবক তৌরি। পিখুৱাদা একর ২৪ লোম শন্দোক্তনা তৌরিবা দি.আর.দি.ও. খুদোংচাবা লিংখৎলিবা অসিনা মৈপোক-লাংপোক ঙাকথোক্নবা অমসুং মৈপোক-লাংপোক্কা থেংনবদা ইন্দিয়ন আর্ম ফোর্সেস, দি.আর.দি.ও., ওর্দেনান্স ফেক্তরি, কোস্ত গার্দ অমসুং দিফেন্সশিং অসিদা শিজিন্নগনি। মখা তানা, ভুতান্দ, শ্রী লঙ্কা অমসুং য়ুম্লোন্নবা লৈবাকশিংগী ত্রেনিশিংনা ত্রেনিং সেন্তর অসিদা শরুক য়ারি। পীরিবা খুদোংচাবা অসিনা মখোয়না মৈপোক-লাংপোক ঙাকথোক্নবা অমসুং মৈপোক-লাংপোক্কা থেংনবদা লৌশিং কয়া অমা লৈনবা অমসুং মৈপোক-লাংপোক অসি মতৌ করম্না ঙাকথোক্কদগে হায়বা অসি মপাঙ্গল কনখৎহল্লি। য়াম্না অৱাংবা থাক অমদা পীরিবা ত্রেনিং অসিনা অৱাংবা থাক অমগী খুদোংচাবা অমা ফংগনি।

মালেমগী ওইবা থাক অমদা শেমগৎলিবা এস.দি.সি. অসিদা মৈপোক-লাংপোক্কা থেংনবদা অমসুং কন্নবদা বেইস মখল মরি লৈরি মদুদি হায়দ্রোলিক প্লেতফোর্ম, এয়র ক্রাস ফায়র তেন্দর অমসুং ইম্মর্জেন্সি রেস্কু তেন্তর হায়রিবা অসিনা মমল য়াম্লবা মীওইবা কয়া অমগী পুন্সি কনবা ঙম্লগনি। সেন্তর অসিদা ফায়র দ্রিল তাৱর লৈরি হায়রিবা অিসিদা অথু-অকাইগী ওইনা নান্থোকপা য়াবা মসিনা অৱাংবা বিল্দিংদা, শ্বর হোনবা হোন্বা ত্রেনিংগী খুদোংচাবা, মৈপোক-লাংপোক্কা থেংনবগী মওং শদুনা থম্বা, এল.পি.জি. পেত্রোলিয়ম তেঙ্ক ফার্ম সিমুলেতর, মৈগী শুত তেস্ত অমসুং ইবালুএসনগী খুদোংচাবা, হোস্তেল অমা অসি য়াওরি। পর্শোন্নেল ৪০০-৫০০ খুদিংগী সি.এফ.ই.ই.এস.না ত্রেনিং পীরি।   

দিফেন্স আর. অমসুং দি.গী দিপার্তমেন্তকী সেক্রেতরী অমসু দি.আর.দি.ও.গী চেয়রমেন দাঃ জি. সাথীশ রেদীনা মহাক্না ৱা ঙাংবদা সি.এফ.ই.ই.এস.কী মৈপোক-লাংপোক্কী সেফতি ইক্যুপমেন্ত অমসুং চাংয়েং তৌনবা পোৎলমশিং অসিগী থাগৎপা ফোংদোকখি। মহাক্না হায়খি মদুদি দি.আর.দি.ও.না লৌখৎলিবা স্কীল দিবলপমেন্ত সেন্তরগী খোঙথাং অসি প্রধান মন্ত্রী শ্রী নরেন্দ্র মোদীগী ‘আত্মানির্ভর ভারত্তা’ মতেং পাংবনি ।

দাইরেক্তর জেনেরেল হুমেন রিসোর্স শ্রী কে. এস. বারাপ্রসাদ, দাইরেক্তর জেনেরেল সিস্তেম এনালাইসিস অমসুং মোদেল্লি এম.এস. নাবানিতা রাধাকৃষ্ণনন, দাইরেক্তর সি.এফ.ই.ই.এস. শ্রী রাজিব নারাং অমসুং অতৈ এম.ও.দি.গী দিগ্নতরিশিংনা থৌরম অসিদা শরুক য়াখি।

*****

 

(Release ID: 1700107) Visitor Counter : 116