ভারত সরকারগী ইকাই খুম্নরবা রেলৱেজ, কম্মর্স অমসুং ইন্দস্ত্রী অমসুং কঞ্জুমর ওফিয়র্স, ফুদ অমসুং পব্লিক দিস্ত্রিব্যুসনগী মন্ত্রী শ্রী পিয়ুশ গোয়লনা ঙসি ভিদিও কনফরেন্সিংগী খুৎথাংদা কেরলা, তামিল নাদু, মধ্য প্রদেশ, ৱেস্ত বেঙ্গল অমসুং কর্নতকাদা লৈরিবা তোঙান তোঙানবা রেলৱে স্তেসনশিংগী পেসেঞ্জর এমিনিতীশিং অমসুং ফেসিলিতীশিং অসিগা মরী লৈনবা প্রোজেক্তশিং অমসুং ইনফ্রাস্ত্রকচর প্রোজেক্ত কয়া অমা শঙ্গাখ্রে৷ লুপা কোতি ১০০০ হেনবগী রেলৱে প্রোজেক্ত ৮৮ লৈবাক অসিদা কৎখিবা অসি মতুং তারকপদা ইন্দিয়ন রেলৱেনা শিজিন্নরগনি৷ তোঙান তোঙানবা মফমশিংদা পাংথোক্লিবা থৌরম অসিদা মশক নাইরবা মীওই কয়া অমসু শরুক য়াখি৷

কেরলাদা রেল প্রোজেক্তশিং হৌদোকপগী থৌরমদা ইন্দিয়ন হেরিতেজ য়োক্তুনা থম্লিবা রাজ্য অসিদা কন্নেক্তিবিতী হেনগৎহনবা য়াম্না মরু ওই হায়না শ্রী পিয়ুশ গোয়লনা ফোংদোকখ্রে৷কেরলাদা লুপা কোতি পুন্না ৯.৫৬ চংদুনা তোঙান তোঙানবা মফম অহুম কোল্লম, কুন্দারা অমসুং কোচুবেলিদা ফুদ ওভর ব্রিজশিং শাখ্রে৷

প্লেতফোর্মশিং অমসুং কনকোর্স এরিয়াশিং অসিদা অহলশিং, অনাবা মীওইশিং অমসুম দিভ্যাঙ্গ পেসেঞ্জরশিং য়াম্না লাইনা চত্থোক চশিন য়াহল্লগনি৷ লুপা কোতি পুন্না ১.৬০ চংনা কনহনগাদ অমসুং অলুবাদা লিফতশিং শাখ্রে৷

রেলৱে স্তেসনশিংদা পেসেঞ্জরশিং অসি তেক্তা কাইদননা থম্ননবনগীদমক তোঙান তোঙানবা মফম ১৪শিং অসিদা পুন্না লুপা কোতি ৯.৪৫ চংদুনা মফম ১৫দা ইন্সতোল্দ তৌখ্রে৷ চেন্নাইদা সেন্ত্রেল মোনিতরিং সিস্তেমশিং অসিগা লোইননা অলেপ্পেস অলুভা, চেঙ্গানুর, ইর্নাকুলম তাউন, কয়নকুলম, তিরুভল্লা, কোত্তয়াম, বদগারা, কানপুর, কসারাগোদ, পলক্কদ, তিরুর, থালেজরী, কানহনগদ অমসুং পেয়ানুরনাচিংবা রেলৱে স্তোসনশিং অসিদা ভিদিও সর্ভিলেন্স সিস্তেমশিং হাপ্লগনি৷

তামিল নাদুদা রেল প্রোজেক্তশিং শঙ্গাবা মতমদা রেলৱেজনা মরম ওইদুনা পোলুসন অমতা থোকহন্দনবা তামিল নাদু রেলৱেজ অসি মপুং ফানা ইলেক্ত্রিফাইদ নেতৱার্ক্তা ওন্থোক্নবা ঐখোয়না কন্না হোৎনরি হায়না শ্রী পিয়ুশ গোয়লনা ফোংদোকখ্রে৷ হৌখিবা চহী ৬-৭ অসিদা ঐখোয়না ইলেক্ত্রিফিকেসনগী খোঙজেল অসি শরুক অনি হেনগৎহনখ্রে৷ লাক্কদৌরিবা চহী ২ ১/২ অসিদা রাজ্য অসিগী রেল নেতৱার্ক পুম্নমক ইলেক্ত্রিফাইদ তৌরগনি৷ ইহান হানবা বর্তিকেল ব্রিজ অমা ওইনা পাম্বন ব্রিজ শারি অমসুং মসিনা রাম সেতু শম্নহল্লগনি অমসুং রামেস্বরাম অমসুং ধামুশকোদিদা লৈক্লিবা পিলগ্রিমশিংনা মফম অসিদা য়াম্না লাইনা চংবা য়ারগনি৷ তামিল নাদু রাজ্যদা লৈরিবা রেলৱে স্তেসন পুম্নমক ঐখোয়না সর্ভিস ব্লিদিং অমসুং এল.ই.দি. লাইতিং ১০০% তৌখ্রে৷

তামিল নাদুদা লৈরিবা অতোপ্পা স্তেসনশিংদা লুপা কোতি পুন্না ৪ চংনা হেন্না ফরবা পেসে়ঞ্জর এমিনিতীশিং ফংহনখ্রে, মখোয়শিং অদুগী মনুংদা খরা অদুদি– কতপদিদা লৈরিবা মল্তি লেবেল তু-হ্বিলর পার্কিং, গুইন্দীদা লৈরিবা দবল দিসচার্জ প্লেতফোর্ম, অরাকোনমদা লৈরিবা সেকেন্দ এন্ত্রী সর্কুলেতিং এরিয়া অমসুং বুক্কিং ওফিস, নগরকোইল তাউনদা লৈরিবা পি.আর.এস. সেন্তর অমসুং স্তেসন বিল্দিং অমসুং মদুরাইদা এ.তি.এম. ফেসিলিতী য়াওরবা পেসে়্জর কনবিনিয়েন্স ফেসিলিতী অসিনচিংবনি৷

কর্নতকাদা রেল প্রোজেক্তশিং শঙ্গাবগী থৌরমদা শ্রী পিয়ুশ গোয়লনা অসুম্না ফোংদোকখ্রে, “কর্নতকা রাজ্য অমসুং রেলৱে অসিগীদমক লৈখিদ্রবা শ্রী সুরেশ অনগদিনা পাংথোকখিবা মহাক্না লৌখিবা থৌদাংশিং অমসুং থবক থৌরমশিং অসিগীদমক ঙসি ঐনা মহাক্না ইকাই খুম্নবা উৎলি৷ গুব্বি-নিত্তুর(কি.মি. ৯) স্ত্রেচকী মরক্তা লৈরিবা লাইনশিং দবলিং তৌবা অসি বেঙ্গলুরু-হুব্বালি লাইনদা লৈরিবা আর্সিকর অমসুং তুমাকুরু(কি.মি. ৯৬)কী মরক্তা লৈরিবা দবলিং প্রোজেক্কী শরুক অমনি৷ আর্সিকর অমসুং তুমাকুরু প্রোজেক্ত অসি ২০১৫-১৬তা লুপা কোতি ৭৮৩ চংনা সেঙ্কসন তৌখি৷ মসিগী সেক্সন অসিদা রেলৱে ত্রেক দবলিং তৌবা অসিনা বেঙ্গলুরুদগী হুব্বালি, বেলাগবি, মু্ম্বাই শমজিন্নহল্লিবা য়াম্না মরু ওইবা লাইনগী লাইন কেপাসিতী হেনগৎহল্লগনি, কর্নতকাগী লৈরিবা ইন্তরিয়র জিলা পুম্নমক ফাওদোক ফাওজিন য়াহল্লগনি অমসুং ত্রেনশিং হেন্না লাইনা চেনবা য়াহল্লগনি অমসুং ইন্তর্সিতী কন্নেক্তিবিতী হেন্না ফহল্লগনি৷

অপগ্রেদেদ পেসেঞ্জর এমিনিতীশিং দবলিং তৌবা অসিগা লোইননা অনৌবা স্তেসন বিল্দিং রেবেগ রেলৱে স্তেসনদা শাখ্রে৷

রেবেগ স্তেসনদা মখাগী খুদোংচাবশিং অসি ফংহনখ্রে:

§ অনৌবা প্লেতফোর্ম অনি

§ ফুত অমা ৱাংবা ওভর ব্রিজ

§ সর্কুলেতিং এরিয়া

§ এ.সি. ৱেত্তিং হোল

খ্বাইদগী নৌরিবা সিগ্নেল সিস্তেম অমসুং ইন্দিজিনিয়র্সলী শেমজবা স্তেত ওফ দি আর্ত ইলেক্ত্রোনিক ইন্তরলোকিং শিজিন্নদুনা ত্রেন ওপরেসনশিং নিংথীনা চলাইরি৷

মধ্য প্রদেশতা রেল প্রোজেক্তশিং শঙ্গাবগী থৌরমদা ইকাই খুম্নরবা শেল থুমগী মন্ত্রী নির্মলা সিথারমন্না হন্দক্তা পুথোককিবা বদজেৎ ২০২১-২২গী চহী অসিদা মধ্য প্রদেশতা তোঙান তোঙানবা রেলৱে প্রোজেক্তশিং শানবগীদমক লুপা কোতি ৭৭০০গী শেনফম কাইথখ্রে হায়না শ্রী পুয়ুশ গোয়লনা ফোংদোকখ্রে৷

দিব্যাঙ্গ, অহল ওইরবশিং অমসুং এলিং পেসেঞ্জরশিং অসিদা হেন্না খুদোংচানবা হায়দনা গ্বালিয়র স্তেসনগী প্লেতপোর্ম নম্বর ১,২,৩ অমসুং ৪দা লুপা লাখ ৯২ চংনা লিফত অহুম ইন্সতোল্দ তৌখ্রে৷ অসিগীসু মথক্তা গ্বালিয়র স্তেসন অসি হেন্না মোদর্নাইজ তৌনবা রেল ভিকাস নিগম লিমিতেদনা রিদিভেলপমেন্ত ৱার্ক পাংথোকখ্রে৷

রতলম-চিতোর্গর্হ রেল সেক্সন ইলেক্ত্রিফিকেসন তৌবা: হৌজিক হৌজিক্কী ওইনা কি.মি. ১৮৯.৪৬ শাংবা মসিগী সেক্সন অসিদা চেল্লিবা ত্রেনশিং অসি দিজল ইঞ্জিন্না চেনবনি, মসিনা মরম ওইদুনা রকলমদগী লোকো ওন্থোক্নবা হোৎনবদা অহেনবা মতম দরকার ওই৷ রতলম-চিতোর্গর্হ সেক্সন ইলেক্ত্রিফিকেসন তৌবা অসিনা দিজল থাউ কনবা ঙম্লগনি অমসুং গ্রীন ইনর্জীদা য়াম্না মরু ওইবা থৌদাং লৌরগনি৷ মসিগী সেক্সন অসিদা দিজলদগী ইলেক্ত্রিফিকেসন তৌরকপা অসিনা চহী অমদা লুপা কোতি ২৭.৫৪ মাংখিগদবদগী কনবা ঙম্লগনি৷ মসিগী ইলেক্ত্রিফিকেসন অসি পুন্না লুপা কোতি ২০৫.৪৪ চংনা পাংথোকখ্রে৷

সুপর ক্রিতিকেলনি হায়না খায়দোক্তুনা থমখ্রবা তীগাউন্দগী চিচোন্দা ফাওবা লৈরিবা অহুমশুবা ঘাত লাইন(কি.মি. ১৭) প্রোজেক্ত মপুং ফানা লোইশিনখ্রে অমসুং ২০২০গী দিসেম্বর থাদগী শিজিন্নবা হৌরগনি৷ মসিদা রুলিং গ্রেদিয়েন্ত ৬৫গী মনুংদা ১ লৈ, শার্পেস্ত কর্ব অসি দিগ্রী ৪.৯৫নি, রোক কত্তিংগী মেক্সিমম দেপথ অসি মিতর ২২.৭৫নি অমসুং বেঙ্ককী মেক্সিমম হাইত অসি মিতর ১৬.১৩নি৷

বিতুল অমসুং পনধুর্ন স্তেসনশিংদা লিফতশিং হাপচিল্লকপা অসিনা দিব্যাঙ্গজন, সেনিয়র সিতিজনশিং অমসুং অতোপ্পা পেসেঞ্জরশিংনা প্লেতফোর্ম অমদগী অতোপ্পা প্লেতফোর্ম অমদা য়াম্না লাইনা চত্থোক চশিন তৌবা য়াহল্লগনি৷ থৌরম অসিগী মনুংদা শ্রী পিয়ুশ গোয়লনা রিৱাদগী ইতৱারি ফাওবা চেনগদৌরিবা পেসেঞ্জর সর্ভিস অমা লমথাখ্রে৷

****