তেক্সতাইল মন্ত্রালয়

কেন্দ্রগী তেক্সতাইল মন্ত্রীনা জ্যুত ফার্মরশিং অসিগীদমক এৱার্নেস ৱার্কশোপ অমসুং সর্তিফাইদ জ্যুত মরু য়েন্থোকপগী প্রোগ্রাম হৌদোকখ্রে

লৌমীশিংগী পোত্থোক অমসুং মখোয়গী ইনকম হেনগৎনবা সর্তিফাইদ তৌরবা মরুশিং শিজিন্ননবা লৌমীশিং অসিদা হায়খ্রে

লৌমী লাখ ৫ হেন্না কান্নবা পীনবা প্রোগ্রাম

Posted On: 15 FEB 2021 5:41PM by PIB Imphal

লৌমীশিংনা জ্যুত দাইবর্সিফাইদ অমসুং তেক্নিকেল তেক্সতাইল প্রদক্তশিং অসিদা সর্তিফাইদ তৌরবা মরুশিং শিজিন্নদুনা পোত্থোক হেন্না পুথোক্নবা অমসুং মখোয়গী ইনকম অসি হেন্না লাকহন্দুনা লৈবাক অসিদা কন্ত্রিব্যুত তৌনবা তেক্সতাইল্স অমসুং ৱুমেন অমসুং চাইল্দ দিভেলপমেন্তগী কেন্দ্রগী মন্ত্রী শ্রীমতি সমৃতি জুবনি ইরানিনা ফোংদোকখ্রে৷ ভর্চুয়েল্লী ওইনা হৌদোক্লদুনা ৱেস্ত বেঙ্গলগী বেরেক্তপোরদা লৈরিবা আই.সি.এ.আর.-সি.আর.আই.জে.এ.এফ. ইন্সতিত্যুততা শিল্লিবা সর্তিফাইদ জ্যুত সীদস দিস্ত্রিব্যুসন প্লান অমসুং জ্যুত ফার্মর এৱার্নেস ৱার্কশোপ অদুদা শ্রী সমৃতি জুবিন ইরানিনা অসুম্না ফোংদোকখ্রে, সর্তিফাইদ তৌরবা জ্যুত সীদ এম.তি. ৬০রোমতমক্কা লোইননা আই.সি.এ.আর.ই. ইনিসিয়েতিব অসি ২০১৫দা হৌদোকখি অমসুং শুপ্নতগী চহী অমগা মখায়দা লৌমী ২০,০০০না চাওনা কান্নবা ফংখ্রে অমসুং ২০১৭দা সর্তিফাইদ তৌরবা মরুশিং য়েন্থোকপা অদু এম.তি. ৬০০ হেন্না হেনগৎলকখ্রে৷ হৌজিক ফাওবদা আই.সি.এ.আর.ই. প্রোগ্রাম অসিগী মখাদা সরকার অসিনা লৌমী লাখ ২.০ সপোর্ত তৌখ্রে হায়না মহাক্না ফোংদোকখি৷

তেক্সতাইল মন্ত্রালয়না মহাক্কী ফিল্দ ওফিসশিং খুদম ওইনা ও/ও জ্যুত কম্মিশনার, নেস্নেল জ্যুত বোর্দ, জ্যুত কোওপরেসন ওফ ইন্দিয়া অমসুং আই.সি.এ.আর.-সি.আর.আই.জে.এ.এফ.না লৌউ-শিংউ অমসুং লৌমীশিংগী য়াইফ থৌরাংগী মন্ত্রালয়না জ্যুত আই.সি.এ.আর. ইনিসিয়েতিবতা জ্যুত সীদস দিস্ত্রিব্যুসন প্রোগ্রাম অমসুং জ্যুত ফার্মর্স এৱার্নেস ৱার্কশোপ শিনখ্রে৷ প্রোগ্রাম অদুদা ৱেস্ত বেঙ্গলগী জ্যুত ফার্মরশিং, কেন্দ্রগী সেক্রেতরী(তেক্সতাইল্স) শ্রী উপেন্দ্র প্রতাপ সিংহ; কেন্দ্রগী সেক্রেতরী(লৌউ-শিংউ অমসুং লৌমীশিংগী য়াইফ থৌরাং) শ্রী সঞ্জে অগর্ৱাল, তেক্সতাইল্স মন্ত্রালয়, লৌউ-শিংউ অমসুং লৌমীশিংগী য়াইফ থৌরাং মন্ত্রালয়, ও/ও জ্যুত কম্মিশানর, নেস্নেল জ্যুত বোর্দ(এন.জে.বি.), জ্যুত কোওপরেসন ওফ ইন্দিয়া(জে.সি.আই.), আই.সি.এ.আর.-সি.আর.আই.জে.এ.এফ., আই.সি.এ.আর.-এন.আই.এন.এফ.ই.তি., নেস্নেল সীদস কোওপরেসন(এন.এস.সি.), ইন্দস্ত্রী বোদীশিংগী সেনিয়র ওফিসিয়েলশিংনা শরুক য়াখি৷

২০১৭গী জানুৱারি অমসুং মার্চ থাদা তেক্সতাইল্স মন্ত্রালয় অসিদগী হায়জরকপগী মতুং ইন্না লৌউ-শিংউ মন্ত্রালয়না আই.সি.এ.আর.ই. প্রোগ্রাম অসিদা শরুক য়ানবগীদমক জ্যুত থারিবা রাজ্য পুম্নমক্তগী মরী লৈনবা ওফিসরশিং শরুক য়ানবা কৌখ্রে অমসুং মসিদা তেক্সতাইল্স মন্ত্রালয়গী, জ্যুত ওর্গনাইজেসনশিং, লৌউ-শিংউ অমসুং লৌমীশিংগী য়াইফ থৌরাং, এম.ও.এ. অমসুং এফ.দবল্যু.গী মখাদা লৈরিবা ওর্গনাইজেসনশিং অমসুং জ্যুত থারিবা রাজশিং অসিগী মীহুৎশিংনা থৌরম অসিদা শরুক য়াখি৷

২০২০গী ওগস্ত থাদা জ্যুত থারিবা লৌমী কয়া অমা কান্নবা ফংহন্নবা কম্মর্সিয়েল সীদ প্রোগ্রামগী খুৎথাংদা সর্তিপাইদ তৌরবা মরুশিং অসি কা হেন্না য়েন্থোক্নবা রিজোলুসন অমা সরকার অসিনা লৌখৎখ্রে অমসুং মসিদা জে.সি.আই.না সর্তিফাইদ তৌরবা মরু ক্বিন্তল ১০,০০০ য়েন্থোক্লগনি হায়না মন্ত্রী অসিনা ফোংদোকখ্রে৷ খোঙথাং অসিনা জ্যুত থারিবা লৌমী লাথ ৫ রোম কান্নবা ফংহল্লগনি হায়না মহাক্না ফোংদোকখ্রে৷

প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্র সরকার অসিনা লৌমীশিং অসিগী য়াইফনবা হোৎনৈ হায়না মন্ত্রী অসিনা মখাতানা ফোংদোকখ্রে৷ সরকার অসিনা জ্যুতকী মমল অদু ২০১৪-১৫দা লুপা ৪২২৫ ওইরম্বদগী ২০২০-২১দা লুপা ৪২২৫ য়ৌনা হেনগৎহনখ্রে হায়না মহাক্না ফোংদোকখ্রে৷ রেত্তিং তেঙ্কশিং অসিগী মতাংদা ৱা ঙাংলদুনা জ্যুত থারিবা লৌমীশিং অসিগী পোত্থোক, ক্বালিতী অমসুং ইনকম হেনগৎনবগীদমক রেত্তিং তেঙ্ক ৪৬০০০ শানবগী ভারত সরকারনা পীখ্রে অমসুং হায়রিবা থবকশিং অসি কেন্দ্র সরকারগী স্কিমশিং খুদম ওইনা এম.এন.আর.ই.জি.এ., পি.এম.কে.এস.ৱাই., আর.কে.ভি.ৱাই. অমসুং আই.সি.এ.আর.ই.শিং অসিগা লোইননা পাংথোক্লগনি হায়না মহাক্না ফোংদোকখ্রে৷

আই.সি.এ.আর.ই. ইনিসিয়েতিব অসিনা লৌমীশিং অসিগী পোত্থোক অসি ১৫% হেনগৎহন্দুনা অমসুং লৌমীশিং অসিগী ইনকম অসি হেক্তর/১০,০০০ য়ৌনা ফংহন্দুনা লৌমীশিং অসিবু কান্নবা পীরি হায়না শ্রীমতি ইরানিনা ফোংদোকখ্রে৷ জে.পি.এম. এক্ত অসিগী মখাদা সরকার অসিনা ৱার্কর লাখ ৪ রোম অমসুং ফার্মগী ইমুং মানুং লাখ ৪০রোম ঙাক শেল্লি৷

থৌরম অসিদা ৱা ঙাংলদুনা লৈবাক অসিদা জ্যুতকী লৈরিবা দিমান্দ অসি য়েংলগা অমসুং জ্যুতকী ক্বালিতী অসি হেন্না ফনবা মসিগী ইনিসিয়েতিব অসি লৌখৎপনি হায়না তেক্সতাইল্সগী সেক্রেতরী শ্রী য়ু.পি. সিংহনা ফোংদোকখ্রে৷ ইনিসিয়েতিব অসিনা জ্যুতকী পোত্থোক অসি হেন্না পুথোক্লগনি অমসুং বঙ্গলাদেশতগী পুশিল্লকপগী চাং অসিসু হন্থহল্লগনি হায়না মহাক্না মখাতানা ফোংদোকখ্রে৷ লৌমীশিং অসিগী ফিভমশিং অসি হেন্না শাফনবা অমসুং মখোয়গী ইনকম অসি শরুক অনি হেন্না লাকহন্নবা মসিগী ইফর্তশিং অসি মতম কুইনা চৎনরগনি হায়না মহাক্না ফোংদোকখ্রে৷

জ্যুত মরুগী ক্বালিতী অসিনা ফাইবরগী ফবগী মখল অদু লেপ্পী হায়না এগ্রিকল্চরগী সেক্রেতরী শ্রী সঞ্জে অগ্রৱালনা মহাক্কী ৱারোলদা ফোংদোকখ্রে৷ নেস্নেল ফুদ সেক্যুরিতী মিসনদা জ্যুত হাপচিল্লকপা অসিনা লৌমীশিং অসিগী ইনকম অসি হেনগৎহনবদা মতেং ওইরগনি হায়না মহাক্না ফোংদোকখ্রে৷

                                                                                      ******



(Release ID: 1698348) Visitor Counter : 3