তোঙান তোঙানবা ইন্দস্ত্রী পার্তনরশিং অসিগা খুৎশম্নদুনা অমসুং বি.দি.এল.না পুনশিন্নদুনা দি.আর.দি.ও.না দিজাইন তৌজবা অমসুং শেমজবা লোঙ্গ রেঙ্গ সর্ফেস তু এয়র মিসাইলশিং(এল.আর.এস.এ.এম.)গী ফাইনেল প্রদক্সন বেতচ হায়দ্রবাদতা লৈরিবা এ.পি.জে. অব্দুল কলাম মিসাইল কমপ্লেক্সতা লৈরিবা দি.আর.দি.এল.দা দি.দি.আর. অমসুং দি.গী সেক্রেতরী অমসুং দি.আর.দি.ও.গী চিয়রমেন দা. জি. সাথীশ রেদ্দী অমসুং দিফেন্স মেছিন দিজাইন ইস্তাব্লিসমেন্ত(দি.এম.দি.ই.)গী ভি.এস.এম. দাইরেক্তর রিয়র এদমাইরেল ভি. রাজাসেখরনা শরুক য়াদুনা থৌরম অদু হৌদোকখ্রে৷

ইন্দিয়ন নেভীগী খ্বায়দগী নৌরিবা জহাজশিং অসিদা হাপ্নবা এল.আর.এস.এ.এম. অসি দি.আর.দি.ও. অমসুং আই.এ.আই. ইজরেলনা পুন্না খুৎশম্নদুনা শেম্লবনি৷ ফাইতর এয়রক্রেফত, সবসোনিক অমসুং সুপরসোনিক ক্রইজ মিসাইলশিং য়াওনা তোঙান তোঙানবা এরিয়েল তার্গেৎশিং অসিগী মাইয়োক্তা মসিগী এল.আর.এস.এ.এম. অসিনা পোইন্ত অমসুং এরিয়া দিফেন্স পীবা ঙম্মী৷ তর্মিনেল ফেস্তা দরকার ওইরিবা মেনোয়ুব্রেলিতী অসি ফংহন্নবা মিসাইল অসি ইন্দিজিনিয়র্স্লী শেমজবা দ্যুল–পল্স রোকেৎ মোতোর অমসুং দ্যুল কন্ত্রোল সিস্তেমনা পৱার তৌই৷ তার্গেৎ অদু মাংহনবগী চাং য়াম্না ৱাংনা আইদেন্তিফাই তৌনবা, ত্রেক তৌনবা, এনগেস্ত তৌনবা মসিগী আর্ত ৱেপন সিস্তেম অসি এক্তিব রেদিয়ো ফ্রিক্বেন্সী(আর.এফ.) সীকরগা লোইননা দিজাইন তৌই৷

ইন্দিয়ন নেভীগী জহাজশিংদগী য়ুজর ফ্লাইত ত্রাইয়েল কয়ামরোম চত্থদুনা এল.আর.এস.এ.এম. সিস্তেম অসি মাই পাক্না চাংয়েং তৌখ্রে৷ মসিগী ৱেপন সিস্তেম অসি মাই পাক্না পুথোকখ্রে অমসুং ইন্দিয়ন নেভীদা ফংহনখ্রে৷

ইন্দিজিনিয়র্স প্রদক্সন ইফর্তশিংগী তঙাই ফদবা অদু দি.দি.আর. অমসুং দি.গী সেক্রেতরীনা পুথোকখ্রে অমসুং ‘মেক ইন ইন্দিয়া’গী পান্দম অসি ফংবা ঙম্নবগীদমক মেনুফেকচরিং ফেসিলিতীশিং অসি শেমগৎলিবা অমসুং প্রদক্সন ওর্দরশিং অসি মাই পাক্না চত্থরিবা ইন্দস্ত্রীশিং অসিবু মহাক্না থাগৎখ্রে৷ ভারতকী তোঙান তোঙানবা মফমশিংদা এরোস্পেস ক্বালিতী স্তেন্দর্দশিং লৈবা মিসাইলশিং পুথোকপদা মিসাইল সিস্তেম ক্বালিতী এসুরেন্স(এম.এস.ক্বু.এ.এ.),দি.জি.(এন.আই.এ.)না লৌরিবা থৌদাং অসি মহাক্না থাগৎখ্রে৷

প্রদক্সন ওর্দর অসি মাই পাক্না পাংথোক্ননবগীদমক অমসুং ইন্দিয়ন নেভীগী এয়র দিফেন্স কেপাবিলিতী অসি হেন্না মপাঙ্গল লৈহন্নবা দি.আর.দি.ও.না লৌরিবা থৌদাং অদু ইন্দিয়ন নেভীগী ভি.এস.এম. রিয়র এদমাইরেল ভি. রাজাসেখরনা থাগৎখ্রে৷ মতুং তারকপা লানগী খুৎলাইশিংদা অসিগুম্বা এদভান্স ওইরবা ৱেপন সিস্তেমশিং অসি দিজাইন তৌনবা অমসুং শানবা মহাক্না দি.আর.দি.ও.দা তকশিনখ্রে৷

                                                                                   *******