নেস্নেল স্কিল দিবেলপমেন্ত মিসন (এন.এস.দি.এম.)না সেক্তরশিং অমসুং রাজ্যশিংদা স্কিল ত্রেনিংগী থবক-থৌরমশিং পুনশিন্নবা পান্দম থমখি। তএনিং অসি কেন্দ্রগী মন্ত্রালয়শিং অমসুং বিভাগশিংনা খক্তা তৌদে রাজ্য সরকারশিংনসু তৌরি। অদুবু মিসন অসিগী লুচিং মখাদা শোর্ত-তর্ম অমসুং লোং-তর্ম ত্রেনিং ফংহনখি। শোর্ত-তর্ম ত্রেনিং ইকো-সিস্তেম অসিদা নেস্নেল ওক্ক্যুপেস্নেল স্তেন্দর্দশিং (এন.ও.এস.শিং) শেম্নবা ,কম্পিতেন্সী ফ্রেমৱার্ক দিবেলপ তৌনবা, ত্রেনিং ওফ ত্রেনরস প্রোগ্রামশিং পাঙথোক্নবা, ভোকেস্নেল ত্রেনিং ইন্সতিত্যুতশিং এফিলিয়েৎ তৌনবা, লেবর মার্কেৎ ইনফোর্মেসন সিস্তেমগীদমক মরী লৈনবা সেক্তরশুংদা স্কিল গেপ স্তদীশিং পাঙথোক্নবা অমসুং এন.ও.এস.শিংগা মান্নবা করিলুলমদা ত্রেনীশিং সর্তিফাই তৌনবা ইন্দস্ত্রী-লেদ বোদীশিং ওইনা সেক্তর স্কিল কাউন্সিল ৩৭ লিংখখ্রে। লোং-তর্ম ত্রেনিং ইকো-সিস্তেমগী মখাদা  ইন্দস্ত্রীশিং অমসুং ইস্তাব্লিশমেন্তশিংনা সরকার অমসুং লনাইগী ইন্দস্ত্রীএল ত্রেনিং ইন্সতিত্যুতশিং (আই.তি.আই.শিং)গা মপং ওইদুনা স্কিল লৈবা মেনপাৱরগী মথৌ তাবশিং অদু থুংহন্নবা ত্রেনিং প্রোগ্রামশিং পাঙথোক্নবা পান্দমগা লোইননা ২০১৬দা দ্যুএল সিস্তেম ওফ ত্রেনিং (দি.এস.তি.) স্কীম চৎনহনখি। স্কীম অসি আই.তি.আই.শিংগী খুত্থাংদা থিওরিতিকেল ত্রেনিং পীবা অমসুং ইন্দস্ত্রীগী খুত্থাংদা প্রেক্তিকেল ত্রেনিং পীবা অসিগী পুনশিন্নবা অমনি, মসিনা ইন্দস্ত্রী লিঙ্কেজশিং লৈহনখি অমসুং ইন্দস্ত্রীগা মরী লৈনবা খ্বাইদগী অনৌবা তেক্নোলোজীশিংগী মতাংদা মহৈরোইশিংদা হেন্দস-ওন এক্সপরিয়েন্স ফংহনখি। ২০১৯দা রিভাইসতৌরবা দি.এস.তি. গাইদলাইনশিং পীখি মসিগী মতুংদা ৩১.০১.২০২১ ফাওবগী ইন্দস্ত্রীশিংগা লোইননা মেমোরেন্দম ওফ অন্দর্স্তেন্দিং (এম.ও.য়ু.শিং) খুৎয়েক পীনখি। মসিগী মথক্তা ইন্দস্ত্রী লোইননা ত্রেনীশিং অনিমক্কী মথৌ তাবশিং ফংহন্নবা, কেন্দিদেৎশিংবু মখোয়গী মথৌ তারিবা স্কিলশিং অদুগী মতুং ইন্না ইন্দস্ত্রীশিংনা ত্রেন তৌবা য়াহন্নবা অমসুং মার্কেৎ দিমান্দগা চান্নবা ইন্দস্ত্রীগী এনভাইর্নমেন্ত অমগা লোইননা ত্রেনিং চত্থনবা খ্বাইদগী অনৌবা তেক্নোলোজী ত্রেনীশিংদা ফংহন্নবা ফ্লেক্সিবল ওইবা এম.ও.য়ু. স্কীম অমা দিজাইন তৌখি।

স্কিল দিবেলপমেন্ত এন্দ ওন্তোপ্রিনোর্শিপ মন্ত্রালয় (এম.এস.দি.ই.)না গ্লোবেক মোবিলিতী থৌগৎনবা, ইন্দিয়ন স্কিলিং ইকো-সিস্তেম মপাঙ্গল কনখৎহন্নবা অমসুং লৌশিং সিয়র তৌনবা পান্দমগা লোইননা অতোপ্পা লৈবাকশিংগী সরকারশিংগা লোইননা গ্লোবেল পার্তনরশিপ ওইরি। ভারতকী স্কিল ইকো-সিস্তেম অসি ইন্দিয়াদগী জপানদা তেক্নিকেল ইন্তর্নশিং থাদুনা অমসুং লৌদুনা অওনবা পুরক্নবা অমসুং ভারতকী ইন্দস্ত্রীশিংনা জপানগী ইন্দস্ত্রীশিংগী অফবা খোঙথাংশিং মতৌ তাবা ঙমহন্নবা পান্দমগা লোইননা জস্তিস মন্ত্রালয়, মপাল থৌরম মন্ত্রালয় অমসুং জপান সরকারগী হকশেল, শিন্মী অমসুং য়াইফ-থৌরাংগী মন্ত্রালয়গা লোইননা মেমোরেন্দম ওফ কোওপরেসন (এম.ও.সি.) অমা এম.এস.দি.ই.না ২০১৭গী ওক্তোবরদা খুৎয়েক পীনখি। হৌজিক ফাওবদা ভারতনা লৌউ-শিংউ, কনস্ত্রক্সন, মেন্যুফেকচরিং অমসুং হেল্থকিয়র অসিগুম্বা তোঙান তোঙানবা সেক্তরশিংগী মখাদা জপানগী কেন্দিদেৎ ২২০ থাখ্রে।  ইন্দিয়ন সেন্দিং ওর্গনাইজেসনশিংনা হৌজিক কেন্দিদেৎ ৬০০ হেন্না ত্রেন তৌরি। ২০২১গী জনুৱারীদা ভারত অমসুং জপান সরকারশিংগী মরক্তা “স্পেসিফাইদ স্কিল ৱার্কর”গা মরী লৈনবা সিস্তেম মপুং ফানা চল্লানবগী তঙাই ফদবা ফ্রেমৱার্ক্কী পার্তনরশিপ অমদা অতোপ্পা এম.ও.সি. অমা খুৎয়েক পীনবা কেন্দ্রগী মন্ত্রী-মন্দলনা অয়াবা পীখ্রে।  এম.ও.সি. অসিনা জপানগী স্পেসিফাইদ সেক্তর তরামরিদা থবক তৌনবা মথৌ তাবা স্কিল অমসুং জপানিজ মরোলগী তেস্ত ক্বালিফাই তৌরবা স্কিল লৈরবা ভারতকী শিন্মীশিং থাবা অমসুং লৌবগী মতাংদা ভারত অমসুং জপানগী মরক্তা পার্তনরশিপ অমসুং কোওপরেসনগী ইন্সতিত্যুস্নেল মেকানিজম অমা শেমখি।

ক্বালিফিকেসনশিংগী অনিমক্না মশক খঙদোক্নবা চুংশিন্ননবা ২৯.০৪.২০১৬তা এম.এস.দি.ই. অমসুং য়ুনাইতেদ অরাব ইমিরেৎস (য়ু.এ.এ.)গী নেস্নেল ক্বালিফিকেসন্স ওথোরিতীগী মরক্তা এম.ও.য়ু. অমা খুৎয়েক পীনখ্রে। নেস্নেল স্কিল দিবেলপমেন্ত কোওপরেসন (এন.এস.দি.সি.)না হ্যুমেন রিসোর্স এন্স ইমিরিতাইজেসন মন্ত্রালয় (এম.ও.ঐচ.আর.ই.) অমসুং অবু ধাবি এন্দ কনফোর্মিতী কাউন্সিল (এ.দি.ক্যু.সি.সি.)গা লোইননা থবক তৌমিন্নদুনা ক্বালিফিকেসনশিং, এসেসমেন্ত অমসুং সর্তিফিকেসন বেঞ্চমার্কিং তৌরি। ভারত-য়ু.এ.ই. স্কিল হর্মোনাইজেসন প্রোগ্রাম, পাইলোৎ প্রোগ্রাম অসিগী মখাদা কনস্ত্রক্সন অমসুং ওতোমোতিব সেক্তরশিংদা য়ু.এ.ই. স্কিল ক্বালিফিকেসন ১৬তগী ইন্দিয়ন স্কিল ক্বালিফিকেসন ১৩ বেঞ্চমার্কিং তৌনবা ওপরেস্নেলাইজ মাই পাক্না পাঙথোকখি। পাইলোৎ প্রোগ্রাম অসিদা অনিমক্না মশক খঙদোক্লবা ক্বালিফিকেসনশিংদা কেন্দিদেৎ ১৩৩ এসেস তৌখ্রে। কেন্দিদেৎ ৬৩ ইন্তর্ভ্যু তৌখ্রে অমসুং খনগৎখ্রে মসিগী মনুংদা কেন্দিদেৎ ১৮দি য়ু.এ.ই.দা দিপ্লোই তৌখ্রে। স্কিল দিবেলপমেন্ত, ভোকেস্নেল অমসুং প্রোফেস্নেল এজুকেসন অমসুং ত্রেনিংগী লমদা কোওপরেসন পীননবা কিংদম ওফ সাউদি অরাবিয়া, অস্ত্রেলিয়া, ফিনলেন্দ অমসুং স্বিজরলেন্দগুম্বা লৈবাকশিংদা লৈবা তোঙান তোঙানবা এন্তিতীশিংগা লোইননা এম.এস.দি.ই./এন.এস.দি.সি.গা এম.ও.য়ু.শিং খুৎয়েক পীনখ্রে। ৱাফম অসি স্কিল দিবেলপমেন্ত অমসুং ওন্তোপ্রিনোরশিপকী রাজ্যগী মন্ত্রী রাজ কুমার সিংহনা রাজ্য সভাদা অইবা ওইনা পীবা পাউখুম অমদা ফোঙদোকখিবনি।

 

****

(Release ID: 1697873) Visitor Counter : 100