وزارت آیوش
‘‘ آیو سمواد ’’ سیریز کے لیکچر ، کووڈ – 19 بندوبست پر مرکوز عوامی بیداری کے لئے ہیں : آیوش کے وزیر
Posted On:
12 FEB 2021 5:57PM by PIB Delhi
نئی دلّی ، 12 فروری / ‘‘ آیو سمواد ’’ لیکچر سیریز مہم کا مقصد کووڈ – 19 سے بچاؤ ، باز آباد کاری اور بندوبست میں آیور وید کے رول پر خصوصی توجہ دینے کے لئے ہے ۔ یہ بات آج نو جوانوں کے امور اور کھیل کود کے وزیر مملکت ( آزادانہ چارج ) اور آیوش کی وزارت میں وزیر مملکت (آزادانہ چارج ) جناب کرن ریجیجو نے لوک سبھا میں بتائی ۔ آیوش کی وزارت کی سرپرستی میں خود مختار ادارہ ، آل انڈیا انسٹی ٹیوٹ آف آیور ویدا (اے آئی آئی اے ) آیور وید اور کووڈ – 19 وباء کے بارے میں عوامی بیداری کا یہ پروگرام چلا رہا ہے ، جس کا مقصد عام لوگوں میں ، اِس کے بارے میں بیداری پیدا کرنا ہے ۔
وزیر موصوف نے پارلیمنٹ کے پانچ ارکان ، جناب نائب سنگھ ، جناب سبرت پاٹھک ، ڈاکٹر رام شنکر کتھیریا ، جناب رویندر کشواہا اور جناب روی کشن کے سوالوں کا جواب دیتے ہوئے یہ وضاحت کی ۔
وزیر موصوف نے اپنےجواب میں یہ بھی واضح کیا کہ آیو سمواد مہم نئی دلّی کے آل انڈیا انسٹی ٹیوٹ آف آیورویدا نے آن لائن شروع کی ہے ، جس میں 18 سے 21 جنوری تک تمام ریاستوں کے ڈائریکٹروں ، آیوروید کالجوں کے پرنسپلوں ، میڈیکل افسروں ، پی جی اور پی ایچ ڈی کرنے والے دانشوروں اور دیگر فریقوں کو تربیت دینا ہے ۔
جیسا کہ آیوش کی وزارت نے ، اِس سے پہلے بھی ایک مراسلے میں یہ واضح کیا تھا ، آیو سمواد مہم پورے بھارت میں تقریباً 5 لاکھ لیکچروں کے ذریعے معلومات کی فراہمی اور تربیت فراہم کر رہی ہے ۔ امید ہے کہ اس مہم سے کووڈ – 19 کے بندوبست اور کووڈ کے بعد کے لئے بھی بندوبست میں آیور وید کے رول کی اہمیت اجاگر ہو گی ۔ مختلف ریاستوں اور مرکز کے زیر انتظام علاقوں میں آیوش کی شاخیں ، ریاستی آیوش کے ڈائریکٹروں اور این اے ایم کی ٹیموں کے ذریعے ، اِس مہم میں تعاون کریں گی ۔
۔۔۔۔۔۔۔۔ ۔ ۔ ۔۔۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔ ۔۔۔۔ ۔ ۔ ۔
( ش ح ۔ و ا ۔ ع ا )
U.No. 1487
(Release ID: 1697618)
Visitor Counter : 173