দি প্লান্তেসন লেবর (পি.এল.) এক্ত, ১৯৫১না প্লান্তেসনশিংদা থবক্কী ফীভম য়েংশিল্লি অমসুং তী গার্দেন ৱার্করশিং য়াওনা প্লান্তেসন শিন্মীশিংগী চাউখৎ থৌরাং ফংহল্লি। এক্ত অসিগী মতেংদগী ইমপ্লোইয়রশিংনা শিন্মীশিংদা হাউসিং, মেদিকেল ফেসিলিতীশিং, অনা-অয়েক অমসুং মেতর্নিতীগী কান্নবশিং অমসুং অমতোপ্পা মখলগী সোসিএল সেক্যুরিতীগী ওইবা কান্নবশিং ফংহল্লগনি। তী ইস্তেৎশিংগী থবক মফমশিংদা অমদি অকোইবদা তী প্লান্তেসনগী শিন্মীশিং অমসুং মখোয়গী ইমুং-মনুংশিংদা কান্নবা ফংহন্নবা শিন্মীশিংগী মচাশিংগী এজুকেসনগী ওইবা ফেসিলিতী পীনবা, থক্নবা ঈশিং, কঞ্জর্বেন্সী, কেন্তীনশিং, ক্রেস অমসুং রিক্রিএসনগী ওইবা ফেসিলিতীশিং ফংহন্নবগী প্রোবিজনশিং লৈরি। পি.এল. এক্ত অসি মরী লৈনবা রাজ্য সরকারশিংগী খুত্থাংদা ইমপ্লিমেন্ত তৌখি হায়রিবা অসিগীদমক মখোয়না তোখাইবা রুলশিং শেমখি।

খুদোংচাবশিং অসিগী মথক্তা প্লান্তেসন কম্মোদিতী বোর্দশিংনা মখোয়গী মশাগী স্কীমশিংগী মখাআ মীদিয়ম তর্ম ফ্রেমৱার্ক (এম.তি.এফ.)কী মতমগী মনুংদা শিম্মীগী চাউখৎ-থৌরাংগী খোঙথাংশিং অসি প্লান্তেসন ৱার্করশিংদসু কোনশিনহল্লি। 

সরকারনা প্লান্তেসন লেবর এক্ত অসি লেবর কোদ ওন ওক্ক্যুপেস্নেল, সেফতী, হেল্থ এন্দ ৱার্কিং কন্দিসন্স, ২০২০ অমসুং সোসিএল সেক্যুরিতী কোদ, ২০২০দা য়াওহনখি। কোদশিং অসি পার্লিয়ামেন্তদা পাস তৌখি মতুংদা রাস্ত্রপতিনা অয়াবা পীরবা মতুংদা নোতিফাইদ তৌখি। কোদ ওন সোসিএল সেক্যুরিতী ২০২০না প্লান্তেসনগী মপুশিংদা মখোয়গী শিন্মীশিংবু ই.এস.আই.সি. (ইমপ্লোইয়ী স্তেৎ ইন্সুরেন্স কোর্পোরেসন)গী মেম্বর অমা ওইনা এনরোল তৌনবা ওপ্স পীনবা হোৎনরি। ই.এস.আই.সি.না অনা-অয়েক থোরকপগী কান্নবশিং, অনইমপ্লোইমেন্ত এলাৱেন্স, মেতর্নিতী বেনিফিৎ অসিনচিংবা কান্নবা মখল কয়া অসি মখোয়গী মেম্বরশিংদা মেদিকেলকী কান্নবশিংগী মথক্তা মসিসু ফংহল্লি।

ৱেস্ত বেঙ্গলগী (অতোপ্পা মফমশিংদসু) তী গার্দেনশিংদা মপুং ওইনা য়াম্না হেকপা থাশিংগী মতমদা নেকপা তেম্পররী ৱার্করশিং থবক তৌরি। শিন্মীশিং অসিদা দি ইমপ্লোইয়ীজ প্রোবিদেন্ত ফন্দ এন্দ মিসিলেনস এক্ত ১৯৫২, দি পএমেন্ত ওফ গ্রেজ্যুতী এক্ত ১৯৭২, দি ইমপ্লোইয়ীজ কম্পেন্সেসন এক্ত ১৯২৩ অসিগুম্বা এক্তশিংগী মখাদা পীবা কান্নবশিংসু ফংহনখি।

মসিগী ই-পাউ অসি লেবর এন্দ ইমপ্লোইমেন্তগী রাজ্য মন্ত্রী (আই/সি) শ্রী সন্তোশ কুমার গঙ্গৱারনা ঙসি রাজ্য সভাদা অইবা পাউখুম ওইনা পীখি।

*****

(Release ID: 1696990) Visitor Counter : 95