ਕਾਰਪੋਰੇਟ ਮਾਮਲੇ ਮੰਤਰਾਲਾ
4,73,131 ਭਾਰਤੀ ਕੰਪਨੀਆਂ ਅਤੇ 1,065 ਵਿਦੇਸ਼ੀ ਕੰਪਨੀਆਂ ਨੂੰ ਕੰਪਨੀ ਫ਼ਰੈਸ਼ ਸਟਾਰਟ ਸਕੀਮ (ਸੀਐੱਫਐੱਸਐੱਸ), 2020 ਦਾ ਲਾਭ ਮਿਲਿਆ
प्रविष्टि तिथि:
09 FEB 2021 5:47PM by PIB Chandigarh
ਕਾਰਪੋਰੇਟ ਮਾਮਲਿਆਂ ਬਾਰੇ ਮੰਤਰਾਲੇ (ਐੱਮਸੀਏ) ਦੇ ਮੌਜੂਦ ਰਿਕਾਰਡਾਂ ਅਨੁਸਾਰ, 4,73,131 ਭਾਰਤੀ ਕੰਪਨੀਆਂ ਅਤੇ 1,065 ਵਿਦੇਸ਼ੀ ਕੰਪਨੀਆਂ ਨੂੰ ਆਪਣੇ ਬਕਾਇਆ ਦਸਤਾਵੇਜ਼ ਦਾਇਰ ਕਰਨ ਲਈ ਕੰਪਨੀ ਫ਼ਰੈਸ਼ ਸਟਾਰਟ ਯੋਜਨਾ (ਸੀਐੱਫਐੱਸ), 2020 ਦਾ ਲਾਭ ਹੋਇਆ ਹੈ।
ਇਹ ਗੱਲ ਕੇਂਦਰੀ ਵਿੱਤ ਅਤੇ ਕਾਰਪੋਰੇਟ ਮਾਮਲਿਆਂ ਬਾਰੇ ਰਾਜ ਮੰਤਰੀ ਸ੍ਰੀ ਅਨੁਰਾਗ ਸਿੰਘ ਠਾਕੁਰ ਨੇ ਅੱਜ ਰਾਜ ਸਭਾ ਵਿੱਚ ਇੱਕ ਸਵਾਲ ਦੇ ਲਿਖਤੀ ਜਵਾਬ ਵਿੱਚ ਆਖੀ।
ਕਾਰਪੋਰੇਟ ਮਾਮਲਿਆਂ ਬਾਰੇ ਮੰਤਰਾਲੇ (ਐਮਸੀਏ) ਨੇ ਪੱਤਰ ਨੰਬਰ 12/2020 ਮਿਤੀ 30.03.2020 ਦੇ ਜ਼ਰੀਏ ਕੰਪਨੀ ਫਰੈਸ਼ ਸਟਾਰਟ ਸਕੀਮ, (ਸੀਐਫਐਸਐਸ) 2020 ਦੀ ਸ਼ੁਰੂਆਤ ਕੀਤੀ ਜੋ ਕੰਪਨੀਆਂ ਨੂੰ ਕਿਸੇ ਵੀ ਸਬੰਧਤ ਫਾਈਲਿੰਗ ਨੂੰ ਦਰੁਸਤ ਕਰਨ, ਨੁਕਸ ਦੀ ਮਿਆਦ ਦੀ ਪ੍ਰਵਾਹ ਕੀਤੇ ਬਿਨਾ ਅਤੇ ਪੂਰੀ ਤਰ੍ਹਾਂ ਅਨੁਕੂਲ ਇਕਾਈ ਦੇ ਤੌਰ 'ਤੇ ਨਵੀਂ ਸ਼ੁਰੂਆਤ ਕਰਨ ਦੇ ਮੌਕੇ ਪ੍ਰਦਾਨ ਕਰਦੀ ਹੈ।
ਹੋਰ ਜਾਣਕਾਰੀ ਦਿੰਦਿਆਂ ਮੰਤਰੀ ਨੇ ਕਿਹਾ ਕਿ ਇਸ ਸਕੀਮ ਨੇ ਸਮੇਂ ਤੋਂ ਬਾਅਦ ਦਸਤਾਵੇਜ਼ ਦਾਇਰ ਕਰਨ ਵਿੱਚ ਦੇਰੀ ਨੂੰ ਮਾਫ ਕੀਤਾ ਗਿਆ ਹੈ ਅਤੇ ਜੁਰਮਾਨਾ ਲਗਾਉਣ ਲਈ ਮੁਕੱਦਮਾ ਚਲਾਉਣ ਅਤੇ ਕਾਰਵਾਈਆਂ ਤੋਂ ਛੋਟ ਮਿਲਦੀ ਹੈ, ਜੋ ਦਸਤਾਵੇਜ਼ਾਂ ਵਿੱਚ ਇੰਨੀ ਦੇਰੀ ਨਾਲ ਦਾਇਰ ਕਰਨ ਦੇ ਕਾਰਨ ਪੈਦਾ ਹੋ ਸਕਦੀ ਹੈ। ਐਮਸੀਏ -21 ਰਜਿਸਟਰੀ ਵਿੱਚ ਦਾਖਲ ਹੋਣ ਲਈ ਜ਼ਰੂਰੀ ਦਸਤਾਵੇਜ਼, ਰਿਟਰਨ ਆਦਿ ਦੇ ਸੰਬੰਧ ਵਿੱਚ 1 ਅਪ੍ਰੈਲ ਤੋਂ 31 ਦਸੰਬਰ, 2020 ਤੱਕ ਦੇਰੀ ਦੇ ਅਰਸੇ ਦੌਰਾਨ ਦਾਇਰ ਕਰਨ ਲਈ ਕੋਈ ਵਾਧੂ ਫੀਸ ਨਹੀਂ ਲਈ ਗਈ।
ਰਾਜ / ਕੇਂਦਰ ਸ਼ਾਸਤ ਪ੍ਰਦੇਸ਼ ਅਧਾਰਤ ਸਕੀਮ ਦਾ ਲਾਭ ਲੈਣ ਵਾਲੀਆਂ ਕੰਪਨੀਆਂ ਦੀ ਸੰਖਿਆ ਅਨੁਬੰਧ - ਏ ਦੇ ਅਨੁਸਾਰ ਹੈ।
****
ਆਰਐਮ / ਕੇਐੱਮਐੱਨ
(रिलीज़ आईडी: 1696605)
आगंतुक पटल : 178