نئی دہلی،  09: فروری 2021: ہریانہ ، پنجاب ، اترپردیش  اور قومی دارالحکومت خطہ  دلی کی سرکاروں کے ذریعہ  ہوا میں آلودگی  کے مسئلےسے نمٹنے  اور فصلوں کے باقیات کے کھیت میں بندوبست کے لئے ضروری  سبسڈی  پر مشینری  فراہم کرنے کی کوششوں  میں مدد کے لئے بجٹ 2018  میں ایک خصوصی اسکیم   کے اعلان پر عمل کرتے ہوئے  19-2018 اور 20-2019  کے دوران  پنجاب ، ہریانہ ، اترپردیش  اور قومی دارالحکومت خطہ دلی میں    فصلوں کے باقیات  کے کھیت میں بندوبست کی خاطر زرعی مشینوں کے فروغ دینے کے لئے مرکزی سیکٹر کی ایک اسکیم  (100فیصد مرکزی حکومت کے فنڈ والی )   کو نافذ کیا گیا ہے، جس کا مقصد  ہوا میں آلودگی سے ماحولیات کا تحفظ اور  فصل کے باقیات  کو جلانے سے  مٹی کی زرخیزی کو ہونےوالے نقصانات   سے بچنے  ، مناسب  مشینوں کے استعمال سے فصل کے باقیات کو،  مٹی میں  ملاکر  اس کی  زرخیزی کو برقراررکھنے ، عملی مظاہروں  کے ذریعہ  فریقوں میں  بیداری پیدا کرنے   ، معلومات ، تعلیم اور مواصلات کی حکمت عملی  کے ذریعہ  صلاحیت سازی کی سرگرمیاں شروع کرکے فصلوں کے باقیات کے بندوبست اور ان کے موثر استعمال  کو عام کرنا ہے۔اس  اسکیم کو سال 21-2020  کے مزید توسیع دی گئی تھی۔ سال 19-2018 سے   21-2020 تک ان ریاستوں کو  1726.67  کروڑروپے فراہم کئے گئے ۔ اس فنڈ کے ذریعہ ریاستوں کو  1.58  لاکھ سے زیادہ مشینیں  انفرادی طور پر کسانوں کو فراہم کی گئیں اور 30961   مشینیں کسٹم ہائر نگ سینٹر وں کو  دی گئیں۔ پنجاب ، ہریانہ اور اترپردیش  سال 2020  میں فصلوں کے باقیات جلانے  کے واقعات میں  2016  کے مقابلے 30 فیصد کی کمی آئی ہے۔ پنجاب میں  یہ کمی 22.7 فیصد  ، ہریانہ میں  63.8فیصد اور اترپردیش میں  52.01 فیصد ہوئی ہے ۔

*************

ش ح۔وا ۔رم

U- 1317

(Release ID: 1696422) Visitor Counter : 131