আত্মানির্ভর ভারত রোজগার য়োজনা (এ.বি.আর.ৱাই.) অসি সোসিএল সেক্যুরিতীগী কান্নবশিংগা লোইননা অনৌবা থবক পীনবা ইমপ্লোইয়রশিংদা মতেং পাংনবা অমসুং কোবিদ-১৯ লাইচৎ মনুংদা থবক মাংলুরবা অদুবু থবক অমুক হন্না পীনবা হৌদোকখিবনি, স্কীম অসিগী মখাদা;

• ২০২০গী ওক্তোবর ১গী মমাংদা ইমপ্লোইয়ীজ প্রোবিদেন্ত ফন্দ ওর্গনাইজেসন (ই.পি.এফ.ও.)দা রেজিস্তর তৌরবা ইস্তাব্লিশমেন্ত অমা হেক্তদা থবক তৌদবা থাগী ওইনা খুশুমল লুপা ১৫০০০/-দগী তানা ফংবা অমসুং ২০২০গী ওক্তোবর ১গী মমাংদা য়ুনিভর্সেল একাউন্ত নম্বর নত্ত্রগা ই.পি.এফ. মেম্বর একাউন্ত নম্বর লৈতবা অদুগুম্বা ইমপ্লোইয়ী অমনা কান্নবা অসি লৌবা য়াই।
• কোবিদ লাইচৎ মনুংদা ০১.০৩.২০২০দগী ৩০.০৯.২০২০ ফাওবদা থবক্তগী তোকখ্রবা থাগী খুশুমল লুপা ১৫০০০/-দগী তানা ফংবা য়ুনিভর্সেল একাউন্ত নম্বর (য়ু.এ.এন.) পাইবা অমসুং ৩০.০৯.২০২০ ফাওবদা ই.পি.এফ.না কভর তৌবা ইস্তাব্লিশমেন্ত অমা হেক্তদা থবক তৌদ্রিবা ই.পি.এফ. মেম্বর অমা হেক্তনা কান্নবা অসি লৌবসু য়াই।

ইমপ্লোইয়ীজ প্রোবিদেন্ত ফন্দ ওর্গনাইজেসন (ই.পি.এফ.ও.)গী খুত্থাংদা ইমপ্লিমেন্ত তৌরিবা স্কীম অসিনা এম.এস.এম.ই. য়াওনা তোঙান তোঙানবা সেক্তরশিং/ইন্দস্ত্রীশিংগী ইমপ্লোইয়রশিংদা শেনগী পোৎলুম হন্থহল্লি অমসুং অহেনবা শিন্মীশিং থবক পীনবা মখোয়বু থৌগৎলি। এ.বি.আর.ৱাই.গী মখাদা ভারত সরকারনা ই.পি.এফ.ও. রেজিস্তর তৌরবা ইস্তাব্লিশমেন্তশিংগী থবক পীরিবা মশিংগী মখা পোন্না ইমপ্লোইয়ীশিংগী সিয়র (খুশুমলগী ১২%) অমসুং ইমপ্লোইয়রশিংগী সিয়র (খুশুমলগী ১২%) অনিমক্কী পীবা য়াবা কন্ত্রিব্যুসন নত্ত্রগা ইমপ্লোইয়ীশিংগী সিয়র খক্তা পুথোক্লি। স্কীম অসি ২০২০গী ওক্তোবর ১দগী হৌখি অমসুং ২০২১গী জুন ২০ ফাওবা ইলিজিবল ইমপ্লোইয়রশিং অমসুং অনৌবা ইমপ্লোইয়ীশিংগী রেজিস্ত্রেসন তৌনবা হাংদুনা থমখিগনি। সরকারনা রেজিস্ত্রেসন তৌখিবা তাং অদুদগী চহি অনিগী সবসিদী পীগনি।

স্কীম অসি ইমপ্লিমেন্ত তৌনবগী অপুনবা মতমগী মদুদি ২০২০দগী ২০২১ ফাওবগী সরকারনা অয়াবা পীখিবা আউৎলে অসি লুপা করোর ২২৮১০নি।

মসিগী ই-পাউ অসি লেবর এন্দ ইমপ্লোইমেন্তগী রাজ্য মন্ত্রী (আই/সি)  শ্রী সন্তোশ কুমার গঙ্গাৱরনা ঙসি রাজ্য সভাদা অইবা পাউখুম ওইনা পীখিবনি।

*****

(Release ID: 1696391) Visitor Counter : 133