সাইন্তিস্তশিংনা অসাম অমসুং অরুনাচল প্রদেশকী ঙমখৈদা লৈবে হিমেবস্তি খুঙ্গঙদা থোকখিবা, পুৱারীদা লামায়দা সাদিয়া য়ুহা হাবা হায়না ইশিল্লম্বা অমদি লমদমদুদা চাউনা অমাঙ অতা থোকহনখিবা অমসুং মফম অদুবু ১৬৯৭ সি.ই.দা মাঙহন তাকহল্লমখিবা য়ুহা হায়বগী থৌদোক অমগী অহানবা জিওলোজিকেল খুদম চাংদমশিং ফংবা ঙম্লে‍।

ফংলিবা অসিনা নোংপোক হিমালয়াগী সিস্মিক হজার্দ মেপ অমা শেমগৎপদা মতেং ওইরগনি অমদি মফমসিদা শেমগৎ শাগৎপা অমদি থৌরাং য়াৎপদা মতেং ওইরগনি‍।

পুৱারীগী অর্কাইবশিংনা নোংপোক হিমালয়া পরিংদা তোয়না থোক্লিবা অদুগা জিওলোজিকেল খুদম চাংদমদা মরাং কায়না লৈতবা য়ুহা হায়বগী ৱাফমশিং পল্লিবসিনা মীওই মিলিয়ন কয়ানা লৈরিবা মফমসিদা থৌদোকশিং অসিনা লৈমায়গী ফীভমবু কায়হনবরা নৎত্রগা খঙদনা লৈরম্বনরা অমদি মদুনা লমদমসিগী সিস্মিক বদজেত্তা তমদৌনা মতেং ওইবগে হায়বা ৱাহং কয়া থোরকহল্লি‍।

ভারত লৈঙাক্কী দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী মখাদা লৈবা থিজিন হুমজিনবগী ইন্সতিত্যুৎ অমা ওইরিবা ৱাদিয়া ইন্সতিত্যুৎ ওফ হিমালয়ান জিওলোজী (দব্লিউ.আই.ঐচ.জি.)গী সাইন্তিস্তশিংনা ১৬৯৭গী সাদিয়া য়ুহা য়াবগী মমি তাবা খ্বাইদগী নৌরিবা থৌদোকশিং থোকখিবা ভারতকী অরুনাচল প্রদেশকী হিমেবস্তি খুঙ্গঙদা লৈবা অচৌবা লোক অমদা থিজিন্দুনা অনৌবা জুওলোজিকেল তেক্নিংকশিং শীজিন্নদুনা নৈনখি‍।

মখোয়না অৱাং নোংপোক্কী দিপ্পিং ফোল্ত জোন পরিংদা থ্রস্ত ফোল্ত অমনা ফীভম কায়হনখিবা তুরেলশিং অমসুং খোংলমশিংগা মরী লৈনবা এক্সপোজ দিপোজিতকী মওংদা লৈরম্বা অহানবা জিওলোজিকেল সর্ফেস রপচর সিগনেচর ফংখি‍। মফম অসিদা থোকখিবা ফোল্তিংগী থৌদোক্কী মরম লেপথোক্নবগীদমক, কাঙবু অদুনা লোক্নুংগী এক্সপোজর অদুদগী রেদিওকার্বোন সেম্বল কুনমাথোইগী মতম লেপখি‍।

মখোয়না সুবানসিরি তুরেলগী মচিন্দা (সাদিয়া তাউন সুবান্সিরি তুরেলগী খা-নোংপোক্লোমদা কি.মি. ১৪৫রোম লাপ্না লৈ) লৈবা খ্বাইদগী নৌরিবা ফল্দ দিপোজিত্তা অচৌবা উজাউ অমা ফুমজিন্দুনা লৈরম্বা থেংনদুনা এবোর্তিব ওইবা মওংদা থা তরুক ফাওবগী এফ্তরসোক ময়াম্না মরম ওইরগা তুরেলশিংদা য়ুহা হাখিবা মতুংদা ফুঞ্জিল্লকপগী ফীভম লৈরম্বা য়াই হায়বা থেংনখি‍। থিজিনবগী পাউদম অসি ইকুই কুইদ্রিঙৈদা ‘সাইন্তিফিক রিপোর্ত’ চেফোঙদা ফোঙখ্রে‍।

লোহিত তুরেলগী য়েৎ থংবা তোর্বান্দা নোংপোক হিমালয়াগী উমংনা কোয়শিনবা নাপী হৌবা তম্পাক্তা লৈরিবা সাদিয়াদা থোকখিবা য়ুহা য়াবগী থৌদোকপু থিজিনখিবসিনা নোংপোক হিমালয়াগী সিস্মিক হজার্দ এসেসমেন্ততা মরুওইবা মফম অমা হাপচিন্দুনা লমদমদুদা লৈরিবা মীয়ামদা কান্নহল্লগনি অমদি মালেমগী খ্বাইদগী মী কুঙনা তাবা মফমশিংগী মরক্তা অমা ওইরিবা নোংপোক হিমালয়া চীংখোঙ পরিংদা হেন্না ফবা ইনফ্রাস্ত্রকচর শেমগৎপদা মতেং ওইরগনি‍।

ফিগর ১. নোংপোক হিমালয়াগী সিস্মোতোনিক মেপ অমসুং য়ুহা য়াখিবগী ক্রোনোলোজী‍। ১৯৬৭ এ.দি.দা সাদিয়াদা থোকখিবা মেগ্নিচুদ ৭.৯ ± ০.২গী য়ুহা য়াবগা মরী লৈনবা ওবজার্বেসনশিং অমসুং মোদেলশিংগী মহৈ‍। পেলিওসিস্মোলোজিকেল স্তদিশিংদগী ফংবা সর্ফেস রপচর ইনফোর্মেসন: কুমার এত অল. (২০১০) অমসুং প্রিয়াঙ্কা এত অল., (২০১৭) না: নামেরি, হর: হরমুত্তী, অমসুং পা:পাসিঘাতকী মতুং ইন্না তরাতরেৎশুবা চহীচাদা সর্ফেস রপচর থোকখিবগী ফীভম উদবা হিম হিমেবস্তি (স্তদি অসিমক), নিগ: নিগলোক (প্রিয়াঙ্কা, ২০১৮) মফমশিং‍। ইন্তেন্সিতী ওবজার্বেসনশিং অইবা ৱারোল ওইনা তাক্লি: সা: সাদিয়া, বা: বারনদি থোং‍।

[পব্লিকেসন লিঙ্ক: https://www.nature.com/articles/s41598-020-79571-w]

******