ঙাকশেল মন্ত্রালয়
রাস্ত্রপতি শ্রী রাম নাথ কোবিন্দনা এরো ইন্দিয়া ২০২১গী ভেলেদিক্তরী ফঙ্কসন শরুক য়াখ্রে;
এক্সপো অসিনা লৈবাক অসিনা দিফেন্স সেক্তরদা মশা মরোমদোম লৈপচবা ঙম্বা অমসুং মপান লৈবাক্তা থাদোকপদা মতেং পাংলগনি হায়না রাস্ত্রপতি শ্রী রাম নাথ কোবিন্দনা ফোংদোকখ্রে;
ফজরবা ফ্লাইং দিস্প্লে অমা উৎতুনা নুমিৎ হুমনিগী থৌরম অসি লোইশিনখি;
য়ানা ৱারোল ২০০ হেনবা, প্রদক্তশিং, তেক্নোলোজী ত্রান্সফরদা লোইশিনখি
Posted On:
05 FEB 2021 7:58PM by PIB Imphal
বেঙ্গলুরুদা নুমিৎ হুম্নি চংনা ইন্তরনেস্নেল ইভেন্ত অমা ওইনা পাংথোক্লিবা এরো ইন্দিয়া ২০২১, ২০২১গী ফেব্রুৱারি ৫দা লোইশিনখ্রে৷ মসিদা লৈবাক অসিগী দিফেন্স ইন্দিস্ত্রী অমসুং এরোস্পেস অসি মখাতানা চাৎখৎপা পুরক্নবা প্রদক্ত লৌঞ্চ তৌখিবা, তেক্নোলোজী ত্রান্সফর তৌবা য়াওনা য়ানা ৱারোল ২০১ খন্নখ্রে৷ থৌরম অসি রাস্ত্রপতি শ্রী রাম নাথ কোবিন্দ অমসুং ফর্স্ত লেদী শ্রীমতি সবিতা কোবিন্দনা ইকাই খুম্নবা উৎতুনা লোইশিনখি৷
থৌরম অসিদা এগজিবিতর ৬০০ হেনবনা হকথেংননা শরুক য়াখি অমসুং অতোপ্পা ১০৮না ভর্চুয়েল ওইবা মওংদা শরুক য়াখি৷ থৌরম অসিদা ব্যুজিনেস-২-ব্যুজিনেস মীফম ৩০০০রেম পাংথোকখ্রে অমসুং মপান লৈবাক ৬৩দগী মীহুৎশিংনা থৌরম অসিদা শরুক য়াখি৷ চহী ২৫ শুরবা এরো ইন্দিয়াগী ১৩শুবা ইদিসন অসি কোবিদ-১৯গী চৈথেংশিং অসি থেংনা-থেংননা মালেম অসিগী ওইনা অহানবা পাংথোকপা হাইব্রিদ দিফেন্স অমসুং এরোস্পেস এগজিবিসন ওইনা শিনখিবনি৷
ভারত লৈবাক অসি মার্কেৎ অমা ওইবদা নত্তনা দিফেন্স সেক্তর য়াওনা তোঙান তোঙানবা খপদোংচাবা কয়া ফংলিবা মফম অমনি হায়না রাস্ত্রপতি শ্রী রাম নাথ কোবিন্দনা ফোংদোকখ্রে৷ ভারত লৈবাক অসি মশা মরোমদোম লেপচবা ঙম্বা অমসুং মপান লৈবাকশিং অসিদা পোৎ-চৈশিং এক্সপোর্ত তৌবা হায়বা পান্দম অনি অসিগা লোইননা ভারত লৈবাক অসি মালেম অসিদা দিফেন্স সেক্তরদা মপাঙ্গল লৈরবা মকোক ওইবা লৈবাকশিং অসিগী মনুং চলহন্নবা পান্দম থমদুনা সরকার অসিনা পোলিসী ইনিসিয়েতিব কয়া অমা লৌখৎখ্রে হায়না মহাক্না মখাতানা ফোংদোকখ্রে৷ ভারততা য়ুনিতশিং হাংদোক্নবা মেনুফেকচররশিং অসিবু থৌনা পীবা ওইনা সরকার অসিনা ‘ইজ ওফ দুইং ব্যুজিনেস’ অসি য়োকখৎনবা মীৎয়েং থম্লি হায়না রাস্ত্রপতি অসিনা ফোংদোকখ্রে৷
ইন্দিয়ন প্রাইভেৎ অমসুং পব্লিক সেক্তর ইন্দস্ত্রী অমসুং মালেম অসিগী মমিং লৈরবা অশেংবা ইক্যুইপমেন্তশিং শাজরিবা মেনুফেকচররশিং অসি পুনশিন্ননবা অমসুং পোৎশিং অসি লৈনিংবা কস্তমরশিং অসিদা প্রদক্তশিং অসি উৎথোক্নবগী অখন্নবা প্লেতফোর্ম অদু এরো ইন্দিয়া অসিনা ফংহল্লি হায়না রক্সা মন্ত্রী শ্রী রাম নাথ কোবিন্দনা মহাক্কী মমাংগী ৱারোলদা ফোংদোকখ্রে৷ কোবিদ-১৯গী চেলে়ঞ্জশিং অসি লৈনা-লৈনা এরো ইন্দিয়া অসিদা মীওই ১৬,০০০ রোম হকথেংননা শরুক য়াখ্রে অমসুং মীওই লাখ ৫ রোম ভর্চুয়েল মোদতা মাই পাক্না শরুক য়াদুনা পুক্নিং চিনশিনবা ঙমখ্রে হায়না মহাক্না ফোংদোকখ্রে৷ থৌরম অসিদা য়ানা ৱারোল কয়া অমা পীনখ্রে অমসুং লুপা কোতি ২০৩ হেনবগী ওর্দরশিং এম.এস.এম.ই.শিংনা ফংখিবা অসিনা পাংথোক্লিবা এগজিবিসন অসি মাই পাক্লে হায়বা অসি উৎলে হায়না মহাক্না ফোংদোকখ্রে৷
ভারতপু মশা মরোমদোম লেপচবা ঙমহনবা হায়বা অসিনা লৈবাক অসিবু ময়ামদগী তোখায়না তাহনবা নত্রগা শেল-থুমশিং মপান লৈবাকশিং অসিদা থাদোক্তনবগী নত্তে মসিনা মেলমগী লৈরিবা থাক অসিদা ভারতপু অফবা কম্পিতেতিব প্লেয়র অমা ওইহন্দুনা অমসুং মালেম অসিগী কম্পেনীশিং অসিগী কম্পেনীশিং অসিনা লোইননা পুন্না চৎমিন্নদুনা গ্লোবেলাইজেসন অসি হেন্না য়োকখৎনবা হোৎনবনি হায়না রক্সা মন্ত্রীনা ফোংদোকখ্রে৷ লাক্কদৌরিবা চহী ৭-৮ অসিদা মিলিতরী অসি মোদর্নাইজেসন তৌদুনা সেক্যুরিতী ফিভম অসি হেন্না ফগৎনবা ভারতনা য়ু.এস. দোলর বিলিয়ন ১৩০রোমগী শেনফম থাদরগনি হায়না মহাক্না ফোংদোকখ্রে৷
দিফেন্স স্তাফকী চীফ জেনেরেল বিপিন রৱত, এয়র স্তাফকী চীফ এয়র মার্শেল রাকেশ কুমার সিংহ ভাদৌরিয়, আর্মী স্তাফকী চীফ জেনেরেল এম.এম. নরবেনি, নেভেল স্তাফকী চীফ এদমাইরেল করম্বির সিংহ, দিফেন্স সেক্রেতরী দা. অজে কুমার, দিফেন্স আর অমসুং দি দিপার্তমেন্তগী সেক্রেতরী অমসুং দি.আর.দি.ও.গী চিয়রমেন দা. জি. শাথীশ রেদ্দী, কর্নতকাগী মন্ত্রীশিং অমসুং পার্লিয়ামেন্তগী মীহুৎশিং অমসুং দিফেন্স মন্ত্রালয়গী অমসুং কর্নতকা সরকারগী সেনিয়র সিভিল অমসুং মিলিতরী ওফিসিয়েলশিংনা থৌরম অসিদা শরুক য়াখি৷
******
(Release ID: 1695925)
Visitor Counter : 77