এম.এস.এম.ই. অমসুং রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গাদকারীনা খু্ঙ্গংগী থাক্তা অওনবা অমা, অনৌবা পুথোক্তুনা মরুওইনা খুঙ্গংগা চান্নবা রিসর্স বেজ তৌবা তেক্নোলোজি অমা থৌরাং তৌনবা হায়রি। মহারাস্ত্রগী ৱার্ধাদা মহাত্মা গান্ধী ইন্তর্নেস্নেল হিন্দী য়ুনিভর্সিতিদা পাংথোকপা ৱাকর্সোপ অমদা ৱা ঙাংবদা হায়খিবনি মসিদা মিনিস্তরনা ভিল্লেজ ইন্দস্ত্রীজ অমসুং খাদীনা চহিগী ওইনা লুপা করোর ৮৮,০০০ পুথোক্লি। মসি করিগুম্বা পোলিসি অসি হোংদোক হোংজিন য়ারবা অমসুং অনৌবা ৱাখল্লোল অমা পুথোক্লবা অমসুং খুঙ্গংদা লৈরিবা মীওইশিং অসিগী পুন্সি অসি ফগৎনবা হোৎনরবদি হায়রিবা শেনফম অসি হেনগৎহনবা য়াগনি। মিনিস্তর অসিশু হায়খি মদুদি খুঙ্গংগী পোত্থোকশিং অসি মার্কেৎ ফজনা তৌরবদি মখোয় অসি ফজনা য়োনবা য়াগনি।

মহাত্মা গান্ধী, ভিনোভা ভাবে, পন্দীত দীনদায়াল উপাধ্যানা, রাম মনোহার লোহিয়া অমসুং জায়াপ্রকাশ নারায়নগী ৱাখল্লোল নিংশিংলদুনা মহাক্না হায় মদুদি পান্দম অসি চপ মান্নৈ – খুঙ্গংদা লৈবা লায়ররবশিংগী পুন্সি মহিং অসি ফগৎহনবা অসিনি। খুঙ্গংগী মফমশিংদা থবক পীবা নত্তনা অতৈ পাম্বৈ অমত্তা লৈতে, মসি নত্ত্রবদি মখোয়দা লৈরিবা শেংলবা অমসুং খুদোংচাবা লৈরিবশিং অসি ফংদনা মখোয়গী মংলানশিং অসি মাংখ্রগনি, হায়না মহাক্না হায়খি। লৈবাক অসিগী মীশিংদা ৩০% অমদি খুঙ্গংদা ইকোনোমী চাওখৎতবা মরম্না মফম হোংদুনা চৎনরি, হায়না মিনিস্তরনা হায়রি।

এম.এস.এম.ই. অসিনা ৩০% ইন্দিয়াগী জি.দি.পি.দা পীরি অমসুং অসিদুম্বা য়ুনিৎ করোর ৬.৫ লৈরি হায়বা অসি উৎতুনা শ্রী গাদকারীনা হায় মদুদি সরকার অসিনা জি.দি.পি. ৪০% দা হেনগৎনবা পান্দম থম্লি, মসিনা খুঙ্গংগী লায়ররবাশিংদা কান্নবা পীরগনি। মহাক্না মরপ ওইবা পীদুনা হায় মদুদি পোলিসিশিং অসি লায়ররবদা শক্তি পীনবা শেমগদবনি। মিনিস্তরনা হায় মদুদি, “ঐখোয়না নোংচুপলোমগী পোৎতা অপাম্বা লৈতে, অদুবু ঐখোয়না খুঙ্গংশিংদা মতমগা চান্ন-চুন্নবা অমদি পাম্মী। মসি সোসিও-ইকোনোমিক্কী অওনবা অমা পুরক্নবগী মতম হায়বা অদু ওইরে”।

>>>>>>>>>>>>>>>