نئی دہلی۔ 06 فروری     وزیر اعظم ، جناب نریندر مودی نے آج ویڈیو کانفرنسنگ کے ذریعہ گجرات ہائی کورٹ کی ڈائمنڈ جوبلی کے موقع پر منعقدہ ایک تقریب سے خطاب کیا۔ انہوں نے ہائی کورٹ کے قیام کے ساٹھ سال مکمل ہونے پر ایک یادگاری ڈاک ٹکٹ بھی جاری کیا۔ اس موقع پر مرکزی وزیر قانون و انصاف ، سپریم کورٹ اور گجرات کے ہائی کورٹ کے جج ، اور گجرات کے وزیر اعلی اور قانونی  برداری کے ممبران بھی  موجود تھے۔

اس موقع پر خطاب کرتے ہوئے ، وزیر اعظم نے کووڈ -19 وبائی مرض کی مشکل گھڑی میں بھی انصاف کی فراہمی کے لیے محکمہ انصاف ، وزارت قانون و انصاف  کے ذریعہ کی جانے والی عدالتی اصلاحات کی تعریف کی۔ انہوں نے کہا کہ گجرات ہائی کورٹ نے ویڈیو کانفرنسنگ ، ایس ایم ایس کال آؤٹ ، ای-فائلنگ مقدمات اور 'ای میل مائی کیس اسٹیٹس 'کے ذریعہ جلد سماعت کی شروعات کر کے اپنے موزوں صلاحیت کا اظہار کیا۔ عدالت نے یوٹیوب پر بھی اپنے ڈسپلے بورڈ کی اسکریننگ شروع کی اور ویب سائٹ پر اپنے فیصلے اور احکامات اپ لوڈ کئے۔ گجرات ہائی کورٹ عدالتی کارروائی کی لائیو اسٹریمنگ کرنے والی ملک کی پہلی عدالت بن گئی ہے۔ وزیر اعظم نے اس بات پر  اطمینان کا اظہار کیا کہ وزارت قانون کی ای کورٹس انٹگرٹیڈ مشن موڈ پروجیکٹ کے ذریعہ قائم  ڈیجیٹل بنیادی ڈھانچے کودیگر  عدالتوں کے ذریعہ بہت تیزی سے اختیار کیا گیا۔ جناب وزیر اعظم نے بتایا کہ آج  18 ہزار سے زیادہ عدالتوں کو کمپیوٹر سےمربوط کردیا گیا ہے اور ٹیلی کانفرنسنگ اور ویڈیو کانفرنسنگ کو سپریم کورٹ کے ذریعہ قانونی منظوری دینے کے بعد عدالتوں میں ای کاروائی میں ایک نئی رفتار دیکھنے میں آرہی ہے۔ وزیر اعظم نے کہا ، "یہ بڑی فخر کی بات ہے کہ ہماری سپریم کورٹ نے دنیا کی تمام اعلی عدالتوں  کے مقابلے ویڈیو کانفرنسنگ کے ذریعے سب سے زیادہ مقدمات کی سماعت کی ہے۔"

مقدمات کی ای-فائلنگ  اور مقدمات کی انفرادی شناختی کوڈ  اور کیو آر کورڈ سے 'انصاف کی آسانی' کو ایک نئی جہت حاصل ہوئی ہے جس کے باعث قومی جوڈیشیل ڈاٹا گرد کے قیام کو فروغ ملا ہے۔ یہ گرڈ وکلاء اور مؤکلین کو اپنے مقدمات کے بارے میں جانکاری حاصل کرنے میں مدد ملے گی۔ یہ 'انصاف کی آسانی ' نہ صرف زندگی کو آسان بنانے میں مدد کر رہا ہے بلکہ کاروائی کو آسان بنانے میں بھی معاونت کر رہا ہے۔ کیونکہ غیر ملکی سرمایہ کار اپنے عدالتی حقوق کے تحفظ کے بارے میں زیادہ پر اعتماد محسوس کررہے ہیں۔ عالمی بینک نے بھی  نیشنل جوڈیشل ڈیٹا گرڈ کی تعریف کی ہے۔ سپریم کورٹ اور این آئی سی کی ای کمیٹی  کلاؤڈ پر مبنی بنیادی ڈھانچے تشکیل دے رہی ہے۔ وزیر اعظم نے بتایا کہ ہمارے نظام کو مستقبل کے لئے تیار کرنے کے لئے مصنوعی ذہانت کے استعمال کے امکانات کی تلاش کی جارہی ہے۔ اس سے عدلیہ کی استعداد کار اور رفتار میں اضافہ ہوگا۔

ای لوک عدالتوں کا ذکر کرتے ہوئے ، وزیر اعظم نے 30-40 سال پہلے جونا گڑھ میں پہلی ای لوک عدالتوں کا تذکرہ کیا۔ آج ، ای لوک عدالتیں بروقت اور آسان انصاف کا ذریعہ بن چکے ہیں کیونکہ 24 ریاستوں میں لاکھوں مقدمات کی سماعت ان عدالتوں میں کی گئی  ہے۔ وزیر اعظم نے کہا کہ یہ رفتار ، اعتماد اور سہولت آج کے عدالتی نظام کی مانگ ہے۔  

وزیر اعظم نے کہا کہ خود انحصار ہندوستان مہم عدالتی جدید کاری کی کوششوں میں بڑا کردار ادا کرے گا۔ اس مہم کے تحت ، بھارت اپنے ویڈیو کانفرنس پلیٹ فارم کو فروغ دے رہا ہے۔ اعلی عدالتوں اور ضلعی عدالتوں میں ای خدمات مراکز ڈیجیٹل تفریق کو ختم کرنے میں معاون ثابت ہو رہے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔

 (م ن ۔ رض (

U-1250