প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী থোংদা গুজরাতকী হাই কোর্তকী দাইমন্দ জুবিলী পাল্লন তৌবগী থৌরমদা ৱা ঙাংখ্রে। মহাক্না হাই কোর্ত অসি লিংখৎখিবা চহি হুমফু মপুং ফারকপদা কোম্মেমোরেতিব পোস্তেজ স্তাম্প অমসু ফোঙখ্রে। থৌরম অদুদা লো এন্দ জস্তিসকী কেন্দ্রগী মন্ত্রী, গুজরাতকী সুপ্রিম কোর্ত অমসুং হাই কোর্তকী জজশিং অমসুং গুজরাতকী মুখ্য মন্ত্রী অমসুং লো ফ্রাতর্নিতীগী মীহুৎশিং শরুক য়াখ্রে।

থৌরম অসিদা ৱা ঙাংবদা প্রধান মন্ত্রীনা কোবিদ-১৯ লাইচৎকী অৱাবা মতমশিংদা ৱায়েল ফংহন্নবা লো এন্দ জস্তিস মন্ত্রালয়গী দিপার্তমেন্ত ওফ জস্তিসনা জুদিসিএলগী ওইবা রিফোর্মশিং পুরকখিবা অদুগীদমক থাগৎখ্রে। মহাক্না হায় গুজরাত হাই কোর্তনা অঙনবা শরুক্তগী হিয়রিং অসি ভিদিও কনফরেন্স ওইনা তৌবা, এস.এম.এস. কোল-আউৎ, কেসশিং ই-ফাইলিং তৌবা অমসুং ‘ইমেল মাই কেস স্তেতস’ য়াহনদুনা মখোয়না ফীভমগী মতুং ইন্না চান্ননা থবক পাইখৎপা ঙম্মি উৎখ্রে। কোর্তনা মাগী দিসপ্লে বোর্দ য়ুত্যুবতা স্ত্রীমিং তৌবা হৌখি অমসুং মাগী তাখিবা রাইসং অমসুং ওর্দরশিং ৱেবসাইৎতা অপলোদ তোখি।  গুজরাত হাই কোর্তনা কোর্ত প্রোসিদিং লাই ওইনা স্ত্রীম তৌবা অহানবা কোর্ত ওইখি। লো মন্ত্রালয়না মাগী ই-কোর্তশিংগী ইন্তিগ্রেতেদ ওইবা মিসন মোদ প্রোজেক্ত কোর্তশিংনা য়াম্না থুনা পাইখৎতুনা দিজিতেল ইনফ্রাস্ত্রকচর লৈহনখিবা অসিদা প্রধান মন্ত্রীনা অপেনবা ফোঙদোকখ্রে। শ্রী মোদীনা হায় ঙসি কোর্ত লিশিং ১৮ হেন্না কম্প্যুতরাইজ তৌখ্রে অমসুং সুপ্রিম কোর্তনা তেলি-কনফরেন্সিং অমসুং ভিদিও কনফরেন্সিংগী আইনগী ওইবা অয়াবা পীখ্রবা মতুংদা কোর্তকী ই-প্রোসীদিংশিং অনৌবা মায়োল অমদা চংশিল্লকখ্রে। “মালেমগী সুপ্রিম কোর্ত পুম্নমক্কী মরক্তা ঐখোয়গী সুপ্রিম কোর্তশিংনা ভিদিও কনফরেন্সিংগী থোংদা কেসকী হিয়রিং মশিং খ্বাইদগী য়াম্না পাঙথোকখিবা অসি ঐখোয়গী চাউথোকচনিংঙাইনি” হায়না প্রধান মন্ত্রীনা ফোঙদোকখ্রে।

কেসশিং ই-ফাইলিং য়াহনবা, কেসশিংগী য়ুনিক আইদেন্তিফিকেসন কোদ অমসুং ক্যু.আর. কোদ পীবা অসিনা ইজ ওফ জস্তিস অনৌবা মায়োলদা পুদুনা নেস্নেল জুদিসিএল দেতা গ্রিদ লিংখৎহনখি। গ্রিদ অসিনা উকিলশিং অমসুং ৱাকৎলক্লিবা মীওইশিংদা মখোয়গী কেসশিংগী মরমদা খঙহনবদা মতেং পাংগনি। মসিগী ইজ ওফ জস্তিস অসিনা ইজ ওফ লিবিং হেনগৎহনবা খক্তা নত্তনা ইজ ওফ দুইং বিজিনেস হেনগৎহনদুনা মপাল লৈবাক্কী ইনবেস্তরশিংনা মখোয়গী জুদিসিএলগী ওইবা হকশিং অদু খুদোংথিনিঙাই ওইদে হায়না হেন্না থাজবা পোকহনখি। ৱর্ল্দ বেঙ্কনসু নেস্নেল জুদিসিএল দেতা গ্রিদ অসি থাগৎলকখ্রে। সুপ্রিম কোর্ত অমসুং এন.আই.সি.গী ই-কম্মিতীসু সেফ ক্লাউদ-বেজ ইনফ্রাস্ত্রকচর শেম্লি। প্রধান মন্ত্রীনা হায় ঐখোয়গী সিস্তেম অসি ফ্যুচর রেদী ওইন্ন্নবা আর্তিফিসিএল ইন্তেলিজেন্স শিজিন্নবগী ওইথোকপশিং অদু থিজিল্লি। মসিনা জুদিসিএরীগী মতিক ময়াই অমসুং খোঙজেল হেনগৎহনবা ঙম্লগনি।

ই-লোক অদালৎশিংগী মতাংদা ৱা ঙাংবদা প্রধান মন্ত্রীনা চহি ৩০-৪০গী মমাংদা জুনাগরগী অহানবা ই-লোক অদালৎ অদু পনখ্রে। ঙসি রাজ্য ২৪দা কেস লাখ কয়াগী হিয়রিং পাঙথোক্তুনা ই-লোক অদালৎশিংনা মতম চানা অমসুং লায়না ৱায়েল পীনবা পাম্বৈ ওইরি। মসিগী খোঙজেল, থাজবা অমসুং অরায়বা মওং অসি ঙসিগী জুদিসিএল সিস্তেমগী অপাম্বনি হায়না প্রধান মন্ত্রীনা ফোঙদোকখ্রে।

প্রধান মন্ত্রীনা হায় আত্মা নির্ভর অভিয়ান্না জুদিসিএল মোদর্নাইজেসন তৌনবা হোৎনবদা অচৌবা থৌদাং অমা লৌগনি। অভিয়ান অসিগী মখাদা ভারতনা মাশাগী ওইবা ভিদিও কনফরেন্স প্লেৎফোর্ম প্রমোৎ তৌরি। হাই কোর্তশিং অমসুং দিস্ত্রিক্ত কোর্তশিংদা লৈরিবা ই-সেবা কেন্দ্রশিংনা দিজিতেলগী অৱাৎপা লৈরিবা অসি শমজিনবদা মতেং পাংলি।

*****