নেস্নেল কাউন্সিল ওফ এগ্রিকলচরেল রিসর্চনা আই.সি.এ.আর.-ইন্দিয়ন ইন্সতিত্যুত ওফ ফার্মিং সিস্তেম রিসর্চ, মোদিপুরমনা মহৈ-মরোং ওর্গানিক ওইবা মওংদা পুথোক্নবা প্রেক্তিসশিংগী পেকেজ দেবেলপ তৌনবা রাজ্য ১৬ কোনশিনদুনা কো-ওপরেতিং সেন্তর ২০গা লোইননা ওল ইন্দিয়া নেৎৱার্ক প্রোগ্রাম ওন ওর্গানিক ফার্মিং (এ.আই.-এন.পি.ও.এফ.)গী রিসর্চ স্কীম অমা চল্লাইখি। রাজ্য ১২গা চান্নবা ক্রোপ্পিং সিস্তেম ৫১গী সাইন্তিফিক ওইবা প্রেক্তিসশিংগী পেকেজশিং দেবেলপ তৌখ্রে।

পেকেজশিং অসিদা ওর্গানিক ফার্মিংগী মখাদা অশংবা অমসুং অশংবা মনাগী মেন্যুর্সশিং, বাইও-ফর্তিলাইজরশিং, ফগৎহল্লবা কম্পোস্তশিং, ওইলকেকশিং, ভর্মিন-কম্পোস্তশিং, মাইক্রোবিএল কন্সোর্তিয়া, বাইও-কন্ত্রোল এজেন্তশিং অমসুং  ন্যুত্রেন্ত, তিল অমসুং লাইনা লাকশিন্নবা অতোপ্পা বাইও-পেস্তিসাইদশিং শিজিন্নবা য়াওরি। এন.পি.কে. ফর্তিলাইজর ১০-২৫% ফাওবা তুংশিনবা ঙম্বা বাইওফর্তিলাইজরশিং/বাইওফোর্ম্যুলেসনশিং ভোপালগী আই.সি.এ.আর.-আই.আই.এস.এস.না দেবেলপ তৌখ্রে। মখা তানা আই.সি.এ.আর,-নেস্নেল ব্যুরো ওফ এগ্রিকলচরেলী ইম্পোর্তেন্ত মাইক্রোওর্গানিজম্স, মাওনা লৈহাও ফগৎনবা অমসুং পাম্বীগী ন্যুত্রিসনগী মাইক্রোবতা য়ুম্ফম ওইবা তেক্নোলোজীশিং দেবেলপ তৌখ্রে। ব্যুরো অসিনা লৈবাক অমসুং মরুদগী থোকহনবা পেথোজেন মশিং কয়াদগী মাই পাক্না লাকশিনবা ঙম্বা বাইও-পেস্তিসাইদ ফোর্ম্যুলেসন মরিসু দেবেলপ তৌখ্রে। সরকারনা পরমপরাগৎ ক্রিশি বিকাস য়োজনা (পি.কে.ভি.ৱাই.) অমসুং মিসন ওর্গানিক ভেল্যু চেন দেবেলপমেন্ত ফোর নোর্থ ইস্তর্ন রিজন (এম.ও.ভি.সি.দি.এন.ই.আর.) কৌবা স্কীমশিং লোঞ্চ তৌখ্রে। স্কীমশিং অসিনা লৈবাক লৈহাও মতম শংনা ফহন্নবা, রিসোর্স কঞ্জর্বেসন তৌনবা য়েলহৌঙৈদগী লৈরক্লবা লৌশিং অমসুং মোদর্ন সাইন্স পুনশিন্নবগী খুত্থাংদা ওর্গানিক ফার্মিংগী সস্তেনেবল মোদেলশিং শেমগৎনবা পান্দম থম্লি অমসুং মসিনা অইং-অশাদা অহোংবা লাকপা অসি হন্থহনবদা  মতেং পাংলি। দোমেস্তিক অমসুং এক্সপোর্ত মার্কেৎকীদমক্তা ওর্গানিক প্রদক্সনগী সর্তিফিকেসনগী প্রোসেস অসি লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী নেস্নেল সেন্তর ফোর ওর্গানিক ফার্মিং অমসুং কম্মর্স অমসুং ইন্দস্ত্রীগী এগ্রিকলচরেল এন্দ প্রোসেস্দ ফুদ প্রদক্তস এক্সপোর্ত দেবেলপমেন্ত ওথোরিতী (এ.পি.ই.দি.এ.)না রিগুলেৎ তৌরি।

ইন্দিয়ন কাউন্সিল ওফ এগ্রিকলচরেল রিসর্চকী ক্রিশি বিজ্ঞান কেন্দ্র (কে.ভি.কে.) ৭২২গী নেৎৱার্ক অমা লৈ। কে.ভি.কে.শিংনা লৌমীশিংদা ওর্গানিক ইনপুৎশিংগী প্রদক্সন য়াওনা লৌউ-শিংউ অমসুং মরী লৈনবা সেক্তরশিংগী তোঙান তোঙানবা লমশিংদা ত্রেনিং পীরি। হৌখিবা চহি অমগী মনুংদা কে.ভি.কে.শিংনা ওর্গানিক ইনপুৎশিংগী প্রদক্সন্দা লৌমী ২২০০০দা ত্রেনিং পীখ্রে। ২০১৯-২০দগী হৌদুনা লম হেক্তর ৮২২০ কোনশিনদুনা কে.ভি.কে. ৪১১না পরামপরাগৎ ক্রিশি বিকাস য়োজনাগী মখাদা ওর্গানিক ফার্মিংদা ক্লস্তর দেমোনস্ত্রেসনশিং ইমপ্লিমেন্ত তৌরি। এক্সপোজর বিজিৎশিং অমসুং ফীল্দ ফঙ্কস্নরীশিং ত্রেনিং পীবা, ওর্গানিক ফার্মিংগী পার্তিসিপেতরী গরেন্তী সিস্তেমস (পি.জি.এস.) সর্তিফিকেৎ পীবা, ওর্গানিক কনভর্জন, ইনপুৎশিং, ফার্ম ইনফ্রাস্ত্রকচরগী লৌমীশিংদা ইনসেন্তিব পীবা, ত্রেদ ফিয়রশিং, ওর্গানিক ফিয়রশিং, এজুকেসন অমসুং ত্রেনিং শিনবা অসিগী খুত্থাংদা কে.ভি.কে.শিংনা ক্লস্তর ফোর্মেসনশিংদা শরুক য়াবা অসি লেপ্পা লৈতবা প্রোসেসনি। মফম অদুদা লৈরিবা দিমান্দ অমসুং অনৌবা দেবেলপমেন্তশিংগী মতুং ইন্না লৌমীশিংদা ত্রেনিং পীখি।

ই-পাউ অসি ঙসি রাজ্য সভাদা কেন্দ্রগী লৌউ-শিংউ অমসুং লৌমীশিংগী য়াইফ থৌরাংগী মন্ত্রী শ্রী নরেন্দ্র সিংহ তোমরনা অইবা পাউখুম অমা ওইনা পীখিবনি।

****

(Release ID: 1695732) Visitor Counter : 127