দি.পি.আই.আই.তি.গী সেক্রেতরী, দাঃ গুরুপ্রসাদ মোহাপাত্রানা ঙসি হায়খিবদা কেন্দ্রগী বজেৎ ২০২১ অসিনা লৈবাক অসিনা কোবিদ-১৯গী মনুংদা থেংনখিবা শেন্মিৎলোনগী মাঙজবা কয়া থেংনখ্রবা মতুংদা লৈবাক অসিগী ইনভেস্তমেন্তকী ইকোসীস্তেম্বু মপাঙ্গল হাপ্তুনা অমুক্কা হন্না শাহৌ লৌবা ঙম্নবা পান্দম থম্মি হায়খি। ইং ২০২১-২২গী অপুনবা বজেৎ অসিনা শেল থাদবদা পুক্নিং থৌগৎপা, ইনফ্রাস্ত্রকচর শেমগৎপা, লন্নাইগী শেল থাদবশিংগী কান্নবা লৌবা অমসুং সোসিএল সেক্তরবু পুক্নিং থৌগত্তুনা নুংঙাই য়াইফবা তুংগী ফিভম অমা শেম্নবা মিৎয়েং চংলি।

দাঃ গুরুপ্রসাদ মোহাপাত্রানা মীদিয়াগী মীওইশিংদা ৱা ঙাংখিবদা ফোংদোকখিবগী মতুং ইন্না কেপিতেল এক্সপেন্দিচরগী বজেত্তা ইং ২০২০-২১দা লুপা করোর লাখ ৪.১২ লৈরম্বা অদুদগী ইং ২০২১-২২দা লুপা করোর লাখ ৫.৫৪দা ৩৪%গী চাংদা হেনগৎলিবা অসিনা, খুদম ওইনা পল্লবদা, কন্নেক্তিং ইনফ্রাস্ত্রকচর শারিবা, কনস্ত্রক্সন ইনপুৎকী অপাম্বা হেনগৎলিবা অমসুং অতৈ-অতৈনচিংবা পাম্বৈ কয়াগী খুত্থাংদগী শেল থাদবগী থৌওংদা মলতিপ্লাইয়র ইফেক্ত লৈহনগনি হায়খি। মসিগী থৌওং অসিনা মরী লৈনবা সেক্তরশিংগী মরক্তা শেল থাদবগী থৌওং কয়াদা তেংবাংগনি হায়বগী থাজবা থম্নরি।

ভারতনা “আত্মানির্ভর” ওইবগী অমসুং শেল-থাদবশিংগী মালেমগী মেন্যুফেকচরিং হব অমা ওইবগী পান্দম অসিদা তেংবাংবা ওইনা, বজেৎ অসিনা সেক্তর ১৩গী ওইনা শেনবা চহি ২০২১-২২দগী হৌদুনা চহি ৫গী ওইগদবা লুপা করোর লাখ ১.৯৭কী পি.এল.আই. স্কিম অমসু হৌদোকখ্রে হায়না মহাক্না হায়খি। স্কিমশিং অসি হায়রিবা শেনফমগী অকক্নবশিং অসিগী মনুংদা লৈহন্দুনা মরী লৈনবা মন্ত্রালয়/বিভাগশিংনা হৌদোক্কনি।

দাঃ মোহাপাত্রানা হায়খিবদা পি.এল.আই. স্কিম অমসুং কস্তম্স দ্যুতীদা শেমদোকখিবগী থৌওং অসিগী অপুনবগী খুত্থাংদা অখন্নবা সেক্তরগী ওইনা লাউথোকপা খরগা লোয়ননা বজেৎ অসিনা রীন্যুএবল ইনর্জী, হেভী ইন্দস্ত্রীজ, লৌউ-শিংউ, ওতোমোতিব, তেক্সতাইল অমসুং অতোপ্পশিং য়াওদুনা সেক্তর পুম্বগী ওইনা লমদম মনুংদা মেন্যুফেকচরিংগী তৌবা ঙম্বগী মতাংদা লৈরিবা মতিকশিং অসি থবক্তা ওন্থোকপা ঙমহনগনি হায়খি।

বজেৎ ২০২১-২২না ইনফ্রাস্ত্রকচর সেক্তরদা মিৎয়েং চঙবগী মতাংদা, মহাক্না শেন্মিৎলোন হিংগৎহনবা অমসুং তুং কোইনা চাউখৎপা ঙম্বদা য়াম্না মরু ওইগদবা হীরম অমা ওইহন্নবগীদমক্তা লুপা করোর লাখ ১.১ চঙদুনা প্রোজেক্ত ২১৭ কোল্লিবা নেস্নেল ইন্সত্রস্ত্রকচর পাইপলাইন (এন.আই.পি.) অসি পাকথোক-চাউথোকহন্দুনা প্রোজেক্ত ৭৪০০ য়ৌহনখ্রে হায়খি। এন.আই.পি.দা শেল থাদবা অসিসু তুং কোইনা পাংথোকপা ঙম্নবগীদমক্তা মসিদা থাদগদৌরিবা শেনফম অসি ইন্সতিত্যুস্নেল স্ত্রকচর শাদুনা, এসেৎশিংবু শেল তালহন্দুনা অমসুং কেন্দ্র অমসুং রাজ্যগী বজেত্তা লৈরিবা কেপিতেল এক্সপেন্দিচরগী শরুকপু হেনগৎহন্দুনা পাংথোক্কনি। মসিগী মথক্তা, সরকারনা লুপা করোর ২০,০০০ চঙদুনা দিভেলপমেন্ত ফাইনান্স ইন্সতিত্যুসন (দি.এফ.আই.) অমসু শেমগৎকনি।

ইনফ্রাস্ত্রকচর চাউখৎপবু হেন্না নীংথিহন্নবগীদমক্তা পব্লিক প্রাইভেৎ পার্ত্নর্শিপ (পি.পি.পি.) মোদেলশিংদসু অহেনবা মিৎয়েং চঙগনি হায়না মহাক্না হায়খি। পি.পি.পি. মোদকী মখাদা হীথাংফমগী থবক-থৌওং কয়াবু লন্নাইগী মীওইশিংদা শিন্নদুনা লুপা করোর ২০০০গী হীথাংফমগী মরু ওইবা প্রোজেক্ত ৭ অমসু লাউথোকখ্রে। মসিগা মান্নবা ওইনা, অর্বান ত্রান্সপোর্তকী ওইনসু, পি.পি.পি. মোদেল অসিনা লন্নাইগী মীওইশিংনা শেল থাদদুনা বস ২০,০০০ হেনবা লৈদুনা চলায়বগী খুদোংচাবসু ফংহনগনি। বজেৎ অসিনা ৱেস্তর্ন দেদিকেতেদ ফ্রৈৎ কোরিদোর (দি.এফ.সি.) অমসুং ইস্তর্ন দি.এফ.সি.বু জুন ২০২২ ফাওবগী থবক হৌবগী ৱাফমসু লাউথোকখি।

দি.পি.আই.আই.তি.গী সেক্রেতরীনা বজেৎ অসিনা ইনফ্রাস্ত্রকচর চাউখৎপদা অহেনবা মিৎয়েং চঙলিবা অসি ভারতকী শাহৌ লৌবগী খোঙচত্তা থেংনরিবা অপনবশিং অসি লৌথোক্নবনি হায়না হায়খি। মসিনা মেক-ইন-ইন্দিয়াগী থৌশিল অসিগী লোজিস্তিক্সতা চঙবা শেনফমশিং য়াম্না হন্থহল্লগ্নি অমসুং ইন্দস্ত্রীজ কয়াদা মলতিপ্লাইয়র ইফেক্তকী চৈথেংসু ফংহনগনি।

 

শেল-থাদবগী থৌওংগী মতাংদা ৱা ঙাংবদা, মহাক্না হায়খিবদা, লৈবাক্কী শেল-থুমগী মওং অসিবু মপাঙ্গল কলহনবা অমসুং শেল ৱাত্তনা থাদবা ঙম্বা হায়বসি হন্দক্কী চহিগী বজেৎ অসিগী মপুং ওইবা হীরম অমনি হায়নসু মহাক্না ফোংদোকখি। তোঙান-তোঙানবা পব্লিক সেক্তর অন্দরতেকিং কয়া অমগী মনুংদগী বি.পি.সি.এল., কোঙ্কোর, এস.সি.আই., আই.দি.বি.আই. বেঙ্কপু মথৌ লৌথোকপগী পান্দম থম্লিবা পব্লিক সেক্তর ইন্তর্প্রাইস (পি.এস.ই.) পোলিসী অসিনা লন্নাইগী শেল-থাদবা মীওইশিংগী অনৌবা খুদোংচাবা কয়া অমা পীগনি। ইনফ্রাস্ত্রকচর চাউখৎহনবগী ওইনদি, লন্নাইগী শেল থাদবগী থৌওংদা অকক্নবা খরা থম্বা, কম্মর্সিএলগী ওইবা থৌওংদা অথিংবা থম্বা অমসুং ইনফ্রাস্ত্রকচর সেক্তরদা হকথেংননা শেল থাদবগী থৌওংশিংসু কোমথোক্লে।

সেক্তরশিংবু লমদমসিগী অমসুং অতোপ্পা মীরমগী শেল থাদবশিংনা শেল থাদরকপা য়াহনবগী অনৌবা থোঙ খরা হাংদোকপা অসিনা বেঙ্কিং, ইন্স্যুরেন্স, ইনফ্রাস্ত্রকচর এভিএসন্নচিংবা য়াওনা সেক্তর কয়া অমনা শেল-থুমগী ওইবা শিংনবা থেংনরম্বা কয়াগী ৱারোইশিন পুরক্কনি হায়না মহাক্না হায়খি।

কারবার তৌবদা লাইহনবগী মতাংদদি, বজেৎ অসিনা লাইচৎ অসিনা শোকহল্লবা অপিকপা কম্ম্যুনিতী, কারবার অমসুং শিন্মীশিংগী তেংবাংনবা পুম্নমকপু মনুং চলহনবা খোঙথাং কয়া অমা পুরক্লে হায়না মহাক্না হায়খি। অপিকপা কম্পেনীশিংগী কমপ্লাএন্সকী তঙাই ফদবশিং অদুসু  কম্পেনীজ এক্ত, ২০১৩গী মখাদা মখোয়গী ৱাহন্থোক্তা অহোংবা কয়া পুরক্তুনা (মখোয়গী পেদ-অপ কেপিতেলগী চাংবু “লুপা লাখ ৫০দগী হেন্দবা” অদুদগী “লুপা করোর ২দগী হেন্দবা” হায়দুনা হেনগত্তুনা অমসুং মখোয়গী তর্নওভরবুনা “লুপা করোর ২দগী হেন্দবা” হায়বা অদুদগী “লুপা করোর ২০দগী হেন্দবা” হায়না হেনগত্তুনা) কোমথোকখ্রে।  

শিন্মীশিংগী য়াইফ-য়ুম্বালগী মতাংদা পল্লদুনা, সেক্রেতরীনা হায়খিবদা বজেৎ অসিনা নীংথিনা পোলিসী শেম্বা ঙম্নবগীদমক্তা অনওর্গনাইজ লেবর ফোর্স, মাইগ্রেন্ত শিন্মীশিংগী ই-পাউ খোমজিন্নবা পোর্তেল শেম্বগী ৱাফমসু লাউথোকখি হায়খি। লৈবাক অমা, রেসন কার্দ অমগী স্কিমগী মখাদা হৌজিক্তি বেনিফিশরীশিংনা লৈবাক্কী মফম অমা হেক্তদগী মখোয়গী রেসন লৌবা য়ারগনি। মসিগী মথক্তা, ইমপ্লোয়ীজ স্তেৎ ইন্স্যুরেন্স কোর্পোরেসনগী মখাদা লৈবা খ্বাইদগী নেম্বা খুৎশুমন অসিসু শিন্মী কাঙলুপ খুদিংমক্তা চৎনহল্লে অমসুং সোসিএল সেক্যুরিতীগী কান্নবশিংসু গিগ অমসুং প্লেৎফোর্মগী শিন্মীশিংদসু ফংহল্লে।

মহাক্না হায়খিবদা, ভারত্তা অহানবা ওইনা কেন্দ্রগী বজেৎনা ভারতকী মাইগ্রেন্ত শিন্মী মিলিয়ন ৪৫৪বু সরকারগী লেবরগী স্কিমগী মনুংদা চলহল্লে হায়না হায়খি। লৈবাক অসিগী গিগকী শেন্মিৎলোনগী মশিং য়ামখৎলক্লিবা শিন্মীশিংগী য়াইফ-য়ুম্বাল ঙাক শেনবগী তঙাই ফদবশিংসু হৌজিক্তি সরকারনা মশক খঙলে।

 

*****

(Release ID: 1695579) Visitor Counter : 165