দেবপ্রায়গতগী গঙ্গা সাগর ফাওবা গঙ্গা তুরেলদা চৎকদৌরিবা রাফতিং অমসুং কয়াকিং অমা ওইরিবা গঙ্গা অমন্ত্রন অভিয়ন ২০১৯গী ওক্তোবর ১০দগী ২০১৯গী নবেম্বর ১২ ফাওবা পাংথোকখি৷ এক্সপিদিসন অসিনা গঙ্গা বেসিন রাজ্য মঙা হায়বদি উত্তরখন্দ, উত্তরপ্রদেশ, বিহার, ঝর্খন্দ অমসুং ৱেস্ত বেঙ্গল ফাওদুনা চৎলগা রিশিকেশ, হরিদৱার, কানপুর, এলাহাবাদ, বনারাসি, পত্ন, সোনপুর অমসুং কোল্কতা য়াওনা মফম ৩৪দা লেপখি৷ মীয়ামশিং অসি তুরেলগা হেন্না অচেৎপা মরী লৈননবা অমসুং পাক শন্না তুরেলগী ইশিং অসি মাংহন্দনা থম্নবা ময়ামদা মেসেজ পীনবা এদভেঞ্চর স্পোর্তিং এক্তিবিতী অমগী মওংদা এক্সপিদিসন অসি শিনখিবনি৷

এক্সপিদিসন অসিদা তুরেলশিংগী ফিভম অসি কাইহন্দনা চেকশিন্না থম্নবগী পাউ অসি শন্দোক্নবা তোঙান তোঙানবা মফমশিংদা খুঙ্গং অমসুং শহরগী মরু ওইনা নহাশিং অমসুং মহৈ মশিং তম্লিবা মহৈরোইশিং অসিগা উনদুনা ৱারি ৱাতাই শান্নবা পব্লিক এৱার্নেস কেমপেন্দশিং শিনখ্রে৷  

মীয়ামশিং পুন্না শরুক য়াহন্নবগী পান্দমদা অমসুং এগ্রিকল্চর, পৱার, তুরিজম, ইনর্জী, ৱাতর, অয়ুশ, এনভাইরোনমেন্ত, ফোরেস্ত অমসুং ক্লাইমেৎ চে়ঞ্জ য়াওনা মসিগী ইনিসিয়েতিব অসিদা য়াম্না মরু ওইবা থৌদাং লৌগদৌরিবা তোঙান তোঙানবা স্তোকহোল্দরশিং অসিগা লোইননা গঙ্গা রেজুবিনেসনদা ইকোনোমিক দিভেলপমেন্ত পুরক্নবগী পান্দমদা গঙ্গা তুরেল অসিদা শেল-থুম ফংবা য়াবা থবক থৌরমশিং অমসুং তুরিজম পাংথোক্নবা মরী লৈনবা মন্ত্রালয়শিং/দিপার্তমেন্তশিং অমসুং সরকারগী এজেন্সীশিং অসিগা লোইননা এন.এম.সি.জি.না য়াম্না কন্না হোৎনরি৷

প্রোজেক্ত অসিগী শরুক অমা ওইনা হেরিতেজ কল্চর পুথোকপা, স্পিরিচ্যুলিতী, য়োগ/অয়ুর্বেদ/ৱেল্নেজ, ইকো-তুরিজম, কুইজিন, মেলাশিং অমসুং কুহ্মৈশিং, ইন্তরপ্রিতেসন/হেরিতেজ ৱাল্কশিং য়াওনা গঙ্গা বেসিনদা লৈরিবা ইন্তেঞ্জিবল কল্চরেল হেরিতেজ অদু পুথোক্নবা ইন্তেচনা হোৎনরি৷

মসিগী ই-পাউ অসি জল শক্তি অমসুং সোসিয়েল জস্তিস অমসুং এমপৱার্মেন্তগী রাজ্যগী মন্ত্রী শ্রী রত্তন লাল কতারিয়না ঙসি লোক সভাদা পুথোকখিবনি৷

                                                                                       *****

(Release ID: 1695355) Visitor Counter : 124