কমর্সিএল সর্কুলার নম্বর ৪৫/২০১১ অমসুং ৫৫/২০১৬গী মতুংইন্না পেন্ত্রি কারশিংদগী থোরকপা অমোৎপশিং নিংথিনা খোমজিন্নবা অমসুং মফম চানা লোইশিন্নবা জোনেল রেলৱেজশিং অমসুং ইন্দিয়ান রেলৱেজ কেতরিং এন্দ তুরিজম কোর্পোরেসন্দা পাউতাক পীখ্রে। হায়রিবা সর্কুলারশিং অসি ভারত রেৱেজগী ৱেবসাইত https://indianrailways.gov.in/দা ফংগনি। চাংনাইনা য়েংশিনবদগী হায়রিবা পাউতাকশিং অসি থবক ওইনা পাংথোক্লে।  

ত্রেনশিং লু-নান্না থম্নবা অমসুং নিংথিনা অমোৎপশিং লোইশিন্নবা রেলৱেজনা পায়খৎলিবা তোঙান-তোঙানবা থবকশিং মখাদা পীরি:

১. ত্রেন খোঙচৎ মনুংদা থোরকপা অমোৎপশিং স্তেসনশিংদা খোমজিল্লে। স্তেসনশিংদগী খোমগৎলকপা অমোৎপশিং মিউনিসিপাল বোদিশিংনা অয়াবা পীরবা মফমশিংদা ফুমজিল্লে।

২. এ.সি কোচশিংগী মথক্তা নন-এ.সি কোচশিংদা দস্তবিনশিং থম্লে।

৩. মরুওইবা লমশাং চেনবা মেল/এক্সপ্রেস ত্রেনশিংদা ওন বোর্দ হাওসকিপ্পিং সর্বিসেস স্কিম(ও বি ঐচ এস)গী মখাদা খোঙচৎ মনুংদা দস্তবিনশিং য়াওনা অমোৎপশিং শেংদোক্লে।

ৱাফম অসি ঙসি লোক সভাদা হংলকপা ৱাহং অমা অইবা ওইনা পীবা পাউখুম অমদা রেলৱেজ, কমর্স অমসুং ইন্দস্ত্রি অমসুং কঞ্জুমর এফেয়ার্স, ফুদ অমসুং পব্লিক দিস্ত্রিবুসনগী মিনিস্তর শ্রী পিয়ুস গোয়ালনা ফোঙদোকখিবনি।

*****

(Release ID: 1695032) Visitor Counter : 118