ৱেতলেন্দশিং অসি মাংহন্দনা থম্নবা অমসুং শেমগৎনবগী মতাংদা ময়ামদা এৱার্নেস পীনবা ক্লিন গঙ্গাগী নেস্নেল মিসন(এন.এম.সি.জি.), জল শক্তি মন্ত্রালয় অমসুং ইন্দিয়া ৱাতর ফাউন্দেসন(আই.দবল্যু.এফ.)না ২০২১গী ৱাল্দ ৱেতলেন্দ দে পাংথোকখ্রে৷

হন্দক চহী অসিগী ৱাল্দ ৱেতলেন্দ নুমিৎ অসিগী থীম অসি ৱেতলেন্দশিং অসি অফবা ফ্রেশ ওইবা ইশিংগী হৌরকফম ওইরি হায়বা অসি তাক্লি অমসুং  ৱেতলেন্দশিং অসি মাংহন্দনবা থবক থৌরম কয়া পাংথোক্নবা পু্ক্নিং থৌগৎলি৷ ইশিংগী ইপাকশিং অসিগী মরক্তা লৈরিবা মরী অমসুং ইপাকশিং অসিগী অবিরল্তা(ই-ফ্লো) অমসুং নির্মল্তা(লু-নানবা) থম্বদা মখোয়না লৌরিবা থৌদাং অদু পল্লদুনা জল শক্তিগী মন্ত্রী শ্রী গজেন্দ্র সিংহ শেখৱতনা অসুম্না ফোংদোকখ্রে, “নমামি গঙ্গে অসি বেসিন মেনেজমেন্ত প্লানগা ৱেতলেন্দ কঞ্জর্বেসনগা মরী লৈনহন্নবা ভারততা পুথোকপা ইহান হানবা প্রোগ্রাম্নি”৷ “তুরেল য়োকখৎপগা মরী লৈননা ৱেতলেন্দ মাংহন্দনা থম্নবগীদমক এন.এম.সি.জি.না লৌখৎখিবা খোঙথাং অসিনা মোদেল ফ্রেমৱার্ক অমা ওইনা লৈবাক পুম্বা অসি মতেং পাংলগনি” হায়না মহাক্না ফোংদোকখ্রে৷ অফবা ফ্যুচর অমা শেম্ননবগীদমক স্তেকহোল্দর পুম্নমক্না অকোইবগী ফিভম অসি কাইহন্দনবা হোৎনগদবনি হায়না মহাক্না ফোংদোকখ্রে৷ ৱেতলেন্দ নুমিৎকা মরী লৈননা পাংথোকপা থৌরম অসিদা গঙ্গাগী জিলা ৫০ হেনবদা জিলা খুদিংমক্তা হেল্থকার্দ শেম্নবা অমসুং ৱেতলেন্দ ১০ মেনেজমেন্ত তৌনবা অচৌবা সাইন্তিফিক অমসুং কম্ম্যুনিতীদা বেজ তৌবা প্রোগ্রাম পুথোকখ্রে৷

সোসিয়ো-ইকোলোজিকেল সিস্তেমদা ৱেতলেন্দশিংগী মরু ওইবা থৌদাং অদু পল্লদুনা জল শক্তি মন্ত্রালয়গী এম.ও.এস. শ্রী রত্তন লাল কতারিয়ানা অসুম্না ফোংদোকখ্রে, “লৈবাক অসিগী বাইওলোজিকেল দাইভর্সিতী অসি কাইহন্দনা ঙাক্তুনা থম্বা মতমদা ৱেতলেন্দশিং অসি য়াম্না মরু ওই৷” তোঙান তোঙানবা এনবাইরোনমেন্তেল ইসুশিং অসি থেংনবদা ৱেতলেন্দশিং অসিনা লৌরিবা থৌদাং অদুগী মতাংদা পল্লদুনা য়ু.এন.ই.পি.গী হেদ ইন্দিয়া কন্ত্রী ওফিস্কী শ্রী অতুল বগাইনা অসুম্না ফোংদোকখ্রে, “মাং তাকলুরবা অমসুং মাইগ্রেতরী স্পিসিস্কী ইসুশিং অসি থেংনবদা মতৌ করম্না ৱেতলেন্দশিং অসি য়াম্না মরু ওইরিবনো হায়বা অসি ঐখোয়না খঙবা মরু ওই৷ ৱেতলেন্দশিং য়োকখৎপা অসিগা মরী লৈননা ভারতনা অতোপ্পা হিরমশিং অসিদা উৎলিবা লিদরশিপ অদুগুম্না মতম অসিদসু অমুক হন্না উৎলক্কনি হায়না ঐখোয়না অশা তৌরি৷”

ৱেতলেন্দশিং অসিগী মতাংদা মমাংগী মতমদা এৱার্নেসশিং পাংথোকখ্রে হায়না পল্লদুনা জল শক্তিগী সেক্রেতরী শ্রী পনকাজ কুমারনা অসুম্না ফোংদোকখ্রে, “এন.এম.সি.জি. অসিনা গঙ্গা অসি অমুক হন্না ফিভম ফগৎহন্নবা হোৎনবা অসি খক্তা নত্তনা রিভর বেসিন পুম্নমক মখোয়গী শহরশিং অমসুং ৱেতলেন্দশিং য়াওনা য়েংশিল্লি৷” ৱাল্দ ৱেতলেন্দ দেগুম্বা থৌরম অসিনা মসিগী হোলিস্তিক এপ্রোর্চ অসি লেপ্পা লৈতনা চৎথবদা ঐখোয়বু থৌনা পীরগনি হায়না মহাক্না ফোংদোকখ্রে৷ এন.এম.সি.জি.গী দাইরেক্তর জেনেরেল শ্রী রজিব রঞ্জন মিশ্রানা অসুম্না ফোংদোকখ্রে “মসিগী থৌরম পাংথোক্লিবা অসি হরাউ তয়াম্বা ফোংদোকপা খক্তা নত্তে, মসিনা ৱেতলেন্দশিং অসি য়োক্তুনা থম্নবা থবকশিং পাংথোক্নবা হায়বনি অমসুং মসিনা মরম ওইদুনা ৱেতলেন্দশিং অসি য়োকখৎনবগীদমক কেপাসিতী বিল্দিং ৱার্কশোর্পশিং ঐখোয়না শিল্লবনি৷” হন্দক্কী চহী অসি রমসর কনবেন্সনগী চহী ৫০ মপুং ফারকপা চহী অদু ওইরি অমসুং হৌজিক ফাওবদা ভারততা রমসর মফম ৪২রোম লৈরে হায়না ইন্দিয়া ৱাতর ফাউন্দেসনগী প্রসিদেন্ত দা. আর্বিন্দ কুমারনা ফোংদোরকখ্রে৷ ৱেতলেন্দশিং অসি মখাতানা য়োকখৎনবা তোঙান তোঙানবা মন্ত্রালয়শিংগী মরক্তা অমগা অমগা মতেং পাংননবা মহাক্না হায়খ্রে৷

কম্ম্যুনিতীশিং অসি শরুক য়াহন্দুনা মখোয়বু ৱেতলেন্দশিং অসিগী মতাংদা খঙহন্নবা অসন কঞ্জর্বেসন রিজর্ব, ঝিল্মিল ঝীল কঞ্জর্বেসন রিজর্বতা পাংথোকখিবা থৌরমশিং য়াওনা গঙ্গা বেসিন্দা ভোল্যুনতীয়রশিং অমসুং ইন্দিপেন্দেন্ত ওর্গনাইজেসনশিংনা প্রোগ্রাম কয়ামরোম শিনখ্রে৷ গঙ্গা তুরেলগী মফম কয়াদা কম্ম্যুনিতীগী থাক্তা থবক থৌরমশিং পাংথোকপা অসিগীদমক এন.এম.সি.জি.গী দি.জি.না অপেনবা নুংঙাইবা ফোংদোকখ্রে৷

*****

                                                                                      

 

(Release ID: 1694965) Visitor Counter : 217