এফ.ৱাই. ২০১৪-১৫দগী ২০২০-২১ (৩১.১২.২০২০ ফাওবদা) মতম অসিগী মনুংদা লুপা করোর ১৩১৯৯.৩৬কী শেনফম ওইবা ফন্দশিং অৱাং নোংপোক লমদমগী চাউখৎ-থৌরাং মন্ত্রালয়না অসাম য়াওনা অৱাং নোংপোক থংবা রাজ্যশিংদা মন্ত্রালয় অসিগী তোঙান তোঙানবা স্কীমশিংগী মখাদা সেঙ্কসন তৌখিবা প্রোজেক্তশিংগীদমক্তা কাইথখি। এফ.ৱাই. ২০১৪-১৫দগী ২০২০-২১ (৩১.১২.২০২০ ফাওবদা) মতম অসিগী মনুংদা রাজ্য সরকারশিংদগী লুপা করোর ১২২৪২.৩৪গী য়ুতিলাইজেসন সর্তিফিকেৎ ফংখি।

মন্ত্রালয় অসিগী স্কীমশিংগী মখাদা ফন্দশিং অসি মন্ত্রালয়না প্রোজেক্তশিং অসি ইমপ্লিমেন্ত তৌবা অমদি ফন্দ শিজিন্নবগী থৌদাং লৌরিবা, রাজ্য সরকারশিংদা ত্রান্সফর তৌখিবনা মরম ওইরগা ফন্দশিং অসি লান্না শিজিন্নবগা মরী লৈননা লাকখিবা ৱাকৎশিং অসি হিরম অসিদা মতিক চাবা এক্সন লৌখৎলিবা রাজ্য সরকারশিংদা থাখি। অরুবা ৱাকৎশিংগী ওইনা লৌখৎখিবা এক্সন লোইননা ওদিৎ রিপোর্তশিংনা লান্না শিজিন্নবগী পুথোকখিবশিং অদু মথৌ তারবদি মন্ত্রালয়না য়েংশিনখি অমদি রাজ্য সরকারশিংনা অরানবা তৌরিবা ওফিসর অদুগী অশোইবা অদু চুমথোক্নবা অমসুং রুলগী মতুং ইন্না এক্সন লৌখৎনবা খঙহনখি।

ৱাফম অসি ঙসি লোক সভাদা হংলকপা ৱাহং অমগী অইবা পাউখুম ওইনা অৱাং নোংপোক লমদমগী চাউখৎ থৌরাং (দোনর), এম.ও.এস. পি.এম.ও., পর্সনেল, পব্লিক গ্রীভান্সেস, পেন্সনস, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ) দা. জিতেন্দ্র সিংহনা ফোঙদোকখিবনি।

<><><><><>

(Release ID: 1694910)