২০২০-২১গী চুগী পান্থাদা মপাল লমদা চু হেন্না থাদোকপা ঙম্নবগী মিৎয়ংদা অমসুং চুগী শুংফমদা চু মরাং কাইনা ফংহন্দুনা ২০২০-২১গী চুগী পুত্থখিবা শেনফম মেনখৎপা ঙম্নবা সেন্ত্রেল সরকারনা লুপা করোর ৩৫০০ অমগী শেলগী তেনবাং অসি চুগী মিলশিংদা মখোয়না চাদিং তৌরিবা শিজিন্নরিবা, হেন্না ফগৎহনবা অমসুং শুংবগা শেনফম অমসুং মালেমগী ওইবা শেনফম অমসুং পুথোক পুশিন তৌবা অমসুং চু পুথোকপগী চার্জশিং অসি হঞ্জিন্নবনি।   

মতেং অসি লৌমীশিংদা হকথেংন্ননা মখোয়গী একাউন্তদা চংবা অসিগী থাদবা পীনবা, চুগী মিলশিং অসিনা তোঙানবা একাউন্ত অমা নেস্নেলাইজ বেঙ্ক/কোওপরেতিব বেঙ্ক অমসুং হায়রিবা অসি লৌমীশিংগী লিস্ত লোয়ননা বেঙ্ক একাউন্তশিংগী মরীক চুম্বা অমসপং পুত্থখিবা চুগী মমল মসিদা চুগী কম্মিস্নর/চুগী দাইরেক্তর মরী লৈনবশিংনা সর্তিফাইদ পীবা ওইগদবনি। বেঙ্কশিংনা  মতেং পীরিবা শেনফম অসি লৌমীদা পীথোক্কনি হায়রিবা অসি চুগী শেনফম পুত্থখিবা অসিদা পীগনি অমসুং অহেনবা লৈব ওইরগনা মিলগী একাউন্তদা পীগনি।

লৌরিবা ফিরেপ অসিনা চুগী মিলদা পোৎ ফংবগী ফিবম ফগৎলগনি অমসুং লৌমীশিংগী  পুত্থখিবা শেনফম শিংগৎপা ঙম্লগনি। চু থাবা লৌমী মখোয়গী ইমুং মনুং য়াওনা ফিরেপ অসিনা কান্নবা ফংহল্লিবা অসি চাওরাক্না করোর ৫রোম্নি।

মসিগী খঙহনবা পাউ অসি য়ুনিয়ন মিনিস্তর ওফ স্তেত ফোর কঞ্জুম্মর এফিয়র্স, ফুদ অমসুং পব্লিক দিস্ত্রীব্যুসন, শ্রী দানবে রাওসাহেব দাদারাওনা লোক সভাদা ঙসি পীখিবনি।

*****

 

(Release ID: 1694664) Visitor Counter : 107