বিভাগ অসিনা রাজ্য/য়ু.তি. সরকারশিংগা খুৎশম্নদুনা নেস্নেল ফুদ সেক্যুরিতী এক্ত, ২০১৩ (নফসা)গী মখাদা লৈবাক শিনবা থুংনা রেসন কার্দশিংগী পোর্তেবিলিতী লৈহন্নবা ‘ৱান নেসন ৱান রেসন কার্দ’ (ও.এন.ও.আর.সি.) ইমপ্লিমেন্ত তৌরি। হৌজিক ফাওবদা ফেসিলিতী অসি রাজ্য/য়ু.তি. ৩২দা ফংহনদুনা লৈবাক অসিগী নফসাগী মশিং চাদা ৮৬ ওইরিবা বেনিফিসরী করোর ৬৯গী ময়াদা কোনশিনখ্রে।

 

ও.এন.ও.আর.সি.গী মখাদা বেনিফিসরীশিংনা করিগুম্বা পাম্লবদি মখোয়গী ফংফম থোকপা চাকথুং অদু পোর্তেবিলিতীগী খুত্থাংদা চেং-হৱায় লৌবা মতমদা ই.পি.ও.এস. দিভাইসতা বাইওমেত্রিক ওথেন্তিকেসনগা লোইননা মখোয়গী চপ মান্নবা/হান্নগী রেসন কার্দশিং শিজিন্নদুনা মখোয়না অপাম্বা ই.পি.ও.এস. য়াবা ফিয়র প্রাইস শোপ (এফ.পি.এস.)তগী লৌবা য়াগনি। ও.এন.ও.আর.সি.গী মখাদা বেনিফিসরীশিংদা অনৌবা রেসন কার্দশিং পীনবা রাজ্যশিং/য়.তি.শিংদা য়াথং পীখিবা লৈতে। অদুম ওইনমক ও.এন.ও.আর.সি.গী মখাদা চপ মান্ননা থবক চত্থনবা রাজ্যশিং/য়ু.তি.শিংদা মতুং তারকপদা মখোয়না নফসাগী মখাদা অনৌবা রেসন কার্দশিং পীবা/প্রিন্ত তৌবদা রেসন কার্দশিংদা স্তেন্দর্দ বাই-লিঙ্গুএল ফোর্মেৎ অমা শিজিন্ননবা খঙহনখ্রে।

 

নফসাগী মখাদা তার্গেতেদ পব্লিক দিস্ত্রিব্যুসন সিস্তেম (তি.পি.দি.এস.) অসি কেন্দ্র অমসুং রাজ্য/য়ু.তি. সরকারশিংগী অপুনবা থৌদাংশিংগী মখাদা চল্লাইখি। অপুনবা থৌদাংশিং অসিগী মখাদা রাজ্য/য়ু.তি. সরকারশিংনা নফসাগী মখাদা ইলিজিবল ওইবা বেনিফিসরীশিং খঙদোকপা, মখোয়দা রেসন কার্দশিং পীবা, মরী লৈনবা দীপোৎশিংদগী চেং-হৱায় চিংবা, এফ.পি.এস.শিংগী খুত্থাংদা রেসন কার্দ হোল্দরশিংদা মখোয়গী ফংফম থোকপা চাকথুং য়েন্থোকপা অসিনচিংবা পাঙথোক্লি। অসুম্না ইলিজিবল ওইবা বেনিফিসরীশিং খঙদোকপা অমসুং মখোয়দা নফসাগী মখাদা চেং-হৱায় য়েন্থোকপা অসি মরী লৈনবা রাজ্য/য়ু.তি. সরকারশিংগী মথৌনি। হৌজিক্কী ওইনা নফসাগী মখাদা পুন্না কোনশিল্লিবা মীওই করোর ৮১.৩৫ অসিগী মনুংদা থাগী ওইনা তি.পি.দি.এস.কী খুত্থাংদা মখোয়গী ফংফম থোকপা চাকথুং অদু বেনিফিসরী করোর ৮০রোমনা ফংলি।

 

মখা তানা রাজ্যশিং/য়ু.তি.শিংদা নফসাগী সেক্সন-৩৮কী মখাদা ইলিজিবল ওইবা মীমান্নদ্রবা মীওই পুম্নমক নফসাগী মখাদা কোনশিন্নবা খঙহনখ্রে। মসিগী মথক্তা রাজ্যশিংদা মতম মতমগী ওইনা অখন্নবা দ্রাইভশিং, কেম্পশিং পাঙথোকপগী খুত্থাংদা মীমান্নদ্রবা মীওইশিং য়াওনা খুন্নাই অসিগী খ্বাইদগী শোত্থরবা শরুকশিংগী লায়রবা মীওইশিং খঙদোক্নবসু অমদি মখোয়গী রাজ্য/য়ু.তি.গী নফসাগী মখাদা মীওইশিং কভর তৌবদা ইলিজিবল ওইবা মীওই/য়ুমথোংশিংদা নফসাগী রেসন কার্দশিং পীথোক্নবা খঙহনখ্রে।

 

রাজ্য/য়ু.তি. অমমমগী ওইনা হৌজিক ফাওবদা ও.এন.ও.আর.সি.গী মখাদা কভর তৌখিবা নফসা বেনিফিসরীশিংগী মশিং মখাদা পীরি-

 

 

সিরিএল নম্বর	রাজ্য/য়ু.তি	দিসেম্বর ২০২০ ফাওবদা ও.এন.ও.আর.সি.গী  মখাদা কোনশিনখিবা নফসা বেনিফিসরীশিংগী মশিং (লুপা করোরদা)
১	এ অমসুং এনগী ঈথৎশিং	০.০১
২	অন্ধ্র প্রদেশ	২.৬৮
৩	অরুনাচল প্রদেশ	০.০৮
৪	বিহার	৮.৭১
৫	চান্দিগর	০.০৩
৬	দদ্রা অমসুং নগর হবেলি অমসুং দামন অমদি দিয়ু	০.০৩
৭	গোৱা	০.০৫
৮	গুজরাত	৩.৪৬
৯	হরিয়ানা	১.২৩
১০	হিমাচল প্রদেশ	০.২৭
১১	জম্মু অমসুং কাশ্মির	০.৭০
১২	ঝার্খন্দ	২.৬১
১৩	কর্নাতকা	৪.৩০
১৪	কেরেলা	১.৫৩
১৫	লদাখ	০.০১
১৬	লক্ষদীপ	০.০০
১৭	মধ্য প্রদেশ	৫.৪৬
১৮	মহারাস্ত্র	৭.০০
১৯	মনিপুর	০.২৩
২০	মেঘালয়	০.২১
২১	মিজোরাম	০.০৭
২২	নাগালেন্দ	০.১২
২৩	ওরিশা	৩.২৪
২৪	পুদুচেরী	০.০৬
২৫	পঞ্জাব	১.৪০
২৬	রাজস্থান	৪.৫১
২৭	সিক্কিম	০.০৪
২৮	তামিল নাদু	৩.৬৬
২৯	তেলঙ্গনা	১.৯২
৩০	ত্রিপুরা	০.২৪
৩১	উত্তর প্রদেশ	১৪.৬৬
৩২	উত্তরাখন্দ	০.৫৬
	অপুনবা	৬৯.০৯

 

মসিগী ই-পাউ অসি ঙসি লোক সভাদা অইবা পাউখুম ওইনা কঞ্জুমর এফিয়র্স, ফুদ এন্দ পব্লিক দিস্ত্রিব্যুসনগী রাজ্য মন্ত্রী শ্রী দনবে রাও সাহেব দাদারাওনা পীখিবনি।

*****

 

(Release ID: 1694660) Visitor Counter : 208