লোকেল কম্ম্যুনিতী অসি পুনশিনবদা পার্লিয়ামেন্তগী মীহুৎশিং/খল্লবা মীহুৎশিং অসিনা লৌবা য়াবা মরু ওইবা থৌদাং অদু খঙনবা অমসুং খুঙ্গংগী য়ুমথোংশিং অসিদা পাইপকী ঈশিং য়াম্না মরাং কাইনা ফংহন্নবা জল জীবন মিসন অসি-হর ঘর জল, ‘জন অন্দোলন’ অমা ওইহন্নবা জল জীবন মিসন অসি চৎনহন্নবা প্রোভিজনশিং শেমখ্রে৷ থৌদাংশিং অসিগী মতাংদা শন্দোক্না তাক্তুনা নেস্নেল জল জীবন মিসন (এন.জে.জে.এম.) অসিনা রাজ্যশিং অসিদা এদভাইজরী অমা ফোংখ্রে;  মিসন অসিগী পান্দম অসি ফংনবা হোৎনবদা পার্লিয়ামেন্তগী মীহুৎশিংনা শরুক য়াবা য়াগনি৷

২০২৪ ফাওবগী মনুংদা খুঙ্গংগী য়ুমথোং খুদিংদা তোতিগী ঈশিং অসি মরাং কাইনা ফংহন্নবা রাজ্যশিং অসিগা খুৎশম্নরগা জল জীবন মিসন(জে.জে.এম.)অসি চৎনরি৷ জে.জে.এম. অসি গ্রাম পঞ্চায়ত অমসুং /নত্রগা মহাক্কী সব-কম্মিতী হায়বদি ভিলেজ ৱাতর অমসুং সেনিতেসন কম্মিতী(ভি.দবল্যু.এস.সি.)/পানি সমিতি/য়ুজর গ্রুপনা খুঙ্গংগী মফমশিং অসিদা ঈশিংগী সপ্লাই অসি প্লানিং তৌবদা, চৎনহনবদা, য়েংশিনবদা, ওপরেসন তৌরিবা দিসেন্ত্রেলাইজ, দিমান্দ দ্রিবন অমসুং কম্ম্যুনিতী মেনেজ প্রোগ্রাম অমনি৷  

খুঙ্গং খুদিংমক্না খুঙ্গং অসিদা লৈরিবা তোঙান তোহানবা স্কিমশিং/প্রোগ্রামশিং খুদম ওইনা পি.আর.আই.শিং, জে.জে.এম.,এস.বি.এম.(জি.) অমসুং অতোপ্পা সোর্সশিং খুদম ওইনা দিস্ত্রিক মিনরেল দিভেলপমেন্ত ফন্দ(দি.এম.দি.এফ.), সি.এস.আর. ফন্দ, এম.পি./এম.এল.এ. লোকেল এরিয়া দিভেলপমেন্ত ফন্দশিং, পব্লিক কন্ত্রিব্যসনশিং অসিগী মখাদা ফংলিবা রিসোর্চ পুম্নমক শিজিন্নদুনা ১৫শুবা ফাইনান্স কম্মিসন অসিগা লোইননা চহী ৫গী ওইবা ভিলেজ এক্সন প্লান অমা শেম্লগনি৷

জিলাশিং অসিদা জে.জে.এম.গী চাওখৎ খোঙচৎ অসি য়েংশিনবা; কম্ম্যুনিতীগী মীয়াম হেন্না শরুক য়াহনবা; এম.পি.এল.এ.দি. ফন্দশিং অমসুং অতোপ্পা সেন্ত্রেল্লী স্পোন্সর স্কিম ফন্দশিং পুনশিন্নবা হোৎনবা; অমসুং খুঙ্গংগী য়ুমথোংশিংনা চাং নাইনা অমসুং মতম কুইনগী ওইবা মওং অমদা অফবা থকপা য়াবা ঈশিং মরাং কাইনা ফংহন্নবা মিসনগী অসিগী ওপরেস্নেল গাইদলাইনশিং অসিগী প্রোভিজনশিং অসিগী মতুং ইন্না জল জীবন মিসন-হর ঘর জল অসি চৎনহন্নবা দিস্ত্রিক  ৱাতর অমসুং সেনিতেসন মিসন(দি.দবল্যু.এস.এম.) অসিদা এম.পি.শিং শরুক য়াবা হৌখ্রে৷

এম.পি.শিং অসি রুরেল দিভেলপমেন্ত মন্ত্রালয়গী দিস্ত্রিক লেভেল দিস্ত্রিক দিভেলপমেন্ত কোওর্দিনেসন অমসুং মোনিতরিং কম্মিতী(দিশা)গী কো-চিয়রপর্সন ওইনা মাংজৌননা খনখ্রে৷ হায়রিবা এম.পি.শিং অসিগী মসা মশাগী কন্সতিত্যুয়েন্সী অসিগী জিলাশিং অসিদা লৈরিবা খুঙ্গংগী য়ুমথোংশিং অসিদা অফবা থকপা য়াবা ঈশিং ১০০% ফংহন্নবগী দিস্ত্রিক এক্সন প্লান(দি.এ.পি.) অসি ফাইনেলাইজ তৌবদা মখোয় মখোয়গী সজেসনশিং অদু খন্না নৈনরগনি৷

খুঙ্গংগী মফমশিং অসিদা ঈশিং অমসুং লু নানবগী তঙাই ফদবা অসি য়েংলগা ১৫শুবা ফাইনান্স কম্মিসন অসিনা ৱাতর সপ্লাই অমসুং সেনিতেসন অসিনা খ্বাইদগী ইহান হান্না তৌদ্রবা য়াদ্রবা থবক্নি হায়না খন্দোকখ্রে অমসুং মসিগী মতুং ইন্না রুরেল লোকেল বোদীশিং অসিগীদমক ২০২০-২১ অসিদা হিরমশিং অসিগীদমক(এ) থক্নবা ঈশিং পীবা, নোংগী ঈশিং য়োকশিনবা অমসুং ঈশিং রিসাইক্লিং তৌবা (বি) খুঙ্গংশিং অসি লু নানহনবা অমসুং এপন-দিফিকেসন ফ্রী (ও.দি.এফ.)ওইহনবা অসিগীদমক লুপা কোতি ৩০,৩৭৫গী শেনফম কাইথখ্রে৷ অসুমতৌদনা ঈশিং অমসুং সেনিতেসন অসি মতম শাংনা ফংহন্নবা মসিগী গ্রান্ত অসি পি.আর.আই.শিং অসিনা শিজিন্নগদৌরি৷

তোতিগী ঈশিং অসি য়ুমথোংশিং অসিদা ১০০% ফংহন্নবা রাজ্যশিং/য়ু.তি.শিং অসিনা হোৎনরি৷ এফ.ঐচ.তি.সি. ১০০%  মনুং চলহন্নবা রাজ্যশিং/য়ু.তি.শিং অসিগী মতম অদু মখাদা পীরে:

২০২০দা এফ.ঐচ.তি.সি.শিং ১০০% মনুং চলহনবা: গোৱা

২০২১দা এফ.ঐচ.তি.সি.শিং ১০০% মনুং চলহনবা: এ অমসুং এন ইথৎশিং, বিহার, পুদুচেরী অমসুং তেলঙ্গনা

২০২২দা এফ.ঐচ.তি.সি.শিং ১০০% মনুং চলহনবা: হরিয়ানা, জম্মু অমসুং কাশ্মীর, লদাখ, হিমাচল প্রদেশ, গুজরাত, মেঘলয়, পঞ্জাব, সিক্কিম, উত্তরখন্দ অমসুং উত্তর প্রদেশ

২০২৩দা এফ.ঐচ.তি.সি.শিং ১০০% মনুং চলহনবা: অরুনাচল প্রদেশ, ছত্তিশগর, কর্নতকা, কেরলা, মধ্য প্রদেশ, মনিপুর, মিজোরাম, নগালেন্দ, তামিল নাদু অমসুং ত্রিপুরা

২০২৪দা এফ.ঐচ.তি.সি.শিং ১০০% মনুং চলহনবা: অসাম, আন্দ্র প্রদেশ, ঝর্খন্দ, মহারাস্ত্র, ওরিশা, রাজস্থান অমসুং ৱেস্ত বেঙ্গল৷

অহাংশিং অসিগী হকচাং ফনবা অমসুং হোলিস্তিক দিভেলপমেন্ত অসিগীদমক অঙাংশিং অসিদা অফবা ঈশিং পীবা অসি য়াম্না মরু ওই৷ অনগনৱাদি সেন্তরপশিং, আশ্রমশালাশিং(ত্রাইভেলগী মফমশিং অসিদা লৈরিবা লৈনবা য়ুম য়াওবা স্কুলশিং) অমসুং স্কুলশিং অসিদা তোতিগী ঈশিং ফংহন্নবা নুমিৎ ১০০নিগী কেম্পেন্দ অমা ২০২০গী ওক্তোবরগী তাং ২দা পুথোকখ্রে৷ কেম্পেন্দ অসিগী মখাদা পাংথোক্নবা মীৎয়েং থম্লিবা অদুদি অঙাংশিং অসিনা খুৎ-শা হাম্নবা অমসুং তোইলেত্তা শিজিন্ননবা পাইপকী ঈশিং ফংহনবা অসিগা লোইননা মিদ-দে মীলগী চাক থোংনবা অমসুং থক্নবগীদমক অফবা পাইপকী ঈশিং পীবা অসিদা মীৎয়েং থম্লি৷ থবকশিং অসি লোইশিন্নবা হোৎনবদা রাজ্যশিং/য়ু.তি.শিং অসিন থেংনরিবা চেলে়ঞ্জশিং অসিগী মতুং ইন্না কেম্পেন্দ অসি ২০২১গী মার্চ ৩১ ফাওবা মখাতানা চৎথরগনি৷

২০১৯গী ওগস্ত থাদা জল জীবন মিসন অসি লাওথোকপা মতমদা লৈবাক অসিদা লৈরিবা অপুনবা খুঙ্গংগী য়ুমথোং কোতি ১৮.৯৩গী মনুংদা য়ুমথোং কোতি ৩.২৩(১৭%) খক্তমক তোতিগী ঈশিং ফংলম্মী৷ লেমহৌরিবা খুঙ্গংগী য়ুমথোং ৮৩% অসি ২০২৪ ফাওবগী মনুংদা তোতিগী ঈশিং ফংহল্লগনি৷ কোবিদ-১৯ লাইনা-লাইচৎ অসিনা অথিংবা কয়া অমা পীরবসু অফবা থক্নবা ঈশিং পীবগী থবক্তি লেপ্পা লৈখিদে অমসুং মসিনা মরম ওইদুনা হায়রিবা মতম অসিদা য়ুমথোং কোতি ৩.২৮দি তোতিগী ঈশিং ফংহনখ্রে৷ অসুমতৌদনা হৌজিক্তি লৈবাক অসিগী খুঙ্গংগী য়ুম ১/৩ হেন্না হায়বদি খুঙ্গংগী য়ুমথোং কোতি ৬.৫২দা মখোয় মখোয়গী ময়ুমশিং অসিদা তোতিগী ঈশিং ফংহল্লি৷

রাজ্যশিং/য়ু.তি.শিং অসিগী মরক্তা ঈশিং পীবগী থবক অসিদা হেন্না ফনা ঈশিং পীবগী কম্পিতিসন লৈরে৷ খুঙ্গংগী য়ুমথোং পুম্নমক্তা ঈশিং পীবদা তেলঙ্গনানা মতুং ইন্দুনা লৈবাক অসিদা গোৱানা ইহান হানবা রাজ্য অদু ওইরে৷ হৌজিক ফাওবগী ওইনদি জিলা ৫২দা অমসুং ব্লোক ৬৬০ হেনবদা লৈরিবা গ্রাম পঞ্চায়ত ৩৮,০০০ অমসুং খুঙ্গং ৭২,০০০ অসিগী য়ুমথোং পুম্নমক তোতিগী ঈশিং ফংবা হৌখ্রে৷

খুঙ্গংগী মফমশিং অসিদা লৈরিবা মীওঈশিং অসিগী পুন্সি হেন্না নুংঙাইনা লৈহন্নবা অমসুং হেন্না ফবা ক্বালিতী লৈহন্নবা কেন্দ্র সরকার অসিনা মীৎয়েং থমদুনা মসিগী ফ্লেগশিপ প্রোগ্রাম অসিদা পার্লিয়ামেন্তগী মেম্বরশিং য়াওশিল্লকপা অসিনা জল জীবন মিসন অসি মীয়ামগী ইহৌ অমা হায়বদি জন অন্দোলন ওইহল্লগনি৷

*****