মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়
কে.ভি.আই.সি.না ৱেস্ত বেঙ্গালদা লোকেলগী থবক হেন্না ফগৎনবা আর্তিসান ২২৫০দা তৈরেং, ফিশাকোন, গার্মেন্ত মেচিনশিং য়েন্থোকখ্রে
Posted On:
29 JAN 2021 4:30PM by PIB Imphal
খাদি অমসুং ভিল্লেজ ইন্দস্ত্রীজ কম্মিসন (কে.ভি.আই.সি.)না ইরাই নুমিৎতা ৱেস্ত বেঙ্গালগী মাল্দা দিস্ত্রীক্তা আর্তিসান ইমুং ২২৫০ কান্নবা পীদুনা পাক চাওনা থবক্কী দ্রাইব হৌদোকখ্রে। স্তেত অসিদা লেঙদবা পুন্সি মহিং অমগী খুদোংচাবা ফংনবগী পান্দমদা, কে.ভি.আই.সি.গী চেয়রমেন শ্রী বিনয় কুমার শক্সেনানা তৈরেং অনৌবা মোদেল ১১৫৫, মুগা তৈরেং ৪৩৫, রেদিমেদ গার্মেন্ত শেম্নবা মেচিন ২৩৫, মতমগী চুনরবা ফিশাকোন অমসুং রিলিং বেসিন ১৩৫ আর্তিসানগী ইমুংশিংদা য়েন্থোকখি। বেনিফিসরীশিং অসি চাওরাক্না নুপী আর্তিসান ৯০% অমা তৈরেং তাইবা অমসুং ফি শাবদা চৎথরি।
অসিগুন্বা মতিক চাবা খুলায় য়েন্থোকপা অসি হন্দক্কী ওইনা ৱেস্ত বেঙ্গালদা খ্বায়দী চাওবা থৌরম অমনি। দ্রাইব অসিনা মাল্দাদা মুগা অমসুং লশিংগী ইন্দস্ত্রীদা লং উংবা, ফি শাবা অমসুং রিলিং তৌবদা য়াম্না চাওনা চাওথোক্লগনি। কে.ভি.আই.সি.না মাল্দাদা খাদি ইন্সতিত্যুৎ ২২ মপাঙ্গল কনখৎনবা লুপা করোর ১৪ পীথখ্রে। হায়রিবা থবক অসিনা পুন্সি মহিংদা মপুং ওইনা লৈরিবা লোকেলগী আর্তিসানশিংগী দিস্ত্রীক্তশিংদা রেদিমেদ গার্মেন্ত ইন্দস্ত্রীশিংশু মপাঙ্গল কনখৎহল্লগনি।
কে.ভি.আই.সি.গী চেয়রমেন শ্রী বিনয় কুমার শক্সেনানা হায় মদুদি ৱেস্ত বেঙ্গালদা খাদি ইন্দস্ত্রী মপাঙ্গল কনখৎহনবা অসি ইকাই খুম্নরবা প্রধান মন্ত্রীগী মংলান য়ুমথোং খুদিং তৈরেং লৈহনবা অসিদা য়াওরি। মহাক্না হায় মদুদি মসিনা মীপুম খুদিংদা থবক ফংহন্দুনা চাওরবা পন্থুং অমা ফংলগনি।
“ৱেস্ত বেঙ্গালদা নাৎকী ওইবা লশিং অমসুং মুগা ইন্দস্ত্রী মপাঙ্গল কনখৎহন্দুনা চাওনা থবক পীবা অসি কে.ভি.আই.সি.গী মরুওইবা পান্দম্নি। লোনখ্রবা য়ুনিৎশি হিংগৎহনবা, হান্ননা লৈরিবা ইন্দস্ত্রী মপাঙ্গল কনহনবা অমসুং লেঙদবা লোকেলগী থবকশিং লোকেলগী আর্তিসানশিংদা ফংহনবা অসিনা শেন-থুমগী অৱাবা কোকহনবতা নত্তনা ৱেস্ত বেঙ্গালদা লশিং অমসুং মুগা পুথোকপদা মখা তানা য়াম্না কল্লগনি,” হায়না সক্সেনানা হায়রি।
কে.ভি.আই.সি.গী চেয়রমেন্না হায় মদুদি ৱেস্ত বেঙ্গালদা থবক পীরিবা অসিনা “আত্মানির্ভর ভারত” অমসুং “ভোকেল ফোর লোকেল”দা মতেং ওইরগনি। “মতিক চারবা খুলায়শিং অসিনা আর্তিসানশিং অসি শক্তি পীদুনা পোৎ পুথোকপদা য়াংশিল্লগনি অমসুং মখোয়গী ইনকম হেনগৎহল্লগনি। মসিনা ৱেস্ত বেঙ্গালগী অরীবা ক্রাফশিং মখা তানা হিংগৎহল্লগনি” হায়না সক্সেনানা হায়রি।
মসি পনবা য়াই মদুদি চহি চা কয়াদগী ৱেস্ত বেঙ্গাল অসি খ্বায়দগী ফবা লশিং অমসুং মুগাগী ফেব্রীক পুথোকপদা মমিং চৎলি। স্তেত অসি পাক শন্না মসিগী মুগা, মুলবেরী অমসুং তুশার মুগাশিং অসিদা কুইরবা মতমদগী লৈরক্লি।
স্তেত অসি মালেমগী ফাওরবা মুস্লিন লশিংগীদমক মমিং লৈরি। কে.ভি.আই.সি.না অহানবা ওইনা ওনলাইন ওইনা পোৎশিং হায়বদি মুস্লিন অসি য়োন্নবা ই-পোর্তেলগী প্লেতফোর্ম পীদুনা বাঙ্গালগী খাদি ইন্সতিত্যুৎ অসি চাওখৎলি। সক্সেন্না অতৈ অনৌবা পোত্থোক হায়বদি দুরিস, ব্লানকেৎনচিংবা হায়রিবা অসি পেরামিলিতরীনা ফোর্সশিংনা ওর্দরশিং কে.ভি.আই.সি.না ফংলিবা অসি পীনবা কন্না তকশিনখি।
*****
(Release ID: 1693438)
Visitor Counter : 176