नवी दिल्‍ली, 29 जानेवारी 2021

केंद्रीय अर्थसंकल्प 2020-21 मध्ये करण्यात आलेल्या घोषणेनुसार भारतीय रेल्वेच्या वतीने दूध, मांस आणि मासे यांच्यासह इतर नाशवंत पदार्थ आणि कृषी उत्पादनांच्या वाहतुकीसाठी किसान रेल्वे सेवा सुरू केली आहे.

बहुवस्तू, बहुमालवाहू, उपभोक्ता, बहु-लोडिंग आणि अनलोडिंग वाहतूक या किसान रेल सेवेमुळे होत आहे. यामुळे शेतकरी बांधवांना मोठ्या प्रमाणावर बाजारपेठ उपलब्ध होत आहे.

उत्पादन केंद्रे आणि बाजारपेठ यांचा मेळ घालून उपभोक्त्यापर्यंत नाशवंत उत्पादने शक्य तितक्या कमी कालावधीत पोहोचवता यावीत आणि कृषी क्षेत्राचे उत्पन्न वाढविता यावे, असे प्राथमिक उद्दिष्ट निश्चित करून किसान रेल सेवा सुरू करण्यात आली आहे. किसान रेल सेवा सुरू करण्यासाठी कृषी मंत्रालय, राज्य सरकारे आणि स्थानिक संस्था यांच्यासह रेल्वेच्या विविध भागधारकांच्या सक्रिय पाठिंब्यामुळे किसान रेल्वे सेवा सुरू झाली आहे. या क्षेत्रातल्या सहभागीतांकडून आलेल्या मागण्या, त्यांच्या आवश्यकता यांच्याविषयी आलेले अभिप्राय यांच्या आधारे भारतीय रेल्वेने आत्तापर्यंत विविध अठरा मार्गांवर किसान रेल सेवा सुरू केली आहे. दि.7.08.2020 रोजी महाराष्ट्रातल्या देवळाली ते बिहारमधल्या दानापूर या मार्गावर पहिल्या किसान रेल्वेचा हिरवा झेंडा दाखवला होता.

किसान रेल गाड्यांसाठी वेळापत्रक तयार करण्यात आले असून त्यानुसार त्यांचे मार्गही निश्चित करण्यात आले आहेत. त्यामुळे त्या मार्गावरील इतर गाड्यांना विलंब होणार नाही, याची दक्षता घेतली जात आहे. किसान रेल सेवा आत्तापर्यंत 18 मार्गांवर सुरू करण्यात आली आहे. 22 जानेवारीपर्यंत 157 सेवा किसान रेलच्या माध्यमातून देण्यात आल्या असून 49,000 टनांपेक्षाही जास्त कृषी मालाची वाहतूक करण्यात आली आहे. आत्तापर्यंत ज्या मार्गांवर किसान रेल सेवा सुरू झाली आहे, त्या मार्गांचा तपशील खालीलप्रमाणे आहे.

Route No	From – To	Date of Inauguration
1	Devlali to Danapur (now Sangola to Muzaffarpur)	07-08-2020
2	Anantpur to Adarshnagar, Delhi	09-09-2020
3	Yeshwantpur to Nizamuddin	19-09-2020
4	Nagpur to Adarshnagar, Delhi	14-10-2020
5	Chhindwara to Howrah/New Tinsukia	28-10-2020
6	Sangola to Howrah  (via Secunderabad)	29-10-2020
7	Sangola to Shalimar	21-11-2020
8	Indore to New Guwahati	24-11-2020
9	Ratlam to New Guwahati	05-12-2020
10	Indore to Agartala	27-12-2020
11	Jalandhar to Jirania	31-12-2020
12	Nagarsol to New Guwahati	05-01-2021
13	Nagarsol to Chitpur	07-01-2021
14	Nagarsol to New Jalpaiguri	10-01-2021
15	Nagarsol to Naugachia	11-01-2021
16	Nagarsol to Fatuha	13-01-2021
17	Nagarsol to Baihata	19-01-2021
18	Nagarsol to Malda Town	20-01-2021

* * *

M.Chopade/S.Bedekar/D.Rane

 

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com

(Release ID: 1693359) Visitor Counter : 247