সর্জন ভাইস এদমিরেল নাবীন চাউলানা, ভি.এস.এম.না দাইরেক্তর জেনেরেল মেদিকেল সর্বিসেস (নেভী) ওইনা ২০২১গী জানুৱারীগী ২৮দা ফম লৌখ্রে। হৌজিক ওইরিবা ফম অসিগী মাংওইননা মহাক্না মরুওইরবা ওফিসর অসিনা দি.জি.এ.এফ.এম.এস. ওফিসকী দাইরেক্তর জেনেরেল হোস্পিতাল সর্বিসেস (এ.এফ)কী ফম পুরম্মী।
আর্ম ফোর্সেস মেদিকেল কোল্লেজ, পুনেগী ময়াম পুনবা থৌরম অমদা মহাক অসি ১৯৮৩গী দিসেম্বর ১৭তা আর্ম ফোর্সেস মেদিকেল সর্বিসতা খনখিবনি। মহাক্না চহি ৩৭ পুরিবা থবক অসিগী মনুংদা, মরুওইবা ওফিসর অসিনা মখল কয়াগী থৌ পুরম্মী অমসুং স্তাফ এপোইন্তমেন্ত হায়বদি দাইরেক্তর জেনেরেল হোস্পিতাল সর্বিসেস (আর্ম ফোর্সেস), কম্মান্দ মেদিকেল ওফিসর, ঐচ.ক্যু.দবল্যু.এন.সি. অমলুং এজিক্যুতিব ওফিসর, আই.এন.ঐচ.এস.অসবিনি। মহাক্না খ্বাইদগী চাওরবা ইন্দিয়ন নেবাল হোস্পিতাল অহুমগী মনুংদা অনি মিং ওইনা পল্লবদা  আই.এন.ঐচ.এস.অসবিনি অমসুং আই.এন.ঐচ.এস.সঞ্জিবানি অসিদা কম্মান্দিংগী অখন্নবা দিস্তিংসন লৈ।   

মরুওইরবা ওফিসর অসিনা ইস্তর্ন ফ্লীতকী ফ্লীত মেদিকেল ওফিসর ওইনা থবক কয়া অমা পুরম্মী। মহাক অসি মমিং লৈরবা ওজা অমসুনি অমসুং মহারাস্ত্রা য়ুনিভর্সিতিগী হেলথ সাইন্সতা পাথোলোজীগী প্রোফেসর ওইনা এম.দি.গী একজামিনরশু ওইখি।

মহাক্কী থবক্তা কত্থোকপা অমসুং পুক্নিং চংবা অসিদা মরুওইরবা ওফিসর অসিবু ২০১৫দা ভি.এস.এম. এৱার্দ পীখি।

*******

(Release ID: 1693114) Visitor Counter : 81